ون كەڭەس
اقش-تىق جازۋشى مايكل پوللان «ازىق ەرەجەلەرى» اتتى جاڭا كىتابىندا، ادامداردى دۇرىس تاماقتانۋ ارقىلى سالاۋاتتى ءومىر سۇرۋگە شاقىرادى.
كوپتەگەن ديەتولوگتار، دارىگەرلەر، انتروپولوگتار، مەدبيكەلەر، كوپتەگەن انالار جانە اجەلەرمەن پىكىر ءبولىسىپ سويلەسكەن جازۋشى مايكل پوللان قورەكتەنۋ ادىستەرىن ازىق ەرەجەلەرى اتتى كىتابىمەن جارىققا شىعارعان.
تومەندە تاماقتانۋداعى ماڭىزدى 10 كەڭەسى كەلتىرىلگەن:
نان قانشالىقتى اق بولسا، ءولىمىڭىز سونشالىقتى جاقىن دەگەن ءسوز. اق ۇننىڭ شەكەردەن ايىرماشىلىعى جوق.
ءسۇتتىڭ ءتۇسىن وزگەرتەتىن جۇگەرى قىتىرلاعىن جەمەڭىز.
اجەڭىز تانىمايتىن، بىلمەيتىن نارسەنى ساتىپ الماڭىز!
تاماقتى قارنىڭىز اشقاندا جەڭىز!
تاباعىڭىزدا قانشالىقتى ءتۇرلى-تۇستى تاعامدار بولسا، سونشالىقتى دەنساۋلىققا پايدالى.
دايىن تاماقتىڭ سىرتقى وراۋىندا «قۇرامى» دەگەن ءبولىمى نەعۇرلىم ۇزىن بولسا، سوعۇرلىم كوپ وڭدەۋدەن ءوتتى دەگەن ءسوز.
اسىڭىزدىڭ ءدامىن سەزىنە الاتىنداي ەتىپ اقىرىن جەڭىز!
ازىقتىڭ ۆيتريناداعى ءومىرى قانشالىقتى ۇزاق بولسا، سونشالىقتى كوپ وڭدەۋدەن ءوتتى دەگەن ءسوز.
داستارحاننان قاتتى تويىپ كەتۋدەن بۇرىن تۇرىڭىز! جاپوندار 80 % -عا، ال قىتايلىقتار 70 % -عا تويعان كەزدە داستارحاننان تۇرۋعا كەڭەس بەرەدى.
كوكونىس شىرىنىن دا ءىشىڭىز! بۇلار ازىقتىق قۇندىلىعىنا وتە باي كەلەدى.
You Might Also Like
-
نازارلارىڭىزعا الەمنىڭ تۇكپىر-تۇكپىرىندە ورنالاسقان قوناق ۇيلەردى ۇسىنامىز. كۇندەلىكتى قاربالىستان شارشاپ، الىستا، ەشكىم مازالامايتىن جەردە دەمالعىڭىز كەلسە بۇل قوناق ۇيلەر ءسىز ءۇشىن. بۇل قوناق ۇيلە...
-
كوڭىلى كەڭ، قولى اشىق ءبىر ءۋازىر بولعان ەكەن. كەدەيلەرگە، قيىنشىلىققا تاپ بولعاندارعا قولىنان كەلگەنشە كومەكتەسىپ، وزىندە اقشا قالماعاندا مەملەكەت قازىناسىنان دا قارىزعا اقشا بەرىپ جۇرەتىن. قارىز ال...
