وقىتۋ مەن تاربيەلەۋدىڭ جاڭا تەحنولوگيالارى
ماڭعىستاۋ وبلىسى اقتاۋ قالاسى
«№10 جالپى ورتا مەكتەبى» كمم
قازاق ءتىلى مەن ادەبيەتى ءپانى ءمۇعالىمى (ءبىرىنشى سانات)
تۋرايەۆا دينا ابدراشوۆنا
ترەنينگ تاقىرىبى: وقىتۋ مەن تاربيەلەۋدىڭ جاڭا تەحنولوگيالارى.
ماقساتى:
بىلىمدىلىك: مۇعالىمدەردىڭ جاڭا تەحنولوگيا تۋرالى ويىن جانە وقىتۋ مەن تاربيەلەۋدىڭ جاڭا جەتىلدىرىلگەن ادىس-تاسىلدەرىن قانشالىقتى قولدانىلاتىنىن بايقاۋ، تاقىرىپ اياسىندا ءوز پىكىرلەرىن ورتاعا سالۋعا شاقىرۋ.
دامىتۋشىلىق: قازىرگى قوعامداعى ءبىلىم بەرۋ جۇيەسىندەگى جاڭا پەداگوگيكالىق تەحنولوگيالاردىڭ تيىمدىلىگى تۋرالى پىكىر الىسۋ.
تاربيەلىك: توپپەن جۇمىس جاساي وتىرىپ، ءبىراۋىزدىققا، ىنتىماقتاستىققا، تاجىريبە الماسۋعا شاقىرۋ.
كورنەكىلىكتەر: ۇلى ادامداردىڭ قاناتتى سوزدەرى جانە اناليز جاساۋ بايتەرەگى.
ءوتۋ بارىسى:
ءى. ۇيىمداستىرۋ ءبولىمى.
ءىى. تانىسۋ
ۇستاز – ول ءوز كاسىبىن، ءوز ءپانىن، بارىق شاكىرتتىڭ، مەكتەبىن سۇيەتىن ادام. قازىرگى تاڭدا ۇستازدىڭ جەتىستىگى شاكىرتتىڭ بىلىمىمەن كورىنەدى. ولاي بولاتىن بولسا، بۇگىنگى تانىسۋىمىزدى شاكىرتتەرىمىزبەن بايلانىستىرايىق.
ءى. پسيحولوگيالىق جاتتىعۋ:
بارلىق مۇعالىمدەرگە ءبىر – بىردەن قاعاز سۋلىق تاراتىلىپ بەرىلەدى. ولار قولدارىنداعى سۋلىقتارىن ورتاسىنان ءبىر بۇكتەپ، وڭ جاق بۇرىشىن قىرقىپ الىپ تاستايدى. تاعى دا بۇكتەپ سول جاق بۇرىشىن قىرقىپ الىپ تاستايدى. وسى پروسەسس سۋلىق بۇكتەلىپ، قىرقىلمايتىنداي دارەجەگە جەتكەنگە دەيىن قايتالانادى. سوڭىندا سۋلىق تولىق اشىلادى. جاتتىعۋعا قاتىسقان مۇعالىمدەردىڭ سۋلىقتارى ءار ءتۇرلى بولىپ شىعادى.
جاتتىعۋدى قورىتىندىلاۋ:
قازاقتا ماقال بار «بەس ساۋساق بىردەي ەمەس» دەگەن. وسى جاتتىعۋعا قاتىسقان بارىق مۇعالىمدەرگە بىردەي ءتۇسىندىرىلدى، ءبىراق ءار ءمۇعالىم ءار ءتۇرلى قابىلدادى. ال ەگەر ءبىز بىرىگىپ، توپ بولىپ، اقىلداسىپ بىرگە ىستەسەك، وندا ناتيجەسى بىردەي بولعان بولار ەدى. سوندىقتان ەندىگى تاپسىرمالاردى توپتاسىپ شەشۋگە شاقىرامىن.
I ءبولىم: «جۇمىلا كوتەرگەن جۇك جەڭىل»
1-توپ سۇراعى: «جاڭا ادام» نەمەسە «جاڭا تۇلعا» دەگەندى قالاي تۇسىنەسىز؟
2-توپ سۇراعى: «جاڭاشىل ۇستاز» قانداي بولۋ كەرەك؟
قورىتىندىلاۋ:
قازىرگى تاڭدا ءبىلىم بەرۋ جۇيەسى قوعامنىڭ الەۋمەتتىك-ەكونوميكالىق دامىۋىندا جەتەكشى رول اتقارادى. ال بولاشاقتىڭ باسەكەسىنە قابىلەتتى XXI عاسىر شاكىرتىن – جاڭا تۇلعانى، بىلىكتى، نامىستى، رۋحتى، العىر، جان-جاقتى جەتىلگەن، ينتەلەكتۋالدى جانە ەرۋديسيالى ادامداردى شىعارۋ – جاڭا فورماسيا ءمۇعالىمىنىڭ قولىنان كەلەدى. جاڭاشىل ءمۇعالىم – رەفلەكسياعا قابىلەتتى، ءوزىن - ءوزى ىلگەرى ۇمتىلدىراتىن ءادىسنامالىق، زەرتتەۋشىلىك، كوممۋنيكاتيۆتىك، اقپاراتتى، رۋحاني – ادامگەرشىلىكتى، ازاماتتىق جاۋاپتى، بەلسەندى، ساۋاتتى، شىعارماشىل تۇلعا.
II ءبولىم: «ساباق بەرۋ ۇيرەنشىكتى نارسە ەمەس، ول ۇنەمى جاڭادان جاڭانى تاباتىن ونەر». ج. ايماۋىتوۆ.
1 – توپ سۇراعى: «جاڭاشىل ادامدى تەك جاڭاشىل ۇستاز تاربيەلەيدى» دەگەندى قالاي تۇسىنەسىز؟
2 – توپ سۇراعى: وقىتۋ مەن تاربيەلەۋگە جاڭا تەحنولوگيالار، جاڭا ادىستەمەلەر قاجەت دەپ ويلايسىز با؟
قورىتىندىلاۋ:
قوعام ءبىر ورىندا تۇرمايدى. قوعامعا جاڭا ادام كەرەك. ونى وقىتۋ مەن تاربيەلەۋ ءۇشىن جاڭاشىل ۇستازداردىڭ ەڭبەكتەرى ارقىلى ىسكە اساتىن جاڭا زامان تالابىنا ساي يننوۆاسيالىق تەحنولوگيالار، جاڭا ادىستەمەلەر قاجەت.
ەلباسىمىز ءوزىنىڭ جولداۋىندا «بولاشاقتا وركەنيەتتى ەلدەردىڭ قاتارىنا ەنۋ ءۇشىن زامان تالابىنا ساي ءبىلىم قاجەت. قازاقستاندى دامىعان 50 ەلدىڭ قاتارىنا جەتكىزەتىن، تەرەزەسىن تەڭ ەتەتىن – ءبىلىم» دەگەن ەكەن. بۇل ءىستى اتقارۋ - ءوز كاسىبىن جاقسى مەڭگەرگەن ىزدەنپاز، ءوزىن - ءوزى جەتىلدىرۋگە ۇمتىلعان رۋحاني دامىعان، جاڭاشىل ۇستازدىڭ قولىنان كەلەدى دەپ ويلايمىن.
III ءبولىم: «ساۋلەلى ويدىڭ شۋاعى» سەرگىتۋ ءساتى:
ورتاق تاپسىرما: ءبىلىم – عىلىمعا بايلانىستى ءبىر شۋماق ولەڭ شىعارۋ.
IV ءبولىم: «بولاشاقتىڭ باسشىسىن دا، داناسىن دا، عالىمىن دا، ەڭبەكقور ەڭبەكشىسىن دە، كەنشىسىن دە ۇستاز وسىرەدى». ب.مومىش ۇلى.
ورتاق تاپسىرما: ءسىز ءوز شاكىرتىڭىزدىڭ بولاشاعىن قالاي سۋرەتتەگەن بولار ەدىڭىز؟ بەرىلگەن سۋرەتتەردى پايدالانا وتىرىپ، ءوز شاكىرتتەرىنىڭ بولاشاعىن بولجاۋ جانە ءوز ءىسىنىڭ ناتيجەسىن كورۋ، سەزىنۋ.
قورىتىندى:
ب.مومىش ۇلى ايتقانداي، «بولاشاقتىڭ باسشىسىن دا، داناسىن دا، عالىمىن دا، ەڭبەكقور ەڭبەكشىسىن دە، كەنشىسىن دە وسىرەتىن ۇستاز». سوندىقتان ءبارىمىزدىڭ ويلاعان ماقساتىمىز، اتقارار ءىسىمىز بىرەۋ، ول – باسەكەگە قابىلەتتى، جان-جاقتى دامىعان تۇلعا تاربيەلەۋ. ءبىز ءارقايسىمىز ىزدەنپاز عالىمبىز، نازىك پسيحولوگپىز، تىنىمسىز ەڭبەكقورمىز، ءوز ورتامىزدىڭ ۇيىتقىسىمىز. جان-جاقتى شەبەرمىز، ءبىلىمدىمىز، جالپى ايتقاندا سەگىز قىرلى، ءبىر سىرلىمىز. ولاي بولسا، ءبىزدىڭ قولىمىزدان ءبارى كەلەدى. ءبىزدىڭ ءاربىر ساباعىمىز قىزىقتى وتەدى. سوندىقتان ساباقتارىمىزدا پايدالانىپ جۇرگەن تەحنولوگيالارىمىز بەن ادىس-تاسىلدەرىمىزدى، جۇمىس تۇرلەرىن ارنايى جاپىراقتارعا جازامىز.
ساباقتى جالپى قورىتىندىلاۋ:
الدىمىزدا تۇرعان الىپ بايتەرەككە ءمان بەرىپ قارايتىن بولساق، 7 بۇتاعى بار. بايتەرەكتىڭ 7 بۇتاعى – وبلىسىمىزدىڭ 2 قالاسى مەن 5 اۋدانى. وبلىسىمىزدا جاڭاشىل مۇعالىمدەردىڭ سانى كوبەيىپ، وسىنداي باس قوسۋلاردا تاجىريبە الماسىپ، ولكەمىزدىڭ ءبىلىم ساپاسىنىڭ جاقسارۋىنا ءوز ۇلەسىمىزدى قوسساق، وندا ءبىز جاس ۇرپاقتى وقىتۋ مەن تاربيەلەۋدە ءوز ماقساتىمىزعا جەتىپ، تامىرى تەرەڭگە كەتكەن مىنا بايتەرەكتەي جەلكىلدەپ وسكەن ءبىلىمدى ۇرپاعىمىزدى ماقتان تۇتامىز «جۇمىلا كوتەرگەن جۇك جەڭىل» دەگەندەي، سىزدەردى بىرلەسىپ جۇمىس جاساۋعا شاقىرامىن.
You Might Also Like
-
كۇن سايىن تىڭ جاڭالىعىمەن تاڭقالدىرىپ وتىرعان بۇگىنگى ازاماتتىق قوعامنىڭ دامۋىنا اسەر ەتەتىن كۇشتەردىڭ بىرەگەيى – ەرىكتىلەر بولىپ وتىر. پرەزيدەنتىمىز قاسىم-جومارت كەمەل ۇلى توقايەۆتىڭ 2020 جىلد...
