قاراعاندى كاسىپكەرلەرى كوللەدجگە 4 ملن تەڭگەنىڭ جابدىقتارىن الىپ بەردى
كاسىپكەرلەر قاجەتتى مامانداردى جۇمىسقا تارتۋ ءۇشىن قارعاندىداعى كوللەدجگە وقۋ قۇرالدارىن ساتىپ اپەرىپ، الدىڭعى قاتارلى تەحنيكالار زەرتحاناسىن جابدىقتاۋدا.
شاعىن جانە ورتا بيزنەستە بايلانىس سالاسىنىڭ ماماندارى جەتىسپەيدى. كاسىپكەرلەر كوللەدجدەردىڭ جوعارى بىلىكتى مامانداردى دايارلاپ شىعارۋى ءۇشىن ءبىلىم وردالارىنداعى زەرتحانالاردى جابدىقتاپ، ماتەريالدىق جاعىنان كومەك قولىن سوزۋدا.
«كاسىپكەرلەر يندۋستريالدى-تەحنولوگيالىق كوللەدجى ءوز قامقورلىقتارىنا الىپ، قاجەتتى قۇرال-جابدىقتارمەن قامتاماسىز ەتۋدە.
كوللەدجدە قۇرامىنا بىرنەشە كاسىپكەر كىرەتىن قامقورشىلىق كەڭەسى قۇرىلدى، كەلىسىمشارت اياسىندا وقۋ پروسەسسىندە ستۋدەنتتەرگە قاجەتتى بارلىق قۇرالدارمەن جابدىقتاۋدا»، - دەپ حابارلادى وڭىرلىك كاسىپكەرلەر پالاتاسىنىڭ باسپا ءسوز قىزمەتى.
وڭىرلىك كاسىپكەرلەر كوللەدجدىڭ زەرتحاناسىن 4 ميلليون تەڭگەگە جابدىقتارمەن قامتاماسىز ەتتى.
«كوللەدجدە «ەلەكتر بايلانىسى سىزىقتىق قۇرىلعىلارىن جانە سىمدى حابار تاراتۋدى ەكسپلۋاتاسيالاۋ» ماماندىعى بويىنشا ءدۋالدى وقىتۋدى ەنگىزۋ ءىس-شاراسىن جۇزەگە اسىرۋ ماقساتىندا ءتورت فيرمامەن ءتورتتاراپتى كەلىسىمشارت جاسالدى. كاسىپكەرلەردىڭ ارقاسىندا ءبىلىم وشاعىمىزدىڭ ماتەريالدىق-تەحنيكالىق بازاسىن جاڭارتتىق: زاماناۋي تەحنيكالارمەن جابدىقتالعان زەرتحانا اشتىق»، - دەدى كوللەدج ديرەكتورى يرينا كيسيليەۆا.
ءقازىر ستۋدەنتتەر وقۋعا ارنالعان بارلىق قاجەتتى قۇرالدارمەن جابدىقتالدى. بۇل كومەك ولاردىڭ وقۋعا دەگەن ىنتاسىن ارتتىردى.
You Might Also Like
-
جەر بەتىندە سىرتقى كورىنىستەرىمەن باسقالارىنان ەرەكشەلەنەتىن مىڭداعان تىرشىلىك يەلەرى ءومىر سۇرەدى.
