«ءۇي جيناۋعا جۇمىسقا شاقىرعان» شىمكەنتتە 26 جاستاعى ايەلدى 17 جاستاعى ءجاسوسپىرىم پىشاقتاپ ءولتىردى
«ءۇي جيناۋعا جۇمىسقا شاقىرعان» شىمكەنتتە 26 جاستاعى ايەلدى 17 جاستاعى ءجاسوسپىرىم پىشاقتاپ ءولتىردى
شىمكەنتتە 21 شىلدەدە ءىز-تۇسسىز كەتكەن 26 جاستاعى ديانا وڭعاربايەۆا قازا تاپتى. قايعىلى وقيعا ەلدى ءدۇر سىلكىندىردى. ەكى بالانىڭ اناسى جۇمىس ىزدەپ، Telegram ارناسىندا جاريالانعان «ءۇي جيناۋ قىزمەتى كەرەك» دەگەن حابارلاما بويىنشا بەلگىسىز مەكەنجايعا بارعان. ارتىنشا ۇيىنە ورالماعان.
مارقۇمنىڭ تۋىستارىنىڭ مالىمەتىنشە، ديانانى 17 جاستاعى ءجاسوسپىرىم 16 رەت پىشاقتاپ ءولتىرىپ، دەنەسىن قوقىسقا لاقتىرىپ كەتكەن. جانتۇرشىگەرلىك اقپاراتتى زاڭگەر ءلاززات راقىشيەۆا دا الەۋمەتتىك جەلىدە راستادى.
– قىزدى ۇيىنە شاقىرعان. الاياقتىق جولمەن تۇزاعىنا ءتۇسىرىپ، اياۋسىز ولتىرگەن. ارتىندا جولداسى مەن ەكى ءبۇلدىرشىنى قالدى. بۇل – جاي عانا قىلمىس ەمەس، جۇيەلى قاۋىپسىزدىك دابىلى، – دەدى زاڭگەر.
پوليسيا بۇل دەرەك بويىنشا ق ر قىلمىستىق كودەكسىنىڭ 99-بابى ("ادام ءولتىرۋ") بويىنشا ءىس قوزعاپ، كۇدىكتىنى قاماۋعا الدى. ءقازىر تەرگەۋ امالدارى ءجۇرىپ جاتىر.
بۇل قاندى وقيعا Telegram سەكىلدى اشىق پلاتفورمالاردا جۇمىسقا شاقىرۋدى جامىلىپ جاسالاتىن قىلمىستاردىڭ كوبەيىپ كەلە جاتقانىن كورسەتىپ وتىر. ساراپشىلار مۇنداي جارنامالارعا سەنبەۋدى، كەز كەلگەن جۇمىس ۇسىنىسىنا ساقتىقپەن قاراۋدى ەسكەرتەدى.
You Might Also Like
-
پەريزات قايرات 10 جىلعا سوتتالدى: قايىرىمدىلىق قارجىسىن جىمقىرۋ ءىسى بويىنشا ۇكىم شىقتى،-دەپ جازادى ينفوحاب ءتىلشىسى.
-
تايلاند پەن كامبودجا اتىستى توقتاتۋعا كەلىستى
