ونلاين ساۋدا: قازاقستاندىقتار قانداي تاۋارلاردى ءجيى الادى
2023 جىلدىڭ 11 ايىندا ەلەكتروندىق ساۋدا كولەمى شامامەن 2،2 تريلليون تەڭگەگە جەتتى. بۇل تۋرالى ساۋدا جانە ينتەگراسيا ءمينيسترى ارمان شاققالييەۆ باياندادى.
«جاھاندىق ەلەكتروندىق ساۋدا نارىعى وزىق قارقىنمەن وسۋدە. ەلەكتروندىق ساۋدا جان-جاقتى دامۋعا ىقپال ەتە وتىرىپ، الەمدىك ەكونوميكالىق ءوسۋدىڭ جاڭا درايۆەرىنە اينالدى. حالىقارالىق ساراپشىلاردىڭ بولجامىنشا، 2026 جىلعا قاراي ۆ2س الەمدىك ەلەكتروندىق نارىعى – 8،2 تريلليون اقش دوللارىن قۇرايدى. ولاردىڭ باعالاۋىنشا، 2022 جىلى بۇل كورسەتكىش 5،7 تريلليون دوللار بولعان»، - دەدى ا. شاققالييەۆ ۇكىمەت وتىرىسىندا.
2022 جىلى قازاقستاندا ەلەكتروندىق ساۋدا ۇلەسى 12،5 پايىزدى قۇرادى، بۇل شامامەن 2 تريلليون تەڭگە. ينتەرنەت ارقىلى وتكىزىلگەن نەگىزگى تاۋارلار: ءۇي تاۋارلارى، كيىم، اياق كيىم، تاماق ونىمدەرى، كوسمەتيكا، دارى-دارمەكتەر.
«2022 جىلدىڭ قورىتىندىسى بويىنشا ەلەكتروندىق ساۋدا قىزمەتتەرى نارىعىنىڭ كولەمى 1،2 تريلليون تەڭگە بولعان، ونىڭ 50،3% جولاۋشىلاردى تاسىمالداۋ قىزمەتىنە تيەسىلى. وتكەن جىلدىڭ 11 ايىندا ەلەكتروندىق ساۋدا كولەمى شامامەن 2،2 تريلليون تەڭگەنى نەمەسە بولشەك كولەمىنەن 13% قۇرادى. 2023 جىلدىڭ ناتيجەسىندە جوسپارلانعان ەلەكتروندىق ساۋدا ۇلەسى 13،2% قۇراۋى ءتيىس»، - دەيدى ساۋدا ءمينيسترى.
مينيسترلىك الدىندا ەلەكتروندىق ساۋدانىڭ ۇلەسىن 2030 جىلعا قاراي 20% دەيىن جەتكىزۋ مىندەتى تۇر.
You Might Also Like
-
سوڭعى بىرنەشە جىلدا العاش رەت تالاپكەرلەر ەڭ كوپ تاڭدايتىن بەيىندىك پاندەر كومبيناسياسى وزگەردى.
