نۇرلان نوعايەۆ جەتى حان جاتقان سارايشىققا ءۇيىندى دەپ قاراۋعا بولمايتىنىن ايتتى
اتىراۋ وبلىسىنىڭ اكىمى نۇرلان نوعايەۆ جەتى حان جاتقان سارايشىققا ءۇيىندى دەپ قاراۋعا بولمايتىنىن ايتتى. بۇل تۋرالى ايماق باسشىسىنىڭ “قازاقستان” ۇلتتىق ارناسىنداعى “باستى تاقىرىپ” باعدارلاماسىنا بەرگەن كەشەگى سۇحباتىندا بەلگىلى بولدى.
سارايشىقتى ساقتاپ قالۋ مۇمكىن بە دەگەن ساۋالعا وبلىس اكىمى ساقتاپ قالۋ قاجەت ەكەنىن ايتىپ جاۋاپ بەردى.
– سارايشىقتا، بىرەۋ بىلەر، بىرەۋ بىلمەس، مامانداردىڭ ايتۋىنشا، قازاقتىڭ جەتى حانى جەرلەنگەن. ...بۇل نە ءۇشىن كەرەك بىزگە؟ ءسىز ايتقانداي بوسقا ۋاقىت وتكىزىپ جاتقان جوقپىز با؟ بۇل جاتقان توپىراق ۇيىندىلەرى عوي. سونى قازبالاي بەرىپ نە قىلىمىز، قاراجات جۇمساپ نە قىلامىز دەگەندەي. ءبىراق، حالىق ايتقانداي، وتكەندى بىلمەي، بولاشاق بولمايدى. ...سارايشىقتى ساقتاۋ كەرەك، – دەدى ول.
ايتا كەتەلىك، بىلتىر اتىراۋ وبلىسىنىڭ اكىمدىگى 1،5 ميلليارد تەڭگە قاراستىرىپ، كونە شاھاردى شايىپ بارا جاتقان جايىق وزەنىنىڭ جاعاسىن بەكىتۋدى باستادى. سونىمەن قاتار، مادەنيەت جانە سپورت مينيسترلىگى ەجەلگى قالانى قالپىنا كەلتىرۋ ءۇشىن تاعى 100 ميلليون تەڭگە بولەتىنىن مالىمدەدى. سارايشىق قالاسىن تۋريستىك ورتالىققا اينالدىرۋ ءۇشىن كاسىپكەرلەردى تارتۋ جوسپارلانىپ وتىر.
كونە شاھار اتىراۋ قالاسىنان 45 شاقىرىم جەردە جايىق وزەنىنىڭ جاعاسىندا ورنالاسقان. التىن وردانىڭ ساياسي، ەكونوميكالىق ورتالىقتارىنىڭ ءبىرى بولعان قالا قاسىم حاننىڭ تۇسىندا قازاق حاندىعىنىڭ استاناسى اتاندى. جىبەك جولىنىڭ بويىندا تۇرعان مۇندا 7 حان جەرلەنگەن. ولار: موڭكە، توقتاعۋ، جانىبەك، ءامىر وقاس، قاسىم حان، شيح ماماي جانە ءجۇسىپ حاندار.
You Might Also Like
-
بالاباقشالارداعى كادر تاپشىلىعى جالاقىنىڭ تومەندىگىنەن ورىن الىپ وتىر. بۇل تۋرالى بۇگىن ماجىلىستە مەكتەپكە دەيىنگى وقىتۋ قىزمەتىنىڭ ساپاسى مەن قولجەتىمدىلىگىن ارتتىرۋ تاقىرىبىنداعى دوڭگەلەك ۇستەل و...
-
رەسەيلىك كومپانيا ءتورت روتورمەن اۋادا سامعاي الاتىن حوۆەربايك شىعاردى.
