قازاق پەن اراق
(سىقاق)
قازاق پەن اراقتىڭ ارا- جىگى
قاشان بىرىككەنىن،
از - مازىراق جىلىك تەگىن.
قاشان بولعاندا...
قازەكەڭ
ەرتەدەن اراق - شاراپتىڭ ءدامىن ءبىلىپ جۇرگەن،
قارا تاياقتار،
ءىشىپ الىپ ىرجاقتاپ كۇلىپ جۇرگەن.
ءبىراق اراققا بوي بەرە قويماعان، اقىرى،
حX - عاسىردىڭ ەكىنشى جارتىسىندا
اراكەڭ
قازاقتى مىقتاپ سۇرىندىرگەن.
شال - كەمپىرى،
ۇلى - قىزى، جۇراعاتى
كۇن دەمەي ءتۇن دەمەي،
سۋشا سىمىرگەن.
ىشپەسە تۇرا المايتىن كۇيگە جەتتى.
ءسويتىپ اراق قازاقتى
كۇيزەلتتى، كۇڭىرەنتتى،
تالاي جايساڭ كەلمەسكە بۇردى بەتتى.
ورتەنىپ ولگەنى، ىعىپ ولگەنى،
وزىنە - ءوزى پىشاق سۇعىپ ولگەنى.
اسىلعانى،
اۆاريادا ك ۇلى شاشىلعانى.
وزگەسىن بۇلاي قويىپ،
ۋعا باس ۇرعانى،
سانداعان مىڭعا جەتكەن بولار.
مۇنى ءبىر دەڭىز،
ورىسپەن قوسىلىپ ىرگەمىز،
تىڭدى يگەرۋگە بىلەك تۇرگەنبىز.
وعان دەيىن از ىشكەنبىز،
قونىستاس بولعان سوڭ باسەكەگە تۇسكەنبىز.
ولار ەتىگىن جۋسا،
ءبىز دە جۋعانبىز.
تاۋىعى جۇمىرتقالاپ،
سيىر تۋسا،
قۋانىشىن بولىسكەنبىز.
تالاي، تالاي
«رۋسسكايا ۆودكانى» بولە ىشكەنبىز.
كەلە-كەلە ولار ءبىزدىڭ ماڭىمىزعا
-ماڭىڭىز نە؟
-قارا شاڭىمىزعا
ىلەسپەي قالعان.
ويتكەنى مالدان
بىزدە بيە بار،
ول قۇلىنداماي ما؟
قازەكەڭ قۇلىندى ىرىمداماي ما؟
سودان قۇلىندى جۋماي ما؟
قوي - قوزى، ەشكى - لاقتى
اۋىزعا الۋ ارتىق مۇندايدا.
سونان سوڭ قۇداي بەرە سالعان،
كۇتتىرگەن ءۇمىت الدان.
سۋ مۇرىندار دا جەتەرلىك
جىلدا ءبىر - ءبىر قۇرساق كوتەرىپ،
وعان ءتاۋبا ەتەلىك،
جاتاتىن جەڭگەلەر،
كەلىندەر از با؟
ءبىرى قىستا، ءبىرى جازدا
شاقالاقتى جۋۋ،
جىل بويى ءۇزىلىپ كوردى مە؟
قىسقاسى، قۇداي قازاققا بەردى دە
تۇردى،
بەردى دە تۇردى.
ءبىر جاعىنان قۇداي بەرىپ جاتسا،
ەكىنشى جاعىنان شايتان ۇرىپ،
جىبەردى ەمەس پە ماڭگى قىلىپ.
سودان ايتىپ - ايتپاي نە كەرەك؟
يت بولىپ ءۇرىپ،
شوشقاداي قورسىلدادىق.
بۇركىتشە ءبۇرىپ،
ءبىرىمىزدى – ءبىرىمىز ولتىردىك ۇرىپ.
ەڭ سوڭعى ءبىر دەرەك،
ەندى
اپتالاپ، ايلاپ جاتىپ
ءىشۋدى شىعاردىق
كويلەك - كونشەگىمىزدى ساتىپ.
تيۋ كورمەي ۇل ءوستى،
تاربيە كورمەي قىز ءوستى.
ايەلىمىزدى سوڭىمىزدان ەرتتىك،
ماس بولعان ايەلىن ارقالاپ
جۇرگەنىن ەركەكتىڭ
كورمەدىم ار ساناپ.
ءجا، وسى دا جەتەر ەندى،
قازاعىم، ەڭسەڭدى كوتەر ەندى!
«ءبىر جۇماقتىڭ، ءبىر توزاعى بار» دەگەن،
ۇيات - نامىس،
قالعىماسا ار دەگەن،
قايتا ورال قازاقى قالپىڭا!
بابادان ميراس سالتىڭدى
اشتىرا بەرمە اراققا!
انا ءبىر تاسا جەرىڭدى
كورسەتپەيتىن جالپىعا.
Cۇلەيمەن بايازيتوۆ
You Might Also Like
-
ءححى عاسىر – عىلىم مەن تەحنيكانىڭ زاماناۋي نىشاندارىن جاڭا مازمۇندا ىلگەرىلتىپ، ادامزات بولمىسىنىڭ ۇنەمى ىزدەنىس ۇستىندە ۇزدىكسىز ءبىلىم الىپ، جەتىلۋ قاجەتتىلىگىن كورسەتىپ وتىر. مىنە، وسى ماقسا...
-
تىنىس بەلگىلەر – (لات. رunctus – «نۇكتە») جازۋ ءتىلىنىڭ، جازۋ مادەنيەتىنىڭ، اسىرەسە باسپا ءىسىنىڭ دامۋىمەن تىكەلەي بايلانىستى. باسپا ءىسىنىڭ وركەندەپ، كەڭ تارالۋى، وقۋشى قاۋىمن...
