قاجىمۇقان بالۋان
قاجىمۇقان مۇڭايتپاسوۆ (1871 -1948) — الەمدىك ارەناعا شىققان قازاقتىڭ تۇڭعىش بالۋانى، دۇنيە ءجۇزىنىڭ بىرنەشە دۇركىن چەمپيونى.
قاجىمۇقان ون ءتورت جاسىندا ساۋداگەر بايعا جالشى بولىپتى. بىردە باي ونى ات شانامەن ءشوپ الىپ كەل دەپ جۇمساپتى. قىس مەزگىلى ەكەن. قايتار جولدا قار جاۋىپ، اتى شانانى تارتا الماي زورىعىپ ءولىپتى. قاجىمۇقان ويلانباستان اتتى ءشوپتىڭ ۇستىنە لاقتىرىپ تاستاپ، شانانى اتىمەن بىرگە ءوزى سۇيرەپ الىپ كەلىپتى.
قاجىمۇقان كۇرەس ونەرىن ءوزىنىڭ تۋىسى ەرجاقبالۋاننان ۇيرەنەدى. كەيىن سانكت-پەتەربۋرگتەگى اتاقتى لەبەديەۆتىڭ بالۋاندار مەكتەبىندە ابدەن شىڭدالىپ تولىسادى. وسى كەزدە داڭقى جەر جارعان يۆان پوددۋبنىيمەن دوستاسادى. الەكس ابەرگ، زبىشكو سىگانيەۆيچ، يۆان شەمياكين سياقتى ورىس، پولياك جانە قارا احمەت، مۇستافا اتتى تۇرىك بالۋاندارىن جەڭىپ، اتى الەمگە ايگىلى بولادى. جاپون بالۋانى ساراكاكي جيندوفۋدى «دجيۋ-دجيتسۋ» كۇرەسى ادىسىمەن جىعادى. 1917 جىلعى قازان توڭكەرىسىنەن سوڭ قاجىمۇقان تۋعان ەلى — قازاقستانعا ورالادى. ەل-جۇرتتى ارالاپ ءار ءتۇرلى ويىن كورسەتەدى. ۇستىنە 20-30 ادام وتىرعىزىلعان اربانى تىسىمەن سۇيرەيدى. ءىشى ادامعا تولى ءبىر جارىم توننا ماشينانى ۇستىنەن جۇرگىزىپ وتكىزەدى. كەۋدەسىنە كەسەك تاستى قويعىزىپ، بالعامەن ۇرعىزادى. تەمىر جول رەلستەرىن موينىنا سالىپ، گالستۋكشا يەدى.
قاجىمۇقان ۇلى وتان سوعىسى جىلدارىندا قارتايعانىنا قاراماستان، وسىنداي ويىندار وتكىزىپ، جيعان اقشاسىنا ۇشاق جاساتقان. وعان ۇشقىش ب.شالابايەۆ وتىرىپ، تالاي ەرلىكتەر كورسەتكەن. ءقازىر شىمكەنت وبلىسىنىڭ تەمىرلان اۋىلىندا قاجىمۇقاننىڭ مۇراجايى بار.
وقۋعا كەڭەس بەرەمىز:
قاجىمۇقانعا قارىم كورسەتكەن ىبىراي بالۋان
You Might Also Like
-
قاسىمحان جاس كەزىندە ءبىر باي ورىستىڭ جىلقىسىن باعادى. جازدىگۇنى دەمالىسقا كەلگەن بايدىڭ پەتەربۋرگتەگى وفيسەر بالاسى مەن قاسىمحان دوستاسىپ كەتەدى. بىردە ەكەۋى ات قوراداعى جىلقىلاردى وزەندەگى سۋعا ءتۇ...
-
قازىرگى ادامدار ءوز ءومىرىن باسپا ءسوز، راديو، تەلەديدار سياقتى بۇقارالىق اقپارات قۇرالدارىنسىز ەلەستەتە المايدى. ال سونىڭ ەڭ العاشقى باستاۋى ۇلىبريتانيادان شىققانىن ءبىز بىلە بەرمەيمىز.
