پاتەردەگى ەڭ لاس 5 جەر
پاتەردى جيناعان كەزدە كوپ جاعدايلاردا بارلىعىن تازارتتىق، ەندى راحاتتانىپ دەمالا الامىز دەپ ويلايمىز. الايدا كوپ جاعدايلاردا ءقاۋىپتى بولۋى مۇمكىن ەكەنىن بىلمەيتىن جەرلەر نازارىمىزدان تىس قالىپ تازالانبايدى.
وسى ورايدا ءبىز پاتەردە شاڭ-توزاڭ كوپ جينالاتىن 5 جەردى اتاپ كورسەتكىمىز كەلەدى.
1. تەكستيل بەتتەرى (ديۆان، توسەك-ورىندار، پەردەلەر، كىلەمدەر)
پاتەردەگى بۇل زاتتار كوپ شاڭ-توزاڭ جينايدى، الايدا ءبىز ولاردى سيرەك جۋامىز. كىلەمدەرگە كوشەدەن اياق كيىممەن كىر مەن باكتەريالار اكەلىنەدى. كوپتەگەن پاتەرلەردىڭ ديۆاندارىندا سەرىپپە مەن قاپتاۋىنان بولەك شاڭ كەنەلەرى بولادى. بۇل ميكرو تىرشىلىك يەلەرى ادام تەرىسىنىڭ قالدىقتارىمەن قورەكتەنەدى جانە ادام دەنساۋلىعىنا ءقاۋىپتى.
كەنەلەردىڭ وزدەرى ادام اعزاسىنا ءقاۋىپ توندىرمەيدى، ال ولاردىڭ ءناجىسى برونح دەمىكپەسىن، اللەرگيالىق رەاكسيالاردى، مۇرىننىڭ بىتەلۋى، جوتەل، كوزدىڭ قۇرعاۋى، ەكزەما سياقتى جاعىمسىز بەلگىلەردى تۋدىرۋى مۇمكىن.
وكىنىشكە وراي، ونى قولدانىستاعى تازارتقىش قۇرالدارمەن تازالاۋ مۇمكىن ەمەس، ولاردى كاسىبي جيناۋ-تازالاۋ قۇرالدارىنىڭ كومەگىمەن عانا زالالسىزداندىرۋعا بولادى.
2. تەلەديدار ءپۋلتى، ەسىكتىڭ تۇتقاسى جانە جارىق وشىرگىش-قوسقىش
بۇل زاتتاردى كۇنىنە بىرنەشە رەت ۇستايمىز جانە بۇل تۋرالى ويلانا بەرمەيمىز. كۇننەن كۇنگە ولارعا باكتەريالار مەن ميكروپتار جينالىپ، ءبىزدىڭ اعزامىزعا وڭاي ەنەدى.
جارىقتى قوسىپ، اس بولمەسىنە كىرىپ، بىردەن تاماق جەدىڭىز. تەلەديداردى پۋلتپەن قوسىپ، كوزىڭىزدى ۋقالادىڭىز. وسىلايشا ميكروبتار اعزاعا ەنىپ اۋرۋ تۋدىرادى. ال اۋرۋدىڭ سەبەبى ەسىكتىڭ تۇتقاسى بولۋى مۇمكىن دەگەن وي ەشقاشان كەلمەيدى.
3. ۆاننا بولمەسى
ءاربىر ءۇي شارۋاسىنداعى ايەل ەڭ لاس جەر دەگەن ويمەن دارەتحانانى بىرنەشە كۇندە ءبىر رەت جۋادى. شىندىعىندا، نەگىزگى نازاردى ۆانناعا اۋدارۋ كەرەك. ول جەردە دە جىلدار بويى شاڭ جينالىپ نازاردان تىس قالاتىن ورىندار بار. تازالاۋدى ۇمىتپاۋ كەرەك بولعان ءتىزىمدى ۇسىنامىز.
كىر جۋاتىن ماشينا ۇنەمى جۋعىش ۇنتاقتارمەن جۇمىس ىستەگەننەن كەيىن تازا بولادى دەپ ويلايمىز. ءبىراق ءىس جۇزىندە رەزەڭكە تىعىزداعىشتار، سۋ قۇبىرلارى مەن ۇنتاققا ارنالعان كونتەينەرلەر ۋاقىت وتە ءقاۋىپتى باكتەريالار، قارا زەڭ مەن ساڭىراۋقۇلاقتار ءومىر سۇرەتىن ورىنعا اينالادى. كىر جۋعان كەزدە وسى اعزالار ماتا تالشىقتارىنا، سودان كەيىن تەرىڭىزگە وتەدى.
دۋشتاعى پەردەلەردەن سارعىش داقتاردى بايقاعان شىعارسىز — بۇل اۋرۋ تۋدىرعىش باكتەريالار. سوندىقتان جۋۋعا بولاتىن ماتادان جاسالعان پەردەلەردى تاڭداعان ابزال.
دۋشقا ارنالعان ساپتاما، قول سۇلگىلەرى، قوقىس شەلەگى، ۆاننا مەن ۋنيتاز مۇقيات تازالاۋدى قاجەت ەتەدى. ءسىزدى تاڭداندىراتىن تاعى ءبىر نارسە بار — بۇل ءتىس قىلشاعى (ششەتكا)! ەگەر ءسىزدىڭ پاتەرىڭىزدە ۆاننا مەن دارەتحانا بولمەسى بىرگە بولسا، دارەتحانا سۋىن ءار اعىزعاندا اۋاعا ميلليونداعان باكتەريالار كوتەرىلەدى. ول باكتەريالار ءتىس ششەتكاسىنا دا شوگەدى. باكتەريالار تۇبىندە سۋ قالاتىن ستاقان مەن شۇڭعىلشانى دا جاقسى كورەدى.
4. بالالار ويىنشىقتارى
ويىنشىقتار ۇنەمى بالالاردىڭ قولىندا، ولارمەن وينايدى، ەدەنگە لاقتىرىپ كوتەرەدى. ويىنشىقتار بولمەدە تۇرعاندا ولارعا دا شاڭ شوگەدى، ونى سۇرتپەيمىز. بالالار ويىنشىقتاردى كىر قولدارىمەن ۇستايدى. بالالار ويىنشىقتارىنا تالداۋ جاسالعاندا ولاردان ىشەك تاياقشاسى جانە ەنتەروباكتەريالار تابىلدى. مۇنداي ويىنشىقتاردى بالالارىمىز ءجيى اۋىزدارىنا سالادى!!!
5. اس بولمەسى
كوپ ۋاقىتىن وتكىزەتىن ورىنداردىڭ ءبىرى. ءبىز ۇنەمى جۋىپ، ءبارىن سۇرتەتىن سياقتىمىز، ءبىراق وندا ءارتۇرلى باكتەريالاردىڭ ءوسىپ تاراۋىنا قولايلى ورىندار بار.
تاماق دايىنداعان كەزدە پىسىرىلگەن تاعام بۋلانادى، ال بۇل ماي اس ءۇيدىڭ بارلىق جەرىنە شوگەدى.
اقش عالىمدارى تاجىريبە وتكىزدى، ولار ادامنىڭ قولىنا اۋانىڭ حيميالىق قۇرامىن كورسەتەتىن قۇرىلعىنى كيگىزدى. زەرتتەۋ قورىتىندىسى بويىنشا، ەڭ لاس جەر — اس بولمەسى.
عالىمدار اس بولمەسى گازبەن كوپ لاستانادى دەيدى.
ءيىس گازى اعزاعا ەنگەندە گەموگلوبينمەن بىرىگىپ ونى بلوكتايدى. قان اعزالارعا قاجەتتى مولشەردە وتتەگىنى بەرۋدى توقتاتادى. باس كەزىندە ادام ەشتەڭە سەزبەيدى، ۋاقىت وتە كەلە ورگانيزم السىرەپ اعزانىڭ وسال بولىگىنىڭ جۇمىسى ناشارلايدى.
سوندىقتان دا ءار اس بولمەسىندە گاز سوراتىن قۇرىلعى بولۋى شارت. سونداي-اق، ونى دا ۇنەمى تازالاپ وتىرۋ قاجەت.
جىلى ءارى ىلعالدى ورتا باكتەريالاردىڭ كوبەيۋىنە قولايلى. سوندىقتان عالىمدار كۇندەلكتى ىدىس جۋاتىن گۋبكانىڭ وزىندە 20 مىڭنان اسا ميكروورگانيزم بولادى دەپ مالىمدەيدى.
توڭازىتقىش، اعاش تاقتايشالار، جەلدەتكىش تورلار ميكروبتاردىڭ وشاعى بولىپ تابىلادى.
عالىمداردىڭ ايتۋىنشا، توڭازىتقىشتىڭ كامەرالارىنداعى تومەنگى تەمپەراتۋراعا قاراماستان، وندا شامامەن 11 ملن باكتەريالار تىرشىلىك ەتەدى. ول جەرگە ولار ازىق-تۇلىكپەن تۇسەدى.
سوندىقتان دا توڭازىتقىش كامەرالارىن ءۇش اپتادا ءبىر رەت جۋىپ وتىرۋ قاجەت. ياعني، توڭازىتقىشتىڭ مۇزىن ەرىتىپ، سودا نەمەسە سىركە سۋىنىڭ ەرىتىندىسىمەن جۋىپ، ءۇش ساعاتقا دەيىن ەسىگىن اشىپ كەپتىرۋ قاجەت.
وقۋعا كەڭەس بەرەمىز:
ءبىز ەسكەرە بەرمەيتىن ەڭ لاس 10 زات
ءۇيدى تاپ-تازا ۇستاۋدىڭ 12 ءادىسى
سوڭعى تازالىق: تازالىق جۇرگىزۋدىڭ شۆەسيالىق جاڭا ءادىسى
ءۇيدىڭ شاشىلماۋىن قامتاماسىز ەتەتىن 7 ادەت
ءۇي جيناۋدى جەڭىلدەتەتىن 13 ينتەرەرلىك قۋلىق
You Might Also Like
-
تۋعان جەر التىن بەسىك، اسىل انام.الەمنىڭ جەتى كەرەمەتىنەن دە اسىپ تۇسەرلىك كىندىك قانىم تامعان قازاقستانىم-مىنا مەنىڭ ءسابي جۇرەگىمنەن ويىپ تۇرىپ ورىن العان.وزگە ەلدە مەكەن ەتىپ جاتقان قانداستارىما ...
-
ادام ومىرىندە از ۋاقىت ىشىندە بولىپ جاتقان وزگەرىستەر سانى ادامنان كەز كەلگەن وزگەرىستەرگە شىعارماشىلىق جانە ناتيجەلى قاراۋعا مۇمكىندىك بەرەتىن قاسيەتتەردى تالاپ ەتەدى. تۇراقسىز وزگەرىستەر جاعدايىن...
