«قازاق ءتىلى» گازەتىنىڭ باسقارماسىنا ءوتىنىش
تومەندەگى سوزىمە گازەتىڭىزدەن ورىن بەرسەڭىز ەكەن.
باياعى تۇرىكتىڭ اتاقتى اقىنى (پوەت) فيزۋلي ولەڭىنىڭ باسىندا ايتقان: «ا، قۇداي! مەنىڭ ولەڭىمدى ءۇش ءتۇرلى انتۇرعاننان ساقتا. ءبىرىنشى، ءاننىڭ رەتىن بىلمەيتىن كىسىدەن ساقتا، سەبەبى ونداي كىسىگە ايتقان جاقسى ولەڭ دە جامان كورىنىپ، بايىبىنا بارا المايدى. ەكىنشى، كۇنشىلدەن ساقتا، ونىڭ سەبەبى جاقسى ولەڭىمدى جامانداپ، تەرىس ماعىنالاپ، حالىقتىڭ جۇرەگىنە ازعىرۋ سالادى. ءۇشىنشى، قاتە جازۋشىدان ساقتا، ونىڭ سەبەبى مەنىڭ «كوز» دەپ جازعانىمدى «كور» دەپ جازىپ، اشىق كوزىمدى سوقىر كورسەتەدى»، – دەگەن.
سول ايتقاندايىن تاشكەنتتەگى «شولپان» جۋرنالى مەنىڭ ولەڭ قىلعان «ءلايلى–ءماجنۇن» اڭگىمەسىن سونشالىق كوپ قاتە قىلىپ باسىپتى. ونى تۇزەتۋ قايتادان ءبىر كىتاپ جازعاننان قيىن.
كەي ولەڭ مۇلدە جوق، كەيىنىڭ جارتىسى جوق، ءارىپ قاتەسى ەسەپسىز كوپ. ولەڭىمدى سوقىر، اقساق، شولاق قول قىلىپتى. ولەڭنەن حابارى بار كىسى وقىسا، ول مەنىڭ كەمشىلىگىم ەمەسىن بىلەر.
«قازاق ءتىلى»، 1924، 13ء-نومىر
You Might Also Like
-
شىڭعىس حان 1154 جىلى، دوڭىز جىلى موعول ىشىندە بلۋنيلدىق دەگەن جەردە تۋىپتى. تۋعاندا ءبىر قولى جۇمۋلى بولعان سوڭ، كىندىگىن كەسكەن قاتىن اشىپ قاراسا، ۋىسىندا قان بار ەكەن، سونى اقساقالدار ەسىتىپ، &laq...
-
قىزمەتتەن قايتقان جەتىسۋدىڭ 719 جىگىتى عاليحان اتىنا مەدرەسە يا ستيپەنديا اشىلسىن دەپ 2 مىڭ سوم «قازاق» باسقارماسىنا تاپسىرعانى «قازاق» گازەتىنىڭ 232-نومىرىندە باسىلدى.
