قايتىپ كىرەر ەسىكتى قاتتى سەرىپپە
ورتا ءجۇز قوشقار ۇلى جانىبەك ون ءۇش جاسقا كەلگەندە ۇلى جۇزدە قارابي دەگەن اۋزى دۋالى، ءوزى ءبىلىمدى بي بار دەگەن داڭقىن ەستىپ، سودان بارىپ باتا الۋعا جولعا شىعادى. ول قازاق پەن قالماقتىڭ جاۋلاسىپ جاتقان كەزى بولسا كەرەك. بۇلاردىڭ بارار جولىن قالماقتار باسىپ الىپ، ولار وتە الماي ۇيىنە قايتىپ كەلىپ ءۇش جىل جاتادى.
ءتورتىنشى جىلدا جول اشىلىپ، جانىبەك ون التى جاسىندا ءقارابيدىڭ ەلىنە كەلەدى.
- شىراعىم، كىمنىڭ ۇلىسىڭ؟ – دەيدى قارابي.
- قوشقار ۇلى جانىبەكپىن، - دەپ جاۋاپ بەرەدى بالا.
- مەن سەنى وسىدان ءۇش جىل بۇرىن كۇتىپ ەدىم، نەگە كەشىكتىڭ؟
جانىبەك سەبەبىن ايتادى. قارابي قوناقاسىن بەرىپ ەرتەڭىنە:
- نە قالايسىڭ، شىراعىم؟ – دەيدى.
- سىزدەن باتا الايىن جانە وسيەت بولارلىق ءوز اۋزىڭىزدان ءسوز ەستيىن دەپ كەلىپ ەدىم، - دەيدى جانىبەك.
سوندا قارابي باتاسىن بەرىپ بىلاي دەگەن ەكەن:
بەدەرى جوق قامقادان،
بەرىك توقىلعان ءبوز ارتىق.
بەرەكەتى جوق اعايىننان،
بەرىك سويلەسكەن جات ارتىق.
پايدانى الىستان قىلعايسىڭ،
زالالدى جاقىننان قىلعايسىڭ.
تىشقان دا ءىنىنىڭ اينالاسىنا وتتامايدى،
ونى دا ەسىڭە العايسىڭ.
قايتىپ كىرەر ەسىكتى،
قاتتى سەرپىپ جاپپاعايسىڭ.
قايتىپ كورەر دوسىڭا.
قايرىلماستاي ءسوز ايتپاعايسىڭ.
وسىنى ەسىڭە الا جۇرسەڭ، ەشكىمنەن
كەم دە، قور دا بولمايسىڭ.
You Might Also Like
-
ەل-جۇرتىمىزدىڭ مادەني-تۇرمىسى مەن رۋحاني زەردەسىندە كادىمگى قامشىمىز ەرەكشە ورىن الىپ كەلگەن. بۇل كۇندەرى وعان تەرەڭىرەك وي جىبەرسەك، وسى ءبىر شاعىن عانا دۇنيەنىڭ اتقارار قىزمەتى سان الۋان.
-
1) ادامنىڭ كوزى قالىپتى جاعدايدا الىستاعى نەمەسە جاقىنداعى جاعدايدى كورگەندە كوزدىڭ فوكۋستالۋى وزگەرىپ وتىرادى. ال تەلەديدارعا قاراپ، ياعني تەك ءبىر كەڭىستىككە قاراپ وتىرعانداكوز قوزعالىسسىز قالادى. ...
