InfoHub Logo

ءومىر — ول ۇلكەن جول. ءومىر — تەڭىز، جۇزەم وندا دەمەڭىز،ىزگىلىكتەن جاسالماسا كەمەڭىز. ءومىر ادامعا ءبىر – اق رەت بەرىلگەن ۇلكەن سىي. ءومىردىڭ ءمانى ادالدىق، ادامدىقتا،قاراپايىمدىلىقتا. ءومىر ارناسى كەڭ وزەن، سول وزەننەن ءوز ارنامىزدى تاۋىپ اعۋ ءبىزدىڭ باستى ماقساتىمىز. ياعني دۇرىس جولدى تاۋىپ،ارى عاراي وسى ومىردە جاقسى امالدار جاساپ ءومىرىڭىزدى اياقتاۋ. ومىردە ارمانداپ، ءوز ماقساتتارىڭىزعا قول جەتكىزىپ باقىتتى عۇمىر كەشۋ. ال ءوز ماقساتىمىزعا جەتۋ وڭاي ەمەس، ول ءۇشىن قانداي دا ءبىر قيىندىقتارعا، كەدەرگىلەرگە كەزدەسۋىمىز مۇمكىن. ءومىر بولعان سوڭ ءار پەندەگە ءار ءتۇرلى سىناقتار كەلەدى. جاراتقانىمىز سۇيگەن قۇلىن سىنايدى دەمەكشى ءومىر سىناقتارعا تولى. ەندى بىرەۋلەرگە قيىندىقتار كەزدەسپەۋى دە مۇمكىن. سونداي كەزدەردە بىرەۋلەرگە قىزعانشاقتىق، كورە الماۋشىلىق تانىتپاي، ءوز ماقساتىمىز ءۇشىن كۇرەسە ءبىلۋىمىز كەرەك. بارلىعىمىزعا قول اياق،وي سانا،بىردەي ۋاقىت،بىردەي مۇمكىندىكتەر بەرگەن سول سەبەپتەن ەشقاشان مويىماي ءوز ماقساتتارىمىز ءۇشىن،ارماندارىمىز ءۇشىن كۇرەسۋىمىز قاجەت. ءوزىمىزدىڭ كۇشتى جاقتارىمىزدى كورسەتىپ،  السىزدىك، شاراسىزدىق تانىتپاۋىمىز كەرەك. ءبىز ءوز ءومىرىمىز ءۇشىن ءومىر سۇرۋگە ءتيىسپىز. بىرەۋگە رەنجىپ نەگە وپ وڭاي ولە سالۋىمىز كەرەك، باقا عۇرلى جوقپىز با؟ باقا دا ءوز ءومىرى ءۇشىن كۇرەسىپ اقىرى جەڭىسكە جەتتى. سول سياقتى ءاربار سىناققا سابىرمەن، شىداممەن كۇتسەك تۇبىندە ءبىر سىي بولاتىنىن ۇمىتپاڭىزدار!

ادام ءوزىن — ءوزى تاربيەلەپ، الدىنا ماقسات قويا ءبىلۋى كەرەك. سول ماقساتقا جەتۋ ءۇشىن ادامي قۇندىلىقتاردى باعالاي وتىرىپ، “ءوز ءومىرىم وزىمە قۇندى ” دەگەن قاعيدانى باستى نازاردا ۇستاۋىمىز قاجەت. ءبىز ومىردە وزىمىزگە ماقسات قويا بىلەمىز بە؟ ءومىر — ارپالىس، كۇرەس.

بۇل جالعاندا ءومىر كۇنى قىسقا
بىرەر جىل مەن قىس وتەر.
جۇرەگىڭمەن جول تاۋىپ،
ماقساتىڭا قولىڭ جەتەر

ادامنىڭ ءومىرى – جاراتقاننىڭ سىيى! ءبىراق، وكىنىشكە وراي، كوپ ادام بۇل الەمگە نە سەبەپتى كەلگەنى تۋرالى ويلانا بەرمەيدى. وزىنەن كەيىن سانالى ۇرپاق قالدىرۋعا ۇمتىلمايدى.

ادامدار قىمبات تاستاردى باعالايدى. سول تاستى كوزىنىڭ قاراشىعىنداي ساقتايدى. ال كۇندەلىكتى ومىردە قالاي ءومىر ءسۇرىپ جاتقانىنا مۇلدەم دەرلىك ءمان بەرمەيدى. ۋاقىتىن بوس وتكىزىپ، تەلەديداردىڭ ادىندا جاتادى. ءبىر كۇنى ءساتى ءتۇسىپ “بۇل ومىرگە نە ءۇشىن كەلدىم؟ ماعان ءومىر نە سەبەپتى بەرىلدى؟” دەگەن ساۋال قويىلادى. جارىق دۇنيەنى كورۋ باقىتى بۇيىرعان ەكەن. ونىڭ بەكەر ەمەستىگى ءسوزسىز. ياعني ءبىزدىڭ ءومىرىمىزدىڭ ءبىر ءمانى بار. ءومىر ادامعا ءبىر رەت قانا بەرىلەدى. ايگىلى جازۋشى وستروۆسكيي ايتپاقشى، ونى ارتىمىزعا قاراعاندا وكىنىش بولمايتىنداي ەتىپ ءسۇرۋىمىز كەرەك.

ماقسات – ومىردەگى ەڭ باستى نارسە. ول ارماندارعا ۇمتىلىپ، قالاۋىڭدى ورىنداۋ دەگەندى بىلدىرەدى. ول ءار ادامدا ءارتۇرلى بولۋى مۇمكىن. ءبىراق، ول مىندەتتى تۇردە بولۋى ءتيىس. ول جوعارى دەڭگەيدە، بارشا ادامعا پايدا الىپ كەلەتىندەي بولۋى ءتيىس.  

ابدۋعالي اينۇر انۋار قىزى

---