InfoHub Logo

كوڭىلى كەڭ، قولى اشىق ءبىر ءۋازىر بولعان ەكەن. كەدەيلەرگە، قيىنشىلىققا تاپ بولعاندارعا قولىنان كەلگەنشە كومەكتەسىپ، وزىندە اقشا قالماعاندا مەملەكەت قازىناسىنان دا قارىزعا اقشا بەرىپ جۇرەتىن. قارىز العاندار قاشان قايتارايىق دەگەنىندە «پاتشامىز ولگەندە» دەپ جاۋاپ بەرەدى ەكەن. وسىنداي جاعدايلارعا كۋا بولعان بىرەۋ پاتشاعا كەلىپ: «تاقسىر، ءسىزدىڭ ءۋازىرىڭىز سىزگە ءولىم تىلەپ ءجۇر. مۇقتاجدارعا قازىنادان قارىزعا اقشا بەرىپ، قايتاراتىن ۋاقىتىن ءسىزدىڭ ولىمىڭىزگە بايلاپ ءجۇر. ءسىز ەرتەرەك ولسەڭىز، سوندا قايتقان بۇكىل اقشالارعا ءوزى قارق بولىپ قالماق» دەپ جەتكىزەدى. مۇنى ەستىگەن پاتشا تاڭ قالادى. ەڭ جاقىن ءۋازىرى، مەيىربان دوسىنان مۇندايدى كۇتپەگەن ەدى. ءۋازىرىن دەرەۋ الدىنا شاقىرتىپ سۇراققا الادى. ءۋازىرى: «پاتشام، ايتىلعان نارسەلەر راس. مەن قازىنادان قارىز بەرىپ، قايتاراتىن ۋاقىتىن ءسىزدىڭ ولىمىڭىزگە بايلادىم. ءبىراق بۇل ءسىزدىڭ ءولۋىڭىز ءۇشىن ەمەس، كەرىسىنشە كوپ جاساۋىڭىزدى قالاعانىم ءۇشىن ەدى. جالپى قارىزى بار ءار ادامعا قارىزدى قايتارۋ مەرزىمى ءاپ ساتتە كەلىپ تۇرادى. قارىز قايتاراتىن ۋاقىت جاقىنداعان سايىن قىنجىلىپ، شارا ىزدەيدى. ءتىپتى قايتاراتىن مەرزىمى ۇزارسا ەكەن دەپ دۇعا ەتەدى. بۇل دەگەنىمىز ءسىز قايتىس بولعاندا قايتارۋى ءتيىستى ادامدار، قايتاراتىن مەرزىمى كەلىپ قالماسىن دەپ ءسىزدىڭ ۇزاق جاساۋىڭىز ءۇشىن دۇعا ەتەدى. اللاھ دارگەيىندەگى ەڭ قابىل بولاتىن دۇعا قارىز استىنداعى ادامداردىڭ دۇعاسى. مەنىڭ نەگىزگى ماقساتىم ءسىزدىڭ ۇزاق ءومىر ءسۇرۋىڭىز، اماندىعىڭىز ەدى.» دەگەن ەكەن.  

---