InfoHub Logo

كەيدە اتا-انالاردان «ءوزىڭىزدىڭ قانداي اتا-انا ەكەنىڭىزدى بىلگىڭىز كەلە مە؟»، «بالاڭىزعا قانداي تاربيە بەرىپ جاتقانىڭىزدى كورگىڭىز كەلە مە؟» دەگەن سۇراقتاردى ءجيى قويامىن. اتا-انالار ءبىر اۋىزدان «ءيا» دەپ جاۋاپ بەرىپ، ماعان تەسىلە قارايدى. «جاقسى وندا، كازىر مەن سىزدەرگە ءبىر سيقىرلى اينا تاراتامىن» دەيمىن ولارعا. مەنىڭ سىزگە ۇسىنىپ وتىرعان سيقىرلى اينامدى سىرتتان كۇتپەڭىز. ءسىزدىڭ قانداي اتا-انا ەكنىڭىزدى كورسەتەتىن «سيقىرلى اينا»، ول ءسىزدىڭ ۇيىڭىزدە. ول — ءسىزدىڭ بالاڭىز. بالا اينا سەكىلدى. سىزگە ءسىزدى كورسەتەدى. ءوزىڭىزدىڭ قانداي اتا-انا ەكەنىڭىزدى، بالاڭىزعا قانداي تاربيە بەرىپ جۇرگەنىڭىزدى كورگىڭىز كەلسە وندا بالاڭىزدىڭ ويىن ءساتىن تاماشالاڭىز. مىسالى، ءسىز كوپ ۇرىساتىن، ايعايلاي بەرەتىن انا/اكە بولساڭىز، بالاڭىز دا ويىنشىقتارىنا ۇرىسىپ وينايدى. ال قازىرگى بالالار كوبىنە تەلەفونمەن سويلەسىپ وينايدى نەمەسە تەلەفون ارقىلى سۋرەتكە ءتۇسىپ، سەلفيلەتىپ جۇرەدى. نامازحان وتباسىدا ءوسىپ جاتقان بالالارعا قاراساڭىز، ناماز وقىعان بولىپ، اكە-شەشەسىنىڭ ارەكەتتەرىن قايتالاپ جۇرگەنىنە كۋا بولاسىز.

بالا ءۇشىن ويىن ءۇردىسى وتە ماڭىزدى بولىپ ەسەپتەلەدى. نەگىزىندە، بالالار ۇلكەندەردەن كورگەن ارەكەتتەرى مەن ەستىگەن سوزدەرىن قايتالايدى. سوندىقتان پەداگوگتار مەن پسيحولوگتار بالاعا بايلانىستى قانداي دا ءبىر زەرتتەۋ جاساعان كەزدە ولاردى ويىن ساتىندە زەرتتەيدى.

سيقىرلى ايناعا قاراعان كەزدە كەيدە بالاڭىزدىڭ بويىنا سىڭىرگەن جاقسى قاسيەتتەرىنە كۋا بولىپ ريزا بولساڭىز، كەيدە سىزدەن جۇققان جاعىمسىز ارەكەتتەردىبايقاپ كوڭىلىڭىز تۇسەدى. ەڭ باستىسى، ءوزىڭىزدىڭ تاربيە جۇيەڭىزگە تالداۋ جاساپ، ونى جاقسارتا ءتۇسۋىڭىز ءۇشىن تاپتىرماس مۇمكىندىك بولادى. سيقىرلى اينادان كورگەن نارسەلەرىڭىز سىزگە ۇناماسا دا وعان قاراۋدان باس تارتپاڭىز. كەمىندە اپتسىنا بەر رەت قاراۋدى ۇسىنامىن.

---