InfoHub Logo

ءوز ەلىنىڭ پاتريوتى بولۋ ءۇشىن ءار ادامنىڭ بويىندا بولۋ كەرەك:
وتانعا دەگەن سۇيىسپەنشىلىك؛
وتانعا دەگەن ادال سەزىم؛
وتانىن قورعاۋعا دايىن بولۋ؛ مەن ءوز ەلىمنىڭ پاتريوتىمىن!
ءوز وتانىنىڭ پاتريوتى بولۋ – بۇل قازاقستاندى ءوز جۇرەگىندە ۇيالاتۋ.
ساباقتىڭ ماقساتى: 1. وتاندى سۇيۋگە، تۋعان جەرىنە، ەلىنە دەگەن سۇيىسپەنشىلىگىن ارتتىرۋعا، حالقىمىزدىڭ سالت - ءداستۇرىن ساقتاپ، ءارى قاراي جالعاستىرۋعا، بولاشاقتا وتانىمىز قازاقستاندى وركەندەتۋگە ءبىلىمدى ادام كەرەك ەكەنىن ءتۇسىندىرۋ، وقۋشىلاردىڭ سويلەۋ مادەنيەتىن، تىلدەرىن دامىتۋ.
2. وقۋشىلاردى ۇلتجاندىلىققا، يناباتتىلىققا، دوستىققا، ادامگەرشىلىككە تاربيەلەۋ.
ساباقتىڭ ءتۇرى: پىكىرتالاس
ساباقتىڭ كورنەكىلىگى: ينتەربەلسەندى تاقتادان وقۋشىلاردىڭ بويىندا پاتريوتتىق سەزىمدى وياتاتىن ءار ءتۇرلى سلايدتار، مەملەكەت رامىزدەرىن كورسەتۋ.

ساباقتىڭ بارىسى.
ءى. ۇيىمداستىرۋ كەزەڭى.
ءىى. ينتەربەلسەندى تاقتادان وقۋشىلاردىڭ بويىندا پاتريوتتىق سەزىمدى وياتاتىن ءار ءتۇرلى سلايدتار، مەملەكەت رامىزدەرىن كورسەتۋ.
ءىىى. نەگىزگى ءبولىم.
پاتريوت دەگەن كىم، پاتريوتتىق سەزىمدى قالاي تۇسىنەسىڭ؟ – تاقىرىبىندا پىكىر سايىس
ءى - جۇرگىزۋشى:
«وي دا ورتاق، پىكىر دە ورتاق» دەگەندەي سىزدەردىڭ نازارلارىڭىزعا « مەن ءوز ەلىمنىڭ پاتريوتىمىن» اتتى تاربيە ساعاتىن نازارلارىڭىزعا ۇسىنامىز.
ءىى - جۇرگىزۋشى:
ءبىزدىڭ العا قويعان ماقساتىمىز، وتكەنىمىزدى بىلەتىن، بۇگىندى تۇسىنەتىن، ەرتەڭگە سەنىممەن قارايتىن ازامات بولىپ ءوسۋ.
ءى - جۇرگىزۋشى:
ەندى سىزدەردى ەكى توپپەن، توپ جەتەكشىلەرىمەن تانىستىرىپ وتەيىك.
ءى - توپ - ۇشقىن. «ۇشقىننان جالىن لاۋلايدى». توپ جەتەكشىسى تايلاقبايەۆ الي.
ءىى - جۇرگىزۋشى:
ءىى - توپ – جالىن. «مەن جانباسام جالىن بوپ، سەن جانباساڭ جالىن بوپ، كىم جانادى جالىنداپ». توپ جەتەكشىسى باقبەرگەن تەمىرلان.
ءى - جۇرگىزۋشى:
قاي كەزدە بولماسىن حالىق يگىلىگى ءۇشىن ەڭبەك ەتكەن اعارتۋشىلاردىڭ، اقىن - جىراۋلاردىڭ بارلىعىنىڭ ماقسات - مۇددەسى قازاق حالقىن تەك بىرلىككە، ىنتىماققا شاقىرۋ، ەشكىممەن جاۋلاسپاۋدى ۇيرەتۋ، كوشپەندى ەلدىڭ بالاسىنا عىلىم - ءبىلىم، ونەردى ۇيرەتۋدى ارماندادى. وسى تۋرالى ويلارىڭىز؟
ءى – توپ
مەيىرقانوۆا ايدانا: ۇلتتىق بىرلىككە، وتانىن، ەلىن، جەرىن سۇيۋگە، ۇلتتىق تاۋەلسىز مەملەكەتتى نىعايتۋعا ءوز ۇلەسىن قوسۋعا تاربيەلەۋدە كوركەم شىعارمانىڭ ماڭىزى زور. كوركەم شىعارمالاردا وتانسۇيگىشتىك سەزىمدى ارداقتاپ، باتىرلىق، ەرلىكتى ماداقتاعان، اقىلدىلىق، پاراساتتىلىق، دوستىق ءتارىزدى ادامگەرشىلىك يگى قاسيەتتەر دارىپتەلگەن. بۇل تاقىرىپتا اڭگىمە، ەرتەگى، ولەڭ، جىرلار تۋعانىن، ولاردا حالىقتىڭ باتىرلىق، ەرلىك ىستەردى دارىپتەگەنىن جانە ونى جاساۋشىلاردى ارداقتاعانىن بىلۋگە بولادى.
ءىى – توپ
سۋانباي ءمادينا: وتانعا دەگەن سۇيىسپەنشىلىك، ۇلتىنا دەگەن ىستىق سەزىمدى الاشوردا قايراتكەرلەرى ا. بايتۇرسىنوۆ، م. دۋلاتوۆ، م. جۇمابايەۆ، س. تورايعىروۆ، ت. رىسقۇلوۆ، ءا. بوكەيحانوۆ، م. شوقاي ەڭبەكتەرىنەن دە كەزدەستىرەمىز.
ا. بايتۇرسىنوۆ:
- قازاعىم ەلىم!
قايقايىپ بەلىڭ،
سىنۋعا تۇر تايانىپ.
تالاۋدا مالىڭ،
قاماۋدا جانىڭ
اش كوزىڭدى ويانىپ...- دەسە،
م. دۋلاتوۆ:
«كوزىڭدى اش، ويان، قازاق، كوتەر باستى» - دەيدى.
ال س. تورايعىروۆ:
قاراڭعى قازاق كوگىنە
ورمەلەپ شىعىپ كۇن بولام،
قاراڭعىلىقتىڭ كەگىنە،
كۇن بولماعاندا كىم بولام؟ – دەپ، جاستاردى ونەر - ءبىلىم الىپ، جارىققا تالپىنۋ، وتانعا پايدالى ازامات بولۋ ەكەندىگىن سان قايتالاپ ەسكە سالادى. الاشتىڭ وسى - ءبىرتۋار ۇلدارىنىڭ بۇراتانا حالىق بولمايمىز، ءوز الدىمىزعا تاۋەلسىز ەل بولامىز دەپ قازاق ەلى، قازاق جاستارىنا قالدىرعان وسيەتتەرى ءوز يەسىنە ەندى - ەندى عانا جەتىپ جاتىر.
ءى – توپ باقبەرگەن تەمىرلان: ا. قۇنانبايەۆتىڭ ەڭبەكتەرىن زەردەلەپ قارايتىن بولساق، جاستاردى ەرلىك رۋحتا، پاتريوتيزمگە باۋلىپ، نامىسىن، ار - وجدانىن، ادامگەرشىلىك قاسيەتتەرىن تۋدىراتىن جىر جولدارىن كەزدەستىرەمىز. ونىڭ
«ادامزاتتىڭ ءبارىن ءسۇي باۋىرىم دەپ» دەگەن ءسوزى، بارشا جۇرتشىلىقتى جاۋلاسۋ، كۇش كورسەتۋ دەگەندى بىلمەستەن، تەك تاتۋ - ءتاتتى ءومىر سۇرۋگە شاقىرادى.
ءىى - جۇرگىزۋشى:
جالپى پاتريوت دەگەن كىم، پاتريوتيزم دەگەندى قالاي تۇسىنەمىز؟
ءى - توپ تاڭىربەرگەنوۆا مادينا: وتانىن سۇيگەن، ەلىن جاۋدان قورعاۋ ءۇشىن قاسىق قانى قالعانشا ايانباي شايقاساتىن قوبىلاندى، قامبار، ەر تارعىن، الپامىس باتىر تۇلعالارى، اقىن - جىراۋلاردىڭ، بيلەردىڭ تاتۋلىققا، ادامگەرشىلىككە، ەلىن سۇيۋگە شاقىرعان ولەڭ - جىرلارى، شەشەندىك سوزدەرى وقۋشىلاردىڭ بويىندا پاتريوتتىق سەزىمدى قالىپتاستىرۋدا ماڭىزى زور.
ءىى - توپ كاديروۆا ازيزا: پاتريوت – وتانىن، حالقىن، جەرى مەن سۋىن شىنايى سۇيەتىن، حالىق مۇددەسى ءۇشىن بار كۇش - جىگەرىن، قابىلەتىن ايامايتىن ادام. ولار - ءوز وتانىنىڭ جالىندى پاتريوتى، ونەركاسىپ، اۋىل شارۋاشىلىعىنىڭ وزاتتارى. ءوز وتانىن، حالقىن شەكسىز سۇيۋشىلىك – بارشا كۇش - جىگەرىن وتان مۇددەسىنە ارناعان ادامعا ءتان تەرەڭ سەزىم.
ءى - توپ تاسجانوۆا ايدانا: ب. مومىش ۇلى: «پاتريوتيزم – وتانعا دەگەن سۇيىسپەنشىلىك. جەكە ادامنىڭ امان - ساۋلىعى، قوعامدىق، مەملەكەتتىك قاۋىپسىزدىككە تىكەلەي بايلانىستىلىعىن، ءوزىڭنىڭ مەملەكەتكە تاۋەلدى ەكەنىڭدى سەزىنۋ. قىسقاسىن ايتقاندا پاتريوتيزم دەگەنىمىز مەملەكەت دەگەن ۇعىمدى ونى جەكە ادامنىڭ بارلىق جاعىنان وتكەنى مەن بۇگىنگى كۇنىمەن جانە بولاشاعىمەن قارىم - قاتىناسىن بىرىكتىرەدى، - دەپ تەرەڭ، جان - جاقتى انىقتاما بەرگەن.
ءىى - توپ تاستەمبەكوۆا كەنجە: قازاقستاندىق پاتريوتيزم سەزىمىن قالىپتاستىرۋ ءۇشىن ءار ۇلتتار مەن ۇلىستار تەك ءوز مادەنيەتىن عانا تانىپ ءبىلۋى جەتكىلىكسىز، سونىمەن قاتار ولار ءبىر - ءبىرىن تانىپ ءبىلىپ، قۇرمەتتەۋى ءتيىس.
ءى - توپ: سەيداحمەت سانجار: پاتريوت – ادامداردىڭ ءوز وتانىنا دەگەن سۇيىسپەنشىلىگى مەن ادالدىعىن كورسەتەتىن سەزىم. ول ادامنىڭ ءوز وتانىن كۇشتى دە ايبىندى ەتىپ كورسەتۋگە جانە گۇلدەندىرۋگە ۇمتىلۋمەن سيپاتتالادى، قانداي دا ءبىر قاستاندىق ارەكەتتەردەن وتانىن قورعاۋعا دايىن بولۋىن بىلدىرەدى. پاتريوتتىق سەزىمى - ءوز حالقىنىڭ الەۋمەتتىك، مادەني جەڭىستەر ءۇشىن ماقتانۋ، ونىڭ جاۋىنگەرلىك جانە ەڭبەك داستۇرلەرىنە ۇقىپتىلىقپەن قاراۋ.