InfoHub Logo

ماقساتى: كومپوزيتور، اقىن، ورىنداۋشى ۇعىمىمەن تانىستىرۋ.
ءان ايتۋ قابىلەتىن، داۋىس ىرعاعىن جەتىلدىرۋ.
مۋزىكاعا، وقۋعا، بىلىمگە دەگەن قۇشتارلىققا تاربيەلەۋ.
ساباقتىڭ ءتۇرى: كىرىكتىرىلگەن ساباق (ماتەماتيكا، ءوزىن - ءوزى تانۋ، مۋزىكا)
كورنەكىلىگى: كەسپە قاعازدار، سۋرەتتى پلاكاتتار، بايان اسپابى.
ءادىس – تاسىلدەرى: سۇراق – جاۋاپ، ءان ايتۋ، جۇمباق شەشۋ، نوتالارمەن باعالاۋ.

ساباقتىڭ بارىسى.
ۇيىمداستىرۋ ءبولىمى.
- بالالار تاقتاداعى سانداردى وقىپ رەتىمەن قويىپ شىعايىق:
5 1 3 2 7 4 6
م س ن ا ق ا ا
(ساناماق)
داۋىس جاتتىعۋى:
(ءا
ءبىر، ەكى - وتىرامىز
ءۇش، ءتورت - دەمالامىز
بەس، التى - اسقاقتاتىپ
جەتى، سەگىز - شارىقتاتىپ
توعىز، ون (پاۋزا) انگە سالامىز!
ءان ايتۋ: «ساناماق» حالىق ءانى (تاقتاعا سۋرەتتى ءان نۇسقاسى ىلىنەدى)
پىسىقتاۋ سۇراقتارى:
- ساناماق قانداي ءان؟
- حالىق ءانى دەگەنىمىز نە؟
جاڭا ساباق: «ون ساۋساق» ولەڭىن جازعان: م. الىمبايەۆ
ءانىن جازعان: س. مۇحامەدجانوۆ
(پلاكاتتاعى اقىن ورىنداۋشى كومپوزيتور سۋرەتتەرى بويىنشا اڭگىمەلەۋ)
م: كومپوزيتور – ءاندى شىعارۋشى ادام. ءاننىڭ ءسوزىن اقىن جازادى. ال بىزدەر - ورىنداۋشىلارىمىز.
- وقۋشىلار تاقتاعا نازار اۋدارايىق. سكريپكا كىلتىن اشۋ مىنا جۇمباقتاردى شەشۋىمىز كەرەك.
ءتىلى جوق وزىندە
ءسوزى بار ىزىندە
(قالامساپ)
قىلدىرىقتاي ءبىر نارسە يەتىلگەن
موينىنا ۇزىن ارقان سۇيرەتىلگەن.
(ينە، ءجىپ)
بىلىمنەن مول سىي اسى
بالعىنداردىڭ ۇياسى.
(مەكتەپ)
وڭ جاعىمدا بەس سارباز،
سول جاعىمدا بەس سارباز.
(ون ساۋساق)
- وقۋشىلار جۇمباقتاردى دۇرىس شەشتىڭىزدەر. سكريپكا كىلتىندەگى ۇيرەنەتىن ءانىمىز -«ون ساۋساق» ون ساۋساق – كومپوزيتور ءانى. (ءاندى قيمىلمەن ورىنداپ ۇيرەنۋ)
قورىتىندى سۇراقتار:
- كومپوزيتور، اقىن، ورىنداۋشى دەپ كىمدەردى ايتامىز؟
- «ون ساۋساق» قانداي اندەر قاتارىنا جاتادى؟
ءۇي تاپسىرماسى
«ون ساۋساق» ءانىن جاتتاۋ، ون ساۋساق تۋرالى جۇمباق قۇراستىرۋ.

باعالاۋ. كوپ نوتا جيناعان وقۋشىلاردى باعالاۋ.