InfoHub Logo

بار الەمنىڭ باستاۋى-انا. انا ءۇش-اق ارىپتەن قۇرالعان ، ايتىلۋى وڭاي وسى ءبىر ءسوزدىڭ ۇلى ماعىنا ەكەنى بارىمىزگە ءمالىم. دەگەنمەن بۇل ءسوزدىڭ قادىر-قاسيەتىن بىلەتىندەر از. انانىڭ ءقادىرىن ءار ادام ءار الۋان جاعدايلاردا تۇسىنەدى. انا مەن بالا اراسىنداعى ماحاببات ەڭ اسىل سەزىم. ال مەنىڭ اناما دەگەن بالا ماحابباتىم 16 جىلدىق عۇمىرىمنىڭ ىشىندەگى ەرەكشە ارتقان تۇسى ءدال وسى جاسىمدا. مۇمكىن ، وسى ۋاقىتقا دەيىن بۇل ءسوزدىڭ قانداي ماعىنا ەكەندىگىنە ءجىتى ءمان بەرمەگەن بولارمىن.كەي ادامدار اناسىن جوعالتقاننان كەيىن بارىپ وزەگىن وكىنىش كەرنەپ وكىنىپ جاتادى. دەگەنمەن اللاعا سانسىز شۇكىرشىلىك انام قاسىمدا بولعان ساتتە ونىڭ ءقادىرىن بىلە العانىم ءۇشىن.ءار پەندەنىڭ ومىرىندەگى اللادان كەيىنگى مەيىربانى، قامقورشىسى ول - انا! 

مەنىڭ انام - مەنىڭ ەڭ اسىل بايلىعىم. انا ءۇشىن بالانىڭ بيىك بەلەس باعىندىرىپ، ابىرويلى بولۋى ۇلكەن ماقتانىش. انامنىڭ ماعان كورسەتكەن قامقورلىعىنىڭ ءبىرىن تىلگە تيەك ەتەر بولسام ول مىنا ءبىر كەز. ءبىر كۇنى تۇسكى ۋاقىتتا ساباق قاراپ وتىردىم. دەگەنمەن ويىم شاشىراپ ، ۇيقى قىسىپ وتىردى. ازعىرۋشى كۇشتەردە "ۇيقتا ، كەيىن وقيسىڭ" دەگەن ازعىن ويلاردى سالدى. سول ساتتە انام بولمەمە كىرىپ كەلدى، قولىندا تاتتىلەرى بار ماعان اكەلگەن بولاتىن.مەن كىشكەنتاي بالاشا قۋانىپ، انامدى قۇشاقتاپ العىس ايتتىم. سونداي جاعىمدى ىستىق ءسات! انامنىڭ ماعان دەگەن سەنىمىن، ماحابباتىن كورگەننەن كەيىن وزىمە "گۇلبارشىن، سەن نە ءۇشىن وقىماۋىڭ كەرەك؟! سەن وقىسىن دەپ جاعداي جاساپ وتىرعان اتا-اناڭ بار. وسى جانداردىڭ رازىلىعىن الىپ، ءۇمىتىن اقتاۋ ءۇشىن وقى!"دەپ ءوز-وزىمدى قايراپ، جىگەرلەندىردىم. سول ساتتە ماعان جالقاۋلىققا جول بەرمەۋ كەرەكتىگىن ءتۇسىندىم. 

ءار ادام ءۇشىن الەمنىڭ قاي بۇرىشىندا بولساق دا ءبىز ءۇشىن جان-تانىمەن امان-ساۋ ءجۇرۋىمىزدى تىلەپ ، شىنايى جاقسى كورەتىن جالعىز ادام - اتا-انامىز. قوس بايلىعىمىز قاسىمىزدا جۇرگەن ساتتە تىم قۇرىعاندا جىلى سوزبەن قۋانتپاساق ، كەيىن وكىنگەننەن مۇلدە پايدا بولماسى انىق! 

بەردىقان گۇلبارشىن

---