سۇيكىمدى بولات قانجار، تۇرسىڭ جايناپ،
ىستىق، سۋىق مايداندا شىعادى ويناپ.
گرۋزين اشۋلى ۇستا كەككە سوققان،
ەر شەركەس سوعىس ءۇشىن العان قايراپ.

ەركەلى نازىك قولمەن ماعان ءتيدى،
ۇمىتپا دەپ ايرىلعان جەرگە بەردى.
قان سورعالار جۇزىندە جاس سورعالاپ،
قايعىمەن ورتەنگەننىڭ بەلگىسى ەدى.

قارا كوز قاراپ ماعان كوپ قادالعان،
قۇپيا قايعى ورتەنىپ بويىن العان.
بولاتشا دىرىلدەگەن جالىن كورگەن،
ءبىر كۇڭگىرت تارتىپ جانە وتتاي جانعان.

---