InfoHub Logo

سوڭعى بىرنەشە جىلدا العاش رەت تالاپكەرلەر ەڭ كوپ تاڭدايتىن بەيىندىك پاندەر كومبيناسياسى وزگەردى.

عىلىم جانە جوعارى ءبىلىم مينيسترلىگىنىڭ مالىمەتىنشە، تالاپكەرلەردىڭ 18،4%-ى بيولوگيا-حيميا پاندەرىن تاڭداعان. بۇل بەيىندىك پاندەر كومبيناسياسىمەن تالاپكەرلەر مەديسينا، پەداگوگيكا، اۋىل شارۋاشىلىعى، ۆەتەريناريا جانە ت.ب. باعىتتارعا وقۋعا تۇسە الادى.

سونىمەن قاتار العاشقى بەستىكتە ماتەماتيكا-فيزيكا – 16،9%، ماتەماتيكا-ينفورماتيكا – 11،7%، شەت تىلى-دۇنيەجۇزى تاريحى – 9،4% جانە شىعارماشىلىق ەمتيحان 9،3% بار.

وتكەن جىلعى مالىمەتتەرگە سۇيەنەتىن بولساق، توپ-5 وزگەرگەن جوق. دەگەنمەن 2023 جىلعى قاڭتار ۇبت-سىندا تالاپكەرلەردىڭ ەڭ كوپ تاڭداعان كومبيناسياسى ماتەماتيكا-فيزيكا 19،2% بولدى. ەكىنشى ورىندا بيولوگيا-حيميا – 18،6%، ارى قاراي شىعارماشىلىق ەمتيحان – 10،2%، ماتەماتيكا-ينفورماتيكا – 10% جانە شەت تىلى-دۇنيەجۇزى تاريحى – 8،7%.

«ۇبت-داعى ەڭ تانىمال كومبيناسيانىڭ بيولوگيا-حيميا دەپ وزگەرۋى تالاپكەرلەر اراسىندا مەديسينالىق جانە اۋىلشارۋاشىلىق ماماندىقتارىنىڭ باسىم تاڭداۋعا يە بولعاندىعىن كورسەتەدى. سوڭعى بىرنەشە جىلدا ۇبت-نىڭ بارلىق كەزەڭدەرىندە تالاپكەرلەر ينجەنەرلىك، قۇرىلىس، پەداگوگيكالىق جانە باسقا دا ماماندىقتارعا تۇسۋگە مۇمكىندىك بەرەتىن ماتەماتيكا-فيزيكا كومبيناسياسىن كوپ تاڭدادى. وسى كومبيناسيادا ماماندىق تاڭداۋ مۇمكىندىگى دە كوبىرەك، سونىمەن قاتار گرانتتار الۋ ىقتيمالدىعى جوعارى. وسىعان قاراماستان، 2024 جىلى تالاپكەرلەردىڭ 18،4%-ى بيولوگيا-حيميا پاندەرىن تاڭداۋدى ءجون كوردى»، - دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

ەستەرىڭىزگە سالا كەتسەك، قاڭتار ايىندا وتەتىن ۇبت باستالدى، ول 10 اقپانعا دەيىن جالعاسادى. 136 مىڭ ادام ۇبت-عا قاتىسۋعا ءوتىنىش بەردى.

---