وقىتۋدىڭ وزىق تەحنولوگياسى
ماڭعىستاۋ وبلىسى اقتاۋ قالاسى
«№10 جالپى ورتا مەكتەبى» كمم
قازاق ءتىلى مەن ادەبيەتى ءپانى ءمۇعالىمى (ءبىرىنشى سانات)
تۋرايەۆا دينا ابدراشوۆنا
بۇگىنگى تاڭدا ەلىمىزدىڭ الەمدىك ءبىلىم كەڭىستىگىنە باعىت العان جاڭاشا ءبىلىم بەرۋ جۇيەسى قالىپتاسىپ، دامۋ ۇستىندە.
وقىتۋدىڭ تەحنولوگياسى مەن ينوۆاسيالىق ادىس-تاسىلدەرى ەنىپ، قانات جايعان بۇگىنگى تاڭدا، وقۋشى ءبىلىمىن باعالاۋدىڭ دا ءار ءتۇرلى تاسىلدەرى تاجىريبەدە قولدانىلۋ ۇستىندە.
قازاقستان رەسپۋبليكاسىنىڭ جالپى ءبىلىم بەرەتىن مەكتەپتەرى پەداگوگتارىنىڭ بىلىكتىلىگىن ارتتىرۋ كۋرسىنىڭ ءبىرىنشى دەڭگەيىن وقىپ، وقۋشىلار الدىندا ساباق بەرۋ بارىسىندا ىس-تاجىريبەمىز تولىعا تۇسۋدە. بۇرىنعى ءداستۇرلى وقىتۋدا ءوزىمىز ءتۇسىندىرىپ، سوڭىنان ءوزىمىز سۇرايتىن بولساق، ال قازىرگى ساباق مودۋل بويىنشا وقىتۋدىڭ جاڭا تاسىلدەرى ارقىلى جۇرگىزىلەدى.
ورىس مەكتەپتەرىندە قازاق ءتىلىن ۇيرەنۋ، ءبىلۋ قازىرگى تاڭنىڭ باستى ماسەلەسى. ساباقتا بۇل ماسەلەنى شەشۋ جولدارىنىڭ ءبىرى - ءار ءتۇرلى ءادىس تاسىلدەردى ءتيىمدى قولدانا وتىرىپ، جاڭا تەحنولوگيالاردى ەنگىزۋ. ءقازىر تەحنولوگيالاردىڭ تۇرلەرى وتە كوپ. ورىس مەكتەپتەرىندە قازاق ءتىلىن ۇيرەنۋ، لەكسيكالىق جانە گرامماتيكالىق تاقىرىپتاردى مەڭگەرۋ كۇردەلى جۇمىس. سوندىقتان باسقا ۇلتقا قازاق ءتىلىن وقىتۋ، اۋىزەكى ءسوي لەۋگە ۇيرەتۋ قيىن دا، قىزىق جۇمىس. گرامماتيكالىق ماتەريالداردى جانە لەكسيكالىق تاقىرىپتاردى وقىتۋدا تىرەك سىزبالاردىڭ قولدانىلۋى ءتىلدى دامىتۋعا، سوزدىك قوردى مولايتۋعا، ءبىر - بىرىمەن، قارىم - قاتىناس جاساۋعا (سويلەۋ، ايتۋ، جازۋ، وقۋ) ويلاۋ قابىلەتىن دامىتۋعا، ويىن قازاقشا جەتكىزە بىلۋگە ۇيرەتەدى.
مەن وقۋشىلارىمدى ساباق وتكىزۋ بارىسىندا سىني تۇرعىدا ويلاۋعا، ءبىرىن-بىرى باعالاۋعا ۇيرەتتىم. وقىتۋدىڭ جەتى ءمودۋلىن باسشىلىققا الا وتىرىپ، كۇندەلىكتى ساباقتارىمدى وتكىزىپ ءجۇرمىن. ساباق بارىسىندا وقۋشىلاردى زەرتتەۋ جۇمىستارىمدا ديالوگتىق اڭگىمە، توپتىق جۇمىس تۇرلەرىن ءجيى پايدالانامىن. جاڭا ءادىس بويىنشا وقۋشىلار تاپسىرمانى وزدەرى ورىنداپ، وزدەرى مەڭگەرەدى.
جاڭا ساباق بويىنشا توپتارعا تاپسىرمانى پوستەرمەن ورىنداۋ تاپسىرىلدى. سەرگىتۋ ءساتى وتكىزىلىپ، توپقا ءبولىپ، وي قوزعادىم. تاقىرىپقا قىزىقتىرىپ باعىتتادىم. شىعارماعا قاتىستى ماقال-ماتەلدەر جيناقتاۋدى ۇسىندىم. شىعارمانى تالداۋعا پىكىرتالاس ۇيىمداستىردىم. وقيعاداعى وزەكتى ماسەلەلەرگە وقۋشى كوزقاراسىن انىقتادىم. شىنايى ومىرمەن بايلانىستىرۋ ارقىلى باعا بەرۋگە باعىتتادىم.
وقۋشىلار توپتارعا ءبولىنىپ جۇمىس جاسادى. ماتىنمەن وزدەرى تانىستى. ءار ءتۇرلى ادىستەر ارقىلى شىعارمانى سارالادى. جەكە كەيىپكەرلەردى تالدادى، ولاردىڭ ىس-ارەكەتىن زەرتتەدى. وي قورىتىپ، ونى قاعاز بەتىنە ءتۇسىردى.
توپ باسشىلارى ارقىلى توپتار ءبىرىن-بىرى باعالادى. وسىنداي ساباقتاردان وقۋشىلار توپتاسا جۇمىس ىستەۋدى ۇيرەنىپ، ءبىرىن-بىرى تىڭداۋدى، جۇپتاسا جۇمىس ىستەۋدى ۇيرەندى.توپتىق جۇمىس كەزىندە وقۋشىلار ءبىر-بىرىنىڭ پىكىرلەرىمەن ساناسا وتىرىپ، وزىندىك پىكىر قالىپتاسادى ەكەن.
مەن وسى باعىتتا جۇمىس جاساپ كەلەمىن. سول جۇمىستارىمنىڭ ءبىرى مەكتەپشىلىك اشىق ساباقتار، قالالىق سەمينارلاردا وتكىزدىم.
سونىمەن قاتار حالىقارالىق، رەسپۋبليكالىق، وبلىستىق ينتەرنەت وليمپيادالارىنا قاتىسىپ I دارەجەلى ورىندارعا يە بولدىم. وسىنداي جاڭا تەحنولوگيالاردى ءتيىمدى قولدانىپ قۇرىلعان جاڭا فورماتتاعى ساباقتارىم رەسپۋبليكالىق، وبلىستىق گازەت - جۋرنالدارعا ساباقتارىم مەن باياندامالارىمدى جاريالادىم.
قورىتا كەلگەندە ايتارىم، ءمۇعالىم بۇرىنعى ەسكى ادىستەرىنەن ارىلىپ، وقۋشىلارعا ەركىندىك بەرۋ كەرەك، ەندىگى جەردە ساباق بارىسىندا وقۋشى ءوزىن-وزى باسقارا الاتىن، وزىنە سىني كوزقاراسپەن قارايتىن، ساباققا قىزىعاتىن وقۋشى بولۋى كەرەك.
تۋرايەۆا دينا ابدراشوۆنا
You Might Also Like
-
ماقساتى: عالامدىق ماسەلەگە اينالعان نەمەسە اينالعالى وتىرعان تاقىرىپتاردى قوزعاۋ.
-
كۇمىس تاباق اي بوزارا جوعالىپ، التىن تاباق كۇن قىزارا شاشىراپ شىققان كەز. ءتۇن كورپەسى جەلپىنە كوتەرىلمەي سىرعي ءتۇرىلىپ، جادىراعان جاز ايىنىڭ ءمولدىر اسپاندى جايماشۋاق كۇنىنە جول بەردى. مۇلگىگەن دالا...
