ONLINE MediaSchool: جۋرناليستىك جاس بۋىندى دامىتاتىن جوبا
MediaNet حالىقارالىق جۋرناليستيكا ورتالىعى قازاقستانداعى نيدەرلاندى كورولدىگى ەلشىلىگىنىڭ قولداۋىمەن ONLINE MediaSchool جوباسى اياسىندا وسى سالاعا قىزىققان ستۋدەنتتەردى ورىس جانە قازاق تىلىندە ەكى اي كولەمىندە تەگىن جۋرناليستىك بىلىممەن سۋسىنداتۋدا. جوباعا قازاقستاننىڭ ءار وڭىرىنەن ءتۇرلى جاس شاماسىنداعى قاتىسۋشىلار وسى جىلدىڭ قازان ايىنىڭ 21- ءىنشى جۇلدىزىنان باستاپ، ارنايى پلاتفورما ارقىلى ەلىمىزگە تانىمال جۋرناليستەر مەن ساراپشىلاردان ءبىلىم الۋدا. قازىرگى تاڭدا Factchek.kz- ءتىڭ باس رەداكتورى دۋمان سماقوۆتىڭ جەتەكشىلىگىمەن قازاق ءتىلدى توپتا 42- گە جۋىق ستۋدەنت ءوز بىلىكتىلىكتەرىن ۇشتاۋدا.
جوبانىڭ نەگىزگى ماقساتى- ەلىمىزدەگى تاۋەلسىز جۋرناليستيكا سالاسىنداعى جاس بۋىنعا دۇرىس باعىت- باعدار بەرۋ، ءوز ىستەرىنىڭ ناعىز ماماندارىن دايارلاۋعا ۇلەس قوسۋ. جوبانىڭ العاشقى ايلارىنان باستاپ: دۋمان سماقوۆ، جۇلدىز ءابدىلدا، نازگۇل قوجابەك، ەلنۇر ءالىموۆا، ايان قالمۇرات، اسىلحان ماماش ۇلى، ماقپال مەيىربەك قىزى، ايان عيزاتوۆ جانە تاعى دا باسقا تانىمال مەدياترەنەرلەر مەن جۋرناليستەر ءدارىس وتكىزىپ كەلەدى.
MediaNet حالىقارالىق جۋرناليستيكا ورتالىعى جانىنداعى تاۋەلسىز مەديامەكتەپ قازاقستان نارىعىندا 14 جىلدان بەرى ءوز قىزمەتىن اتقارىپ كەلەدى. وسى ۋاقىت ارالىعىندا جوبادا 1 000- نان اسا ستۋدەنت ءبىلىم الىپ، بۇگىنگى كۇنى ولار ەلىمىزدىڭ ءار ايماعىندا باق- تا، حالىقارالىق كومپانيالاردا، باسپا ءسوز قىزمەتتەرىندە جۇمىس اتقارۋدا.
تالونوۆا اسەم بەرىك قىزى
بقو، اقجايىق اۋدانى، قۋرايلىساي اۋىلى
"تالاپ مبك" 11 سىنىپ وقۋشىسى
You Might Also Like
-
بار الەمنىڭ باستاۋى-انا. انا ءۇش-اق ارىپتەن قۇرالعان ، ايتىلۋى وڭاي وسى ءبىر ءسوزدىڭ ۇلى ماعىنا ەكەنى بارىمىزگە ءمالىم. دەگەنمەن بۇل ءسوزدىڭ قادىر-قاسيەتىن بىلەتىندەر از. انانىڭ ءقادىرىن ءار ادام ءار الۋان...
-
قازاق كۇرەسى تەك بىلىگىندە كۇشى عانا ەمەس، جۇرەگىندە تۇگى بار ناعىز جىگىتتەردىڭ ايقاساتىن — تەكتى كۇرەس ءتۇرى. سەبەبى بۇل جەردە سالماق دارەجەسى سايكەس كەلمەسەدە بالۋاندار وزىنەن بىرنەشە ...
