اسكەرگە كەتكەندە تىلەك، باتا
وڭ بولسىن، بالام، ساپارىڭ،
مولىقسىن ءدامىڭ، تاتارىڭ،
تۋعان ەلىڭ تاپسىرعان،
پارىزىن وتە وتاننىڭ.
بارىپ كەلىپ جاتىر عوي،
وزىڭدەي جاستار – قاتارىڭ.
حالىقتىڭ سۇيگەن تىرەگى،
سوم تەمىردەي بىلەكتى،
ارىستانداي جۇرەكتى،
اناڭنىڭ ءسۇتىن اقتاي ءبىل،
بەرە گور دەپ تىلەكتى!
ءاۋمين
*** *** *** ***
جولىڭدى اللا قولداسىن،
جامانشىلىق بولماسىن.
سەرتى مەن سوزدە تۇراتىن،
سەنىمدى بولسىن جولداسىڭ.
جولىڭدى كەسەم دەگەندەر
ەشقاشاندا وڭباسىن.
ءساتتى بولىپ ىستەرىڭ،
جاقسى بولىپ تۇستەرىڭ،
جورتىپ ءبىر جورتىپ جەتكەندە،
جومارت بولىپ توسەگىڭ.
جۇعىمدى بولسىن ىشكەنىڭ،
كورمەگەن جەردى كورىپ قايت.
قايرىلىپ سالەم بەرىپ قايت.
ىرزىعىڭ سىرتتا شاشىلسا،
ونى دا تۇگەل تەرىپ قايت.
ايدارىڭنان جەل ەسىپ.
جەلىپ بارىپ، جەلىپ قايت.
ب ا ق قوسىلىپ باسىڭا،
داق تۇسپەي ار مەن اعىڭا،
ساۋ-سالامات وزىڭمەن،
كەزدەسەيىك تاعى دا.
ءاۋمين
*** *** *** ***
You Might Also Like
-
قىمباتتى جاس جۇبايلار! سىزدەردى زاڭدى نەكەلەرىڭىزبەن قۇتتىقتايمىز! شىن جۇرەكتەن ماحابباتتى ماڭگىگە ساقتاۋلارىڭىزدى تىلەيمىز! بۇگىنگى كۇن - سىزدەردىڭ ومىرلەرىڭىزدەگى ەڭ باقىتتى كۇن. "ۇيلەنۋ وڭا...
