نازاربايەۆ مەكتەپتەرىندە وقۋ گرانتى قىمباتتايدى
«اشىق نقا» پورتالىندا «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىندا دارىندى بالالاردىڭ وقۋىنا اقى تولەۋگە ارنالعان ق ر پرەزيدەنتىنىڭ «وركەن» ءبىلىم بەرۋ گرانتىن تاعايىنداۋ قاعيدالارى مەن مولشەرلەرىن بەكىتۋ تۋرالى» وقۋ-اعارتۋ مينيسترلىگىنىڭ بۇيرىعىنا وزگەرىس ەنگىزۋدى كوزدەيتىن بۇيرىق جوباسى جاريالاندى.
«گرانتتىڭ مولشەرلەرى:
1) جاتاقحانادا تۇرۋدى ەسەپتەمەگەندە، كۇنتىزبەلىك جىلعا 2 349 191 (ەكى ميلليون ءۇش ءجۇز قىرىق توعىز مىڭ ءجۇز توقسان ءبىر) تەڭگە؛
2) جاتاقحانادا تۇرۋدى ەسەپتەگەندە، كۇنتىزبەلىك جىلعا 3 247 305 (ءۇش ميلليون ەكى ءجۇز قىرىق جەتى مىڭ ءۇش ءجۇز بەس) تەڭگەنى قۇرايدى»، - دەلىنگەن ۇسىنىلىپ وتىرعان بۇيرىق جوباسىندا.
ال قولدانىستاعى بۇيرىق جوباسىندا جاتاقحانادا تۇرۋ اقىسىن ەسەپتەمەگەندەگى جىلدىق گرانت قۇنى 2 150 208 تەڭگە، جاتاقحانادا تۇرۋ باعاسىن قوسقانداعى جىلدىق گرانت قۇنى 3 036 859 تەڭگە بولعان.
بۇيرىق جوباسى 29 قاڭتارعا دەيىن قوعام تالقىلاۋىندا بولادى.
You Might Also Like
-
ەرتە زاماندا، مىناۋ جالعان دۇنيەدە ءبىر كورول ءومىر ءسۇرىپتى. ونىڭ كيىمدى ساندەپ كيىنگەندى جاقسى كورەتىنى سونشالىق، قولىندا بار اقشاسىن تۇگەلدەي جاڭا كيىم-كەشەك تىكتىرۋگە جۇمسايدى ەكەن. ال كەز كەلگەن...
-
ەلىمىزدىڭ مەملەكەتتىك مەكتەپتەرىندە 2 817 پەداگوگ جەتىسپەيدى.
