اسحات ايماعامبەتوۆ 2021 جىلعى ۇبت-عا ەنگىزىلەتىن العاشقى جاڭاشىلدىقتاردى اتادى
ءبىلىم جانە عىلىم ءمينيسترى اسحات ايماعامبەتوۆ 2021 جىلعى ۇلتتىق ءبىرىڭعاي تەستىلەۋ جۇيەسىنە ەنگىزىلەتىن جاڭاشىلدىقتاردى اتادى.
«ارىپتەستەرىمىزبەن تەستىلەۋدى (ۇبت) وتكىزۋ ءراسىمىن جەتىلدىرۋ كەرەك دەگەن قورىتىندىعا كەلدىك. سيفرلاندىرۋ داۋىرىندە كوميسسيا قۇرامىندا بىرنەشە مىڭ ادامنىڭ بولۋىن قامتاماسىز ەتۋ ءۇشىن 1،5 ميلليارد تەڭگە جۇمساۋعا جول بەرىلمەۋى كەرەك، ونىڭ ۇستىنە بۇنىڭ ناتيجەسى — ءتيىمسىز. سوندىقتان بۇل ءراسىم زاماناۋي پروكتورينگ پەن بەينەباقىلاۋ جۇيەسى قامتاماسىز ەتىلگەن ەلەكتروندى فورماتقا وتەدى»، — دەپ جازدى مينيستر Facebook پاراقشاسىندا.
اسحات ايماعامبەتوۆ سۇراقتاردىڭ مازمۇنى ءالى دە كوڭىلىنەن شىقپايتىنىن جەتكىزدى.
«سوڭعى بىرنەشە جىلدا تەستىلەۋ سۇراقتارىنىڭ بازاسىن جاڭارتۋ بويىنشا جۇمىس جۇرگىزىلگەندىگىنە قاراماستان سۇراقتاردىڭ باسىم بولىگى ءالى دە قاجەتسىز فاكتىلەردى جاتتاپ، ەستە ساقتاۋعا باعىتتالعان. سودان كەيىن ءبىرىنشى ورىنعا سىني ويلاۋ مەن فۋنكسيونالدىق ساۋاتتىلىقتى قويماسا، جاتتاندى اقپاراتتى اۆتوماتتى تۇردە ايتۋ ارقىلى وقۋ پروسەسىنىڭ ماڭىزدىلىعى جوعالادى. فۋنكسيونالدىق ساۋاتتىلىققا ءمان بەرۋ جانە ءبىلىمدى ومىردە قولداناتىن كەز كەلدى. ەندى، الدىمىزدا تەستىڭ بازاسىن SAT، PISA سەكىلدى تەستەردىڭ ۇلگىسى بويىنشا تولىق جاڭارتۋ ماسەلەسى تۇر. بۇل مۇلدەم باسقا سيپاتتاعى تاپسىرمالار، ياعني تەستە جاتتاپ الۋعا، كوشىرۋگە مۇمكىندىك بەرمەيتىن سۇراقتار بولۋى كەرەك. تالاپكەرلەر تاپسىراتىن پاندەر بويىنشا دا ناقتى شەشىم قابىلداۋ قاجەت»، — دەيدى ول.
مينيستر ۇبت-نى مەكتەپتەگى قورىتىندى ەمتيحانعا جانە جوعارى وقۋ ورنىنا ءتۇسۋ ەمتيحانىنا بولگەننەن كەيىن قاجەتتى قۇزىرەتتىلىكتەردى باعالاۋ تاسىلدەرىن وزگەرتۋ بويىنشا دا مۇمكىندىك تۋعانىن حابارلادى. سەبەبى ۇبت مەكتەپتە العان ءبىلىمىن باعالاۋ ەمەس، جوعارى وقۋ ورنىنا تۇسەردە ءوزى تاڭداعان ماماندىعى بويىنشا ءبىلىم الۋعا دەگەن دايىندىعىن باعالاۋ ماڭىزدى.
«ساۋاتتى، ءارى تۇسىنىكتى سۇراقتار. بۇل — الداعى ۋاقىتتا اتقاراتىن وتە اۋقىمدى ءارى ماڭىزدى جۇمىس. اتالعان شارانىڭ بارلىعى الدىن الا عىلىمي دەرەكتەردىڭ نەگىزىندە ساراپشىلار مەن پەداگوگتەردىڭ تالقىلاۋى ارقىلى قابىلداناتىنى ءسوزسىز. سودان كەيىن عانا ناقتى شەشىم قابىلدانادى»، — دەپ ءتۇيدى اسحات ايماعامبەتوۆ.
You Might Also Like
-
تاڭەرتەڭگىلىك مەزگىل ەسكى دۇكەن ەسىگى جايلاپ سىقىرلاپ كەلە جاتىپ، شالقاسىنان اشىلعاندا، توزىعى جەتكەن كىتاپتار قالانىپ تۇرعان اعاش سورەلەرگە كۇن ساۋلەسى قۇلادى. ادەتتە، سىرتتان كىرگەن جۇرت كوزىنە ب...
-
...ءتاتتى ۇيقىدا جاتىر ەدى، بىرەۋ تۇرتكەندەي بولىپ، ويانىپ كەتتى... تاڭنىڭ ءالى اتا قويماعانىن سەزىنىپ، «كوزىمدى اشسام، ۇيقىم اشىلىپ كەتەر» دەگەن ويمەن كورپەسىن قىمتانا ءتۇسىپ، ءارى قاراي ۇي...
