ءبىلىم ءمينيسترى مۇعالىمدەرگە بەرىلەتىن قوسىمشا تولەمدەر تۋرالى ايتتى
مۇعالىمدەردىڭ جالاقىسىن 25 پايىزعا ارتتىرۋ بويىنشا ءتيىستى قاراجات بيۋدجەت جوباسىندا تولىعىمەن قاراستىرىلدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
«پرەزيدەنتتىڭ مۇعالىمدەردىڭ جالاقىسىن 2021 جىلعى 1 قاڭتاردان باستاپ 25 پايىزعا ارتتىرۋ تاپسىرماسى بويىنشا ءتيىستى قاراجات بيۋدجەت جوباسىندا تولىعىمەن قاراستىرىلدى. بۇعان قوسا، مەملەكەت باسشىسىنىڭ تاپسىرماسى اياسىندا قىركۇيەك ايىنان باستاپ داپتەر تەكسەرۋ ءۇشىن ۇستەماقى ەكى ەسە، سىنىپ جەتەكشىلىگى ءۇشىن الاتىن ۇستەماقى ەكى ەسە ارتاتىن بولادى»، — دەدى مينيستر ۇكىمەت وتىرىسىندا.
سونىمەن قاتار ول ماگيستر دارەجەسى بار مۇعالىمدەر 27 مىڭ تەڭگە سوماسىندا جاڭا ۇستەماقى الاتىنىن ەسكە سالدى.
ايتا كەتەيىك، مەملەكەت باسشىسى قاسىم-جومارت توقايەۆ 2021 جىلدىڭ قاڭتار ايىنان باستاپ مۇعالىمدەردىڭ ەڭبەكاقىسىن 25 پايىزعا كوبەيتۋ جونىندە شەشىم قابىلدادى.
You Might Also Like
-
ءبىلىم بەرۋ ونلاين پلاتفورمالارىنا قويىلاتىن ءبىرىڭعاي تالاپتار ازىرلەنەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
-
تاڭعى سامال جەل ءسال عانا سالقىن ءۇن قاتىپ تۇرعان قالپى تامىرىن جەر انانىڭ تۇبىنە تەرەڭ جايعان ورىك اعاشىنىڭ جاپىراقتارى سىبدىر ەتىپ، القىزىل جەمىستەرى ەلەڭ ەتە قالدى. تۇپ-تۇنىق كولدىڭ ءمولدىر ايدىنىن...
