ءماجىلىس دەپۋتاتى بالاباقشا كەزەگىندەگى سانداردىڭ سايكەس كەلمەۋىن سىنادى
ق ر پارلامەنتى ءماجىلىسىنىڭ دەپۋتاتى ناتاليا جۇمادىلدايەۆا بالالاردى مەكتەپكە دەيىنگى بىلىممەن قامتۋ ەسەپتىلىگىندەگى سانداردىڭ سايكەسسىزدىگىن سىنادى.
«مەكتەپكە دەيىنگى مەكەمەلەردەگى جالپى ورىن سانى 814 140. ال ەسەپتەردە بالاباقشامەن قامتىلعانداردىڭ سانى 807 170 ادام. دەمەك، رەسپۋبليكا بويىنشا مەكتەپكە دەيىنگى مەكەمەلەردىڭ جوبالىق قۋاتىنان 6970 ورىنعا كەم. وسى رەتتە مىنانداي سۇراق تۋىندايدى. 160 مىڭنان استام بالا مەكتەپكە دەيىنگى مەكەمەلەرگە بارا الماي وتىرعاندا شامامەن 7 مىڭ ورىن نەلىكتەن بوس تۇر؟ بۇل ەسەپتىلىكتەگى قاتەلىك پەن الدە مەكتەپكە دەيىنگى مەكەمەگە كەزەككە تۇرۋ جانە باعىتتاما الۋدى بەكىتۋ جونىندەگى مەملەكەتتىك قىزمەتتەردىڭ ەسەپكە الۋ جۇيەسىندەگى كەمشىلىك پە؟»، - دەدى ول بۇگىن ماجىلىستەگى مەكتەپكە دەيىنگى وقىتۋ قىزمەتىنىڭ ساپاسى مەن قولجەتىمدىلىگىن ارتتىرۋ تاقىرىبىنداعى دوڭگەلەك ۇستەل وتىرىسىندا.
ونىڭ اتاپ وتۋىنشە، 2015 جىلمەن سالىستىرعاندا 3-6 جاس ارالىعىنداعى بالالاردى مەكتەپكە دەيىنگى مەكەمەمەن قامتۋ ءوسىمى رەسپۋبليكا بويىنشا 4،2 پايىزدى قۇراعان.
«807170 بالا مەكتەپكە دەيىنگى بىلىممەن قامتىلعان. بۇل 3-6 جاس ارالىعىنداعى بالالاردىڭ جالپى سانىنىڭ 65،8 پايىزىن قۇرايدى. ال ءبىز ءبىلىم جانە عىلىم مينيسترلىگىنىڭ ستاتيستيكاسىنا جۇگىنەر بولساق، وندا رەسپۋبليكا بويىنشا مەكتەپكە دەيىنگى بىلىمممەن قامتۋدىڭ ورتاشا كورسەتكىشى 85،8 پايىز بولىپ شىعادى. بۇل سان قامتىلۋى ءتيىس بالالار ساناتى ەسەبىنەن شىعىپ وتىر»، - دەدى جۇمادىلدايەۆا.
You Might Also Like
-
استانا قالاسى «التىن ءدان» بالاباقشاسى مكقك بالاباقشا ادىسكەرى: ەشمۋحانوۆا اقمارال امانجولوۆنا
-
بۇل جاتتىعۋلار شارشاعاندى باسىپ، كوز قىراعىلىعىن جاقسارتىپ، ادامنىڭ راحاتتانۋىنا اكەلەدى. ءسىز ولاردى ۇيدە دە، جۇمىستا دا ىستەي الاسىز: نەبارى بىرنەشە مينۋت ۋاقىت ءبولىپ، تىنىش ءبىر بولمە تاپساڭىز جەت...
