InfoHub Logo

قازاقستاندىق OnlineMektep.org قاشىقتان وقۋ پلافتورماسىنا بىرنەشە كۇن قاتارىنان قازاقستاننان تىس اۋماقتان جويقىن DDoS شابۋىلدار جاسالۋدا. پلاتفورمانى ازىرلەۋشىلەردىڭ پىكىرىنشە، بۇل شابۋىلدار پايدالانۋشىلاردىڭ سەنىمىن بۇزۋدى كوزدەپ قاساقانا ۇيىمداستىرىلعان.

جوبا جەتەكشىسى سانجار كەنجەحان ۇلىنىڭ ايتۋىنشا، بۇگىن OnlineMektep ۇلتتىق قاۋىپسىزدىك كوميتەتىنىڭ مەملەكەتتىك تەحنيكالىق قىزمەتىنىڭ قورعاۋى ارقاسىندا شابۋىلعا توتەپ بەردى. بۇگىنگى سىرتقى DDoS شابۋىل پلاتفورماعا ون ەسە ارتىق سالماق ءتۇسىردى. بۇل – قازنەت تاريحىنداعى ەڭ ۇلكەن سيفرلىق شابۋىلدىڭ ءبىرى.  

سونىمەن قاتار، جەلىدە پلاتفورما قولدانۋشىلارىنىڭ جەكە اككاۋنتارىن بۇزۋدى ۇسىناتىن قاسكۇنەمدەر پايدا بولدى. مۇنداي قىلمىستىق ارەكەت تۋرالى اقپارات قۇقىق  قورعاۋ ورگاندارىنا بەرىلەدى.  

OnlineMektep.org كارانتين كەزەڭىندە قازاقستاندىق وقۋشىلار ءبىلىم الاتىن نەگىزگى رەسۋرس. OnlineMektep نەگىزىندە 3،5 مىڭنان اسا مەكتەپتىڭ وقۋ پروسەسى ۇيىمداستىرىلعان. 1 قىركۇيەكتەن بەرى پلاتفورمادا كۇن سايىن 1،5 ميلليوننان اسا وقۋشى ساباق وقيدى. وقۋ جىلىنىڭ باسىنان بەرى مۇعالىمدەر پلاتفورما رەسۋرستارى نەگىزىندە 3 ميلليوننان اسا ونلاين-ساباق وتكىزدى، 160 ميلليونداي پاراقشا قارالىپ، 500 ميلليونعا جۋىق جاتتىعۋلار ورىندالدى. پلاتفورمانى ءار سەكۋند سايىن  ءبىر مەزگىلدە 70 مىڭنان 80 مىڭعا دەيىن بىرەگەي قولدانۋشىلار پايدالانادى.
بۇل پلاتفورمانى Bilim Media Group كومپانياسى مەن «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمى بىرلەسە دايىنداعان. قازىرگى كەزدە رەسۋرستا ءبىرىنشى توقساننىڭ وقۋ باعدارلاماسىن قامتيتىن 5700 سيفرلىق ساباق، 140 مىڭ جاتتىعۋ جۇكتەلگەن.

كونتەنت ءاداپتيۆتى، دەربەس ءبىلىم بەرۋدىڭ وزىق ادىستەمەسىن ەسكەرە وتىرىپ ازىرلەنگەن. پلاتفورما نەگىزىندە وقۋشىلارعا ۆيرتۋالدى سىنىپ پەن جەكە ساباق كەستەسىن ازىرلەۋگە، سىنىپتاعى ءار بالامەن جەكەلەي، نەمەسە جالپى سىنىپپەن چات ارقىلۋى بايلانىسۋعا، ۆيدەوكونفەرەنسيا رەجيمىندە ساباق وتكىزۋگە، ءۇي تاپسىرماسىن بەرىپ، ونى تەكسەرۋگە، باعالاۋعا، سونداي-اق ارنايى كونسترۋكتورمەن ءوزىنىڭ ساباقتارىن قۇراستىرۋعا مۇمكىندىك جاسالعان.

پلاتفورمانى ازىرلەۋشىلەر پايدالانۋشىلاردان شابۋىل سالدارىنان بولۋى مۇمكىن اقاۋلارعا  تۇسىنىستىكپەن قاراۋدى وتىنەدى جانە كومپانيا مەن ق ر ۇلتتىق قاۋىپسىزدىك كوميتەتىنىڭ تەحنيكالىق قىزمەتى ماماندارىنىڭ بىرلەسكەن جۇمىسى ناتيجيەسىندە مۇنداي شابۋىلداردى بولدىرماۋدىڭ بارلىق شارالارى قابىلدانىپ جاتقانىن حابارلايدى. سونىمەن قاتار، OnlineMektep پلاتفورماسى ق ر سيفرلىق دامۋ، يننوۆاسيا جانە اەروعارىش ونەركاسىبى مينيسترلىگىنە، ق ر ءبىلىم جانە عىلىم مينيسترلىگىنە ماسەلەگە شۇعىل ارالاسىپ، قولداۋ كورسەتكەنى ءۇشىن العىس بىلدىرەدى.

800-گە  جۋىق ماماننان تۇراتىن پلاتفورما قىزمەتكەرلەرى مۇعالىمدەر، وقۋشىلار مەن ولاردىڭ اتا-انالارىن كارانتين كەزىندە قولداۋ ءۇشىن قولدان كەلگەننىڭ ءبارىن جاساپ جاتىر.

پلاتفورما جۇمىسى بايلانىستى كەز كەلگەن سۇراق بويىنشا قولداۋ كورسەتۋ ورتالىعىنا حابارلاسۋىڭىزعا بولادى +7 (707) 944 95 95 (support@bilimmail.kz)

---