شىن مانىندە ءومىر سۇرەتىندەرى كۇمان تۋدىراتىن ءمولدىر تىرشىلىك يەلەرى
جەر بەتىندە سىرتقى كورىنىستەرىمەن باسقالارىنان ەرەكشەلەنەتىن مىڭداعان تىرشىلىك يەلەرى ءومىر سۇرەدى.
شىنى اسشايان
ەلەس اسشايان دەگەن اتپەن دە بەلگىلى بۇل تىرشىلىك يەسى شايان تەكتەستەردىڭ بارلىعى سياقتى تۇششى سۋدا مەكەندەيدى جانە قوقىستارمەن قورەكتەنەدى.
وپيستوپروكت بالىعى
بۇل بالىقتىڭ كوزدەرى جارىققا وتە سەزىمتال بولىپ كەلەدى. وعان قوسا، وپيستوپروكتتىڭ سۇيىقتىققا تولعان ءمولدىر باسى دا ونى باسقا بالىقتاردان ايىراتىن ەرەكشەلىگى بولىپ تابىلادى. بالىقتىڭ كوزدەرى اشىق جاسىل ءتۇستى لينزالارمەن كومكەرىلگەن. قورەگىن ىزدەۋ بارىسىندا جوعارى جاققا قارايتىن كوزدەرى (فوتودا كورسەتىلگەندەي) تابىلعان قورەگىن جەۋ بارىسىندا ءدال الدىنا قاراۋىمەن دە ەرەكشەلەنەدى. بالىقتىڭ اۋزىنان ءسال جوعارى ورنالاسقان جانە ەكى كوزى رەتىندە قابىلدانۋى مۇمكىن ءتۇستى داقتارى ونىڭ ءيىس سەزۋ تۇيسىگى ەكەن.
تاسباقا قوڭىز
بۇل قوڭىزداردىڭ بىرنەشە ءتۇرى بار، الايدا ولاردىڭ ءبارىنىڭ بۇلىڭعىر داقتارى بار ءمولدىر ساۋىتتارىنىڭ بولاتىندىعىن ايتۋ قاجەت.
شىنى باقا
شىنى باقالاردىڭ دا بىرنەشە ءتۇرى بار. ولاردىڭ بارلىعى ورتالىق جانە وڭتۇستىك امەريكانىڭ تروپيكتىك ورماندارىن مەكەندەيدى. ولار قوزعالماي وتىرعاندا، اينالالارىنداعى جىرتقىشتار ءۇشىن مۇلدەم كورىنبەيتىندىگىمەن ەرەكشەلەنەدى.
گرەتا وتو
شىنى كوبەلەك رەتىندە دە بەلگىلى بۇل تىرشىلىك يەسى كولۋمبيا، بوليۆيا، پەرۋ مەن ەكۆادور ورماندارىن مەكەندەيدى. گرەتا وتو بىرنەشە ساعات بويى گۇلدە وتىرىپ، ونىڭ بالشىرىنىمەن ۇزاق ۋاقىت بويى قورەكتەنۋگە دايىن.
اق قاندى بالىقتار
قولتىراۋىن مۇزبالىعى (Crocodile Icefish) رەتىندە دە بەلگىلى اق قاندى بالىقتار انتاركتيكادا مەكەندەيدى جانە قانى مەن دەنەلەرى ءتۇسسىز بولعاندىقتان، ولاردىڭ سىرتقى كورىنىسى دە ءتۇسسىز بولىپ كەلەدى. مۇزبالىق قىزىل قان جاسۋشالارى مەن گەموگلوبين اقۋىزى جوق جالعىز ومىرتقالى بولىپ تابىلادى.
سالپا مادجورە
سۋدى ءوزىنىڭ اس قورىتۋ ورگاندارى ارقىلى وتكىزە وتىرىپ، فيتوپلانكتونمەن قورەكتەنەتىن جانە مۇحيت بەتىمەن قوزعالاتىن سالپالاردىڭ ءبىر ءتۇرى. سالپالار وزدەرىنىڭ عاجايىپ ءبىر وزگەشەلىگىمەن ەرەكشەلەنەدى: ولار جەكە ءبىر اعزا رەتىندە دە، ءبىر ۇلكەن ازانىڭ بولىگى رەتىندە دە ءومىر سۇرە الادى.
ءمولدىر تەڭىز قيارى
بۇل وزگەشە تىرشىلىك يەسى مۇحيت تۇبىمەن جورعالاپ، سۋ تۇبىندەگى ءوزى ءۇشىن قۇنارلى ازىق بولىپ تابىلاتىن ازىق تۇرلەرىن جەيدى. قارماۋىشتارى قىسقا بولعاندىقتان، «قياردىڭ» قوزعالىس جىلدامدىعى مينۋتىنا 2 سانتيمەتردى عانا قۇرايدى.
كرانحييدتەر
شىنى كالمارلار اتىمەن دە بەلگىلى كرانحييدتەردىڭ 60-قا جۋىق ءتۇرى بار. ولار ومىرلەرىنىڭ كوپ بولىگىن تاياز سۋدا كۇننىڭ كوزى جاقسى تۇسەتىن جەرلەرىندە وتكىزەدى، سەبەبى ولاردىڭ ءمولدىر سىرتقى كەلبەتتەرى مۇنداي تاياز سۋدا مۇلدەم كورىنبەيدى.
مەدۋزالار
كەيبىرەۋلەرىنىڭ قارماۋىشتارى ۋلى بولىپ كەلەتىن مەدۋزالاردىڭ سۋدا جۇزۋشىلەر ءۇشىن وتە ءقاۋىپتى بولىپ سانالاتىن ءمولدىر جانە جارتىلاي ءمولدىر ءتۇستى كوپتەگەن ءتۇرى بار.
ۇلكەن كاليفورنيالىق سكات
ولار وتە ۇلكەن كولەمگە دەيىن وسەدى. ەگەر جاقىنداي الساڭىزدار، ولاردىڭ بوزارعان تەرىلەرى ارقىلى ىشكى ورگاندارىن كورە الاسىزدار.
ءمولدىر امفيپودا فرونيما
بۇل كىشى-گىرىم اسشاياننىڭ دەنە كولەمى 2،5 سم قۇراسا دا، ول ءوز قاتىگەزدىگىمەن ەرەكشەلەنەتىن تىرشىلىك يەلەرىنىڭ قاتارىنا ەنەدى. ونىڭ سىرتقى كەلبەتىنىڭ ءمولدىر بولعانى سونشالىق، ول قورشاعان ورتانىڭ تۇسىمەن ارالاسىپ، ولجاسىنا قىسقاشتارىمەن كەنەتتەن جارماسا كەتەدى ەكەن.
تەڭىز پەرىشتەسى
تەڭىز شايتاندارىمەن قورەكتەنەتىن جىرتقىش قۇرساقاياقتى ۇلۋلار بولىپ تابىلادى. ولار وزدەرىنىڭ سىرتقى كورىنىستەرىمەن پوكەمونداردىڭ جاڭا ەكى ءتۇرىنىڭ – Phione مەن Manaphy تۇرلەرىنىڭ شىعۋىنا نەگىز بولىپتى.
شىنى جايىن
ازيالىق ءمولدىر جايىن الەمدەگى بىزگە بەلگىلى ومىرتقالىلاردىڭ ىشىندەگى ەڭ ءمولدىرى بولىپ ەسەپتەلەدى. ول تايلاند، مالايزيا مەن يندونەزيا جاعالاۋلارىنىڭ بويىن مەكەندەيدى.
ءمولدىر شىرىشتى ۇلۋ
Gaeotis flavolineata – وتە قىسقا دەنەلەرىمەن ەرەكشەلەنەتىن باۋىر اياقتىلار. ولاردىڭ دەنە كولەمى شامامەن وق كولەمىمەن تەپە-تەڭ كەلەدى ەكەن.
Mnemiopsis leidyi
ۆەرتيكالدى ايدارلارىنىڭ ءتورت قاتارى بار جانە تەڭىز گرەك جاڭعاعى اتىمەن بەلگىلى منەميوپسيس تاراقتىلارى دوعال ءارى ءمولدىر دەنە بىتىمدەرىمەن ەرەكشەلەنەدى. ولاردىڭ ايدارلارى كەمپىرقوساق تۇستەرىن كورسەتە الادى، ال جەلە تارىزدەس دەنەلەرىنە زاقىم تيگەندە، كوك-جاسىل ءتۇستى ساۋلە تاراتادى ەكەن.
شىنى سەگىزاياق
بۇل ۇلۋدىڭ جەلە تارىزدەس دەنەسى تولىقتاي دەرلىك ءمولدىر بولىپ كەلەدى جانە ىشكى ورگاندارىنىڭ كەيبىرىن ساناماعاندا، ونىڭ بوياعىش پەگمەنتتەرى مۇلدەم جوق ەكەن. ۇلۋدىڭ دەنەسىنىڭ مولدىرلىگى سونشالىق، ونىڭ اس قورىتۋ جۇيەسى مەن اسا ۇلكەن كولەمىمەن ەرەكشەلەنەتىن ميىن بايقاۋعا بولادى ەكەن.
You Might Also Like
-
كاسىپكەرلەر قاجەتتى مامانداردى جۇمىسقا تارتۋ ءۇشىن قارعاندىداعى كوللەدجگە وقۋ قۇرالدارىن ساتىپ اپەرىپ، الدىڭعى قاتارلى تەحنيكالار زەرتحاناسىن جابدىقتاۋدا.
