بالاباقشالارداعى كادر تاپشىلىعى جالاقىنىڭ تومەندىگىنەن - سۋحانبەردييەۆا
بالاباقشالارداعى كادر تاپشىلىعى جالاقىنىڭ تومەندىگىنەن ورىن الىپ وتىر. بۇل تۋرالى بۇگىن ماجىلىستە مەكتەپكە دەيىنگى وقىتۋ قىزمەتىنىڭ ساپاسى مەن قولجەتىمدىلىگىن ارتتىرۋ تاقىرىبىنداعى دوڭگەلەك ۇستەل وتىرىسىندا ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.
ۆيسە-مينيستردىڭ دەرەگىنشە، بۇگىندە ەلىمىزدىڭ مەكتەپكە دەيىنگى ۇيىمدارىندا 84 مىڭنان استام پەداگوگ ەڭبەك ەتۋدە.
«جىل سايىن بۇل ماماندىقتارعا مەملەكەتتىك تاپسىرىس كولەمى ارتىپ كەلە جاتىر. دەگەنمەن، مەكتەپكە دەيىنگى ۇيىمدارداعى كادر تاپشىلىعى بالاباقشا پەداگوگى ماماندىعىنىڭ تارتىمسىزدىعىنان ەمەس جالاقىنىڭ تومەندىگىنەن ورىن الىپ وتىر»، - دەدى ول.
ونىڭ ايتۋىنشا، بۇگىندە بالاباقشا تاربيەسىنىڭ جالاقىسى 35،7-55،6 مىڭ تەڭگە توڭىرەگىندە بولسا، ال ونىڭ كومەشىسىنىڭ ايلىعى نە ءبارى 25-30 مىڭ تەڭگە عانا بولىپ وتىر.
«جالاقى بالالاردىڭ ءومىرى مەن دەنساۋلىعى ءۇشىن جۇكتەلەتىن جاۋاپكەرشىلىكپەن مۇلدەم سايكەس كەلمەيدى»، - دەدى سۋحانبەردييەۆا.
وسى رەتتە ول بۇل احۋالدى رەتتەۋ ءۇشىن مەكتەپكە دەيىنگى مەكەمەلەردىڭ پەداگوگتارىنىڭ جۇكتەمەسىن قايتا قاراستىرۋ كەرەك دەگەن ويىن جەتكىزدى.
«مەكتەپ ۇستازدارىنىڭ جۇكتەمەسىن قايتا قاراۋدا ءبىزدى قولداۋلارىڭىزدى وتىنەمىز»، - دەدى ۆيسە-مينيستر ءماجىلىس دەپۋتاتتارىنا.
You Might Also Like
-
شاكەرىم قۇدايبەردى ۇلى 1858 جىلى دۇنيەگە كەلگەن. اكەسى قۇدايبەردى مەن اقىن اباي ءبىر اكەدەن – قۇنانبايدان تۋعان. قۇدايبەردى 36 جاسىندا قايتىس بولىپ، جەتىم قالعان 7 جاستاعى شاكەرىمدى اباي تاربيە...
-
اتىراۋ وبلىسىنىڭ اكىمى نۇرلان نوعايەۆ جەتى حان جاتقان سارايشىققا ءۇيىندى دەپ قاراۋعا بولمايتىنىن ايتتى. بۇل تۋرالى ايماق باسشىسىنىڭ “قازاقستان” ۇلتتىق ارناسىنداعى “باستى تاقىرىپ&rdq...
