(مارقۇم سۇلەيمەن بيجانۇلىنا باعىشتادىم)

سەن جوعىڭدا بۇ جالعاندا،
«جالعاپ ولقى» دەيدى كىم؟
سەن كەلگەندە ارامىزعا،
قانشا وراسان تولدى كىم؟
قايتىپ ەدىڭ قالىبىڭا،
بار ما نارسە وزگەرگەن؟
سەن ءبىر سىنشى كورەيىن دەپ،
سۇم جالعانعا كەز كەلگەن.
بار جولداسىڭ بويىڭداعى،
ار-يمانىڭ، نامىسىڭ،
He قىلايىن دەپ ەدىڭ سەن،
بۇ جالعاننىڭ تابىسىن!
نامىسىڭا ءتيىپ ەدى،
قىلدىڭ قۇربان مال-جاندى،
اتا-اناڭدى، ءاعا-ىنىڭ مەن
ەلى-جۇرتىڭ جالعاندى.
مەن دە جاڭا ءبىلدىم ەندى:
ءبىر جىگىتتىڭ سىمباتىن.
بىلدىرۋگە كەلگەنىڭدى
ار نامىستىڭ قىمباتىن...
1917-1918

---