پەرعاۋىننىڭ شىرىمەگەن دەنەسى
مىسىر پەرعاۋىندارىنىڭ ءبىرىنىڭ شىرىمەگەن دەنەسى لوندونداعى بريتيش مۇراجايىنا قويىلعان. 3000 جىل بۇرىن ولگەن بۇل پەرعاۋىننىڭ دەنەسى مۋميالانعان ەمەس. الەمگە عيبرات بولۋ ءۇشىن مۋمياسىز كۇيدە ساقتالعان. عيبرات بەرۋشى قۇجات رەتىندە دەنەسى مۇلدەم بۇزىلماعان، ەتتەرى شىرىمەگەن جانە قىلدارى دا توگىلمەگەن كۇيدە جانە ساجدە ەتكەن تۇردە تابىلعان. ويتكەنى پەرعاۋىن ولەرىندە ساجدەگە جىعىلعان ەدى. قۇران كارىمدە بىلاي دەيدى:
«يسرايل ۇلدارىن تەڭىزدى قاق ءبولىپ وتكىزدىك. پەرعاۋىننىڭ اسكەرى زۇلىمدىق ەتۋ ءۇشىن ولاردىڭ (جارىلعان تەڭىزدە) ارتىنان كەلدى. پەرعاۋىن تەڭىزدە تۇنشىققانىندا «يسرايلۇلدارى سەنگەن اللاھتان باسقا ءتاڭىردىڭ جوقتىعىنا يمان ەتتىم، مەن دە مۇسىلمان بولدىم» دەدى. وعان «ەندى سەندىڭ بە، بۇدان بۇرىن قارسى شىعۋشى، قىرىپ-جويۋشى ەدىڭ» دەلىندى. (تەڭىزگە تۇنشىققان پەرعاۋىنعا اللاھۋ تا’الا بىلاي بۇيىردى:) سەنەن كەيىنگىلەرگە عيبرات بولۋ ءۇشىن بۇگىن سەنىڭ (تەڭىزدەگى) دەنەڭدى (شىرىتپەي) شىعارىپ (جاعاعا) تاستايمىز. ايتسە دە ادامداردىڭ كوبى اياتتارىمىزدان عاپىل». (يۋنۋس سۇرەسى 90-92 ايات)
پەرعاۋىن مۇسا الەيھيسسالامنىڭ مۋعجيزالارىن كورگەندە قورىقتى. مۇسا الەيھيسسالاممەن وعان سەنگەندەردىڭ مىسىردان كەتۋىنە رۇقسات بەردى. كەيىن پەرعاۋىن رۇقسات بەرگەنىنە وكىنىپ اسكەرىمەن ارتتارىنان قۋدى. تەڭىزدەن جولدار اشىلىپ مۇسا الەيھيسسالاممەن يسرايلۇلدارى تەڭىزگە كىردى. ارتىنا تۇسكەن پەرعاۋىنمەن اسكەرى قىزىلتەڭىزدىڭ سۋەيش بولىگىنە كەلگەنىندە تەڭىز جابىلىپ تۇنشىعا باستادى. بۇل جاعدايعا تۇسكەن پەرعاۋىن دەرەۋ ساجدەگە جىعىلىپ يمان ەتتىم دەگەنىمەن تۇنشىعىپ اسكەرىمەن بىرگە ءولدى.
پەرعاۋىننىڭ جانسىز دەنەسى قانشاما عاسىر تەڭىزدە بولعانىمەن، اللاھۋ تا’الانىڭ قۇدىرەتىمەن شىرىمەدى. اياتتا بىلدىرىلگەنىندەي دەنەسى 3000 جىلدان كەيىن جاعاعا شىقتى. تابىلعان دەنەسى انگلياعا جونەلتىلدى.
You Might Also Like
-
ەگەر بالاڭىزدىڭ بولاشاعىنا بالتا شاۋىپ، ەرتەڭىن قاراڭعى تۇنەككە اينالدىرعىڭىز كەلسە، مىنا ءۇش نارسەنى سەزىندىرىڭىز:
-
اتا-اناعا جاقسىلىق جاساۋ، ولاردى زيان مەن قيىندىقتاردان قورعاۋ — پارىز. ادام اكە-شەشەسىنە جىلى جۇزبەن، مەيىرىممەن قاراسا، اللاھۋ تا’الا وعان راقىمدىلىق كوزىمەن قارايدى. اتا-اناسىنىڭ ريز...
