قايىنداپ بارۋ
قىزدىڭ توركىندەپ، ونىڭ كۇيەۋى قايىنداپ، جيەن ناعاشىلاپ بارادى. قىز توركىندەپ بارا الماسا، ءوز جاماندىعى، جولىنان جىعىلعانى دەپ بىلەدى حالىق. مۇندايدا جول-جورالعىدان سۇرىنەتىن ەل-جۇرت بولمايدى، ولاردى حانداي كوتەرىپ الادى.
سونىمەن "جىگىتتىگى" ۇستاپ، ماڭىزدانا باسىپ، ماڭعاز قاراپ، جارىن ەرتىپ، ەلگە كۇيەۋ قايىنداپ كەلە جاتىر. كۇنى بۇرىن قۇلاقتانعان قايىن جۇرت ولاردى ادەپپەن، قۋانىشپەن، قۇرمەتپەن قارسى الادى. كۇيەۋدى دە كەلىن تۇسىرگەندەي ەتىپ ازىل-قالجىڭمەن كۇتەدى، بالدىزدار ونىڭ قۇلاعىنا جارماسىپ جاتادى. ەلگە كۇيەۋدىڭ وسىنداي داستۇرمەن كەلۋى - اۋىل ادامدارى ءۇشىن ءبىر مەرەكە. بالالار قۋانىپ، ۇلكەندەر شاتتانىپ، ۇلكەن ءماجىلىس قۇرىلادى، كەڭ داستارقان جايىلىپ، ساپىرىلعان سارى قىمىز، تاباق-تاباق ەت قويىلادى، شاشۋ شاشىلىپ كوڭىلدى كۇلكى، ساۋىق-سايران قايىنداپ كەلگەن كۇيەۋدىڭ اجار-بەدەلىن ودان ءارى كوتەرە تۇسەدى. ءتول سىباعاسىن - ءتوسى مەن اسىقتى جىلىگىن جەگەن كۇيەۋ دە ريزا، ونىڭ جانىنداعى سول ەلدىڭ قىزى دا ريزا.
بۇل ءداستۇر - كۇيەۋدى دە، ونىڭ قايىن جۇرتىن دا سىنايتىن ۇلكەن جول.
You Might Also Like
-
ءبىلىم بەرۋ جۇيەسى - سىنعا كوپ ۇشىرايتىن سالانىڭ ءبىرى جانە وندا بولىپ جاتقان رەفورمالار اۋىرتپالىقسىز وتكەن ەمەس. وسى جىلعى ناۋرىزدا قازاقستاندا «ءبىلىم بەرۋدى جانە عىلىمدى دامىت...
-
ق ر ءبىلىم جانە عىلىم ءمينيسترى ەرلان ساعادييەۆ ەلىمىزدە العاش رەت ءوتىپ جاتقان «جارقىن بولاشاق» ءتىل جانە مادەنيەت فەستيۆالىنىڭ قاتىسۋشىلارىنا قۇتتىقتاۋ جولدادى. قۇتتىقتاۋدى بۇگىن فەستيۆالد...
