قاسىمحان بالۋان
قاسىمحان جاس كەزىندە ءبىر باي ورىستىڭ جىلقىسىن باعادى. جازدىگۇنى دەمالىسقا كەلگەن بايدىڭ پەتەربۋرگتەگى وفيسەر بالاسى مەن قاسىمحان دوستاسىپ كەتەدى. بىردە ەكەۋى ات قوراداعى جىلقىلاردى وزەندەگى سۋعا ءتۇسىرىپ، سۋارىپ جۇرگەندە بايدىڭ بالاسى سۋعا باتىپ كەتەدى. قايعىدان قاھارلانعان اكەسى قاسىمحاندى «بالامدى ادەيى ءولتىردىڭ» دەپ سىبىرگە ايداتادى. ۋسسۋرييسكىدە قاسىمحان تايگانىڭ اعاشىن كەسىپ، شپال دايىندايدى. بورەنەلەردى ويىنشىق قۇرلى كورمەي، اۋدارىپ-توڭكەرىپ، يىعىنا سالادى. قولتىعىنا قىسىپ كوتەرىپ، تۇتقىنداردىڭ جانە تۇرمە باسشىلارىنىڭ اراسىندا قۇرمەتكە يە بولادى.
ءبىر كۇنى ات قورادا ابدەن جەمگە تويىپ، ەرىگىپ تۇرعان سەمىز اتتاردى تارانتاسقا جەگىپ، ورىس اسكەرىنىڭ گەنەرالى ايەلىمەن سەرۋەنگە شىعادى. ابدەن تويىنىپ كۇيى كەلىسكەن توق اتتار دەلبەگە بوي بەرمەي، الا قاشادى. تارانتاستىڭ دوڭگەلەكتەرى جەرگە ءبىر ءتيىپ، ءبىر تيمەي، قاڭباقتاي قاڭعالاقتاي ۇشادى. ءبىر ۋاقىتتا قۇيعىتىپ شاۋىپ بارا جاتقان اتتاردىڭ الدىنان قاسىمحان شىعا كەلەدى. ول اربانى وتكىزە بەرىپ ارتقى بىلىگىنەن قوس قولىمەن ۇستاپ، تالتايىپ تۇرا قالادى. اتتار تىرپ ەتپەي توقتاي قالادى.
اتتاردىڭ ارشىنىنىڭ كۇشتىلىگى سونشالىق، قاسىمحاننىڭ اياعى تىزەسىنە دەيىن جەرگە كىرىپ كەتكەن كورىنەدى. وزدەرىن قاتەردەن قۇتقارعان قاسىمحانعا ريزا بولعان گەنەرال ونى ايداۋدان بوساتىپ، ەلىنە قايتارىپتى.
You Might Also Like
-
وردەن — لاتىن تىلىنەن اۋدارعاندا «ساپ، دارەجە، توپ» دەگەن ماعىنانى بىلدىرەدى. باتىس ەۋروپادا ورتا عاسىرلاردا موناحتىق، دىني-اسكەري ۇيىمدار، قۇپيا بىرلەستىكتەر "وردەن" دە...
-
قاجىمۇقان مۇڭايتپاسوۆ (1871 -1948) — الەمدىك ارەناعا شىققان قازاقتىڭ تۇڭعىش بالۋانى، دۇنيە ءجۇزىنىڭ بىرنەشە دۇركىن چەمپيونى. قاجىمۇقان ون ءتورت جاسىندا ساۋداگەر بايعا جالشى بولىپتى. بىردە باي ...
