قازاقستاندا 1-5 سىنىپ وقۋشىلارىنىڭ سومكەسى نورماتيۆتەن 2،5 ەسە اۋىر
قازاقستاندا 1-5 سىنىپ وقۋشىلارىنىڭ سومكەسى نورماتيۆتەن 2،5 ەسە اۋىر. بۇل جايىندا ق ر دەنساۋلىق ساقتاۋ مينيسترلىگىندە وتكەن جيىندا ايتىلدى.
بۇگىن ق ر دەنساۋلىق ساقتاۋ ۆيسە-مينيسترى اجار عينياتتىڭ توراعالىعىمەن مەكتەپ مەديسيناسىنىڭ پروبلەمالىق ماسەلەلەرى بويىنشا ونلاين-جۇمىس كونفەرەنسياسى ءوتتى.
جيىندا انا مەن بالا دەنساۋلىعىن قورعاۋ دەپارتامەنتى بالالار مەن جاسوسپىرىمدەر دەنساۋلىعىن قورعاۋ باسقارماسىنىڭ باستىعى جانار سادۋوۆا قازىرگى جاعداي تۋرالى باياندادى.
ونىڭ ايتۋىنشا، وقۋ كەشەندەرىندەگى گيگيەنالىق نورماتيۆ پەن تاماقتانۋ ستاندارتتارىنىڭ ساقتالۋىنا جاسالعان مونيتورينگ بارىسىندا 1-5 سىنىپ وقۋشىلارىندا ريۋكزاك سالماعى بويىنشا ءنورماتيۆتىڭ 2-2،5 ەسەگە دەيىن اسىپ كەتكەنى انىقتالدى، ال جەكە شكافتارمەن بار بولعانى 25،8% جابدىقتالعان.
«ەگەر مەكتەپتەگى دەنساۋلىق ساقتاۋ جۇيەسىنە جيىنتىق تالداۋ جۇرگىزسەك، وندا وندىرىستىك پرينسيپ بويىنشا ساۋىقتىرۋدىڭ تومەن ەكەنى بايقالادى. ياعني، تۇرعىلىقتى جەرى مەن وقۋ ورنى اراسىندا ايىرماشىلىق بولعان كەزدە ەمحانالار اراسىنداعى ساباقتاستىق، مەديسينالىق اقپاراتتىق جۇيەلەردى ەنگىزۋدىڭ جەتكىلىكسىز دەڭگەيى جانە مەكتەپتەردەگى مەديسينالىق پۋنكتتەر كومپيۋتەرلەر جەتپەگەننەن زارداپ شەگۋدە»، – دەپ اتاپ ءوتتى جانار سادۋوۆا.
مەديسينالىق كابينەتتەردى جابدىقتاۋ ستاندارتتالدى، BLS وقۋمەن جانە «مەكتەپ مەديسيناسى» سيكلىمەن قامتىلعان، مەكتەپتەگى مەديسينا قىزمەتكەرلەرىنىڭ ساناتتىلىعى ارتتى، «مەكتەپ وقۋشىلارىنىڭ تاماقتانۋ راسيونى بويىنشا ءبىرىڭعاي ستاندارتتار» ازىرلەندى جانە مەديسينالىق اقپاراتتىق جۇيەلەردى مەكتەپتىڭ دەنساۋلىق ساقتاۋ جۇيەسىنە كەزەڭ-كەزەڭىمەن ەنگىزۋ.
«مەكتەپ مەديسينا قىزمەتكەرلەرىنىڭ بىلىكتىلىگىن ۋاقىتىلى ارتتىرۋدى جوسپارلاۋ، وقۋشىلاردى پروفيلاكتيكالىق تەكسەرۋ جاعىن دامىتۋعا بولادى. سونداي-اق، مەنشىك نىسانىنا قاراماستان مەديسينالىق ۇيىمداردى جاساقتاۋدى، مەملەكەتتىك مەديسينالىق ۇيىمداردى «مەكتەپ مەديسيناسى» سەرتيفيكاتى بار دارىگەرلەرمەن قامتاماسىز ەتۋ قاجەت»، - دەدى سادۋوۆا.
ءىس-شارادا نۇر-سۇلتان قالاسىنىڭ مەكتەپ مەديسيناسى ۇيلەستىرۋشىسىنىڭ جانە مەديسينالىق ساقتاندىرۋ قورىنىڭ تالداۋ جانە بولجامداۋ دەپارتامەنتى وكىلىنىڭ باياندامالارى تىڭدالدى.
ۆيسە-مينيستر ا.عينيات جوعارىدا كورسەتىلگەندەردى ەسكەرە وتىرىپ، جەرگىلىكتى دەنساۋلىق ساقتاۋ باسقارمالارىنا، قۇرىلىمدىق بولىمشەلەر مەن مينيسترلىككە قاراستى مەديسينالىق ۇيىمدارعا پروبلەمالىق ماسەلەلەردى شەشۋ ءۇشىن ءتيىستى تاپسىرمالار بەردى.
You Might Also Like
-
پروبيوتيكتەر: ولار نە ءۇشىن قاجەت، ولاردى ءىشۋ كەرەك پە؟ انتيوبيوتيكتەردى ويلاپ تاپقان كەزدە ادامزات ءوز دامۋىندا العا قاراي قارىشتاپ قادام باسا باستادى. دارى-دارمەكتىڭ بۇل تۇرلەرى ادام ورگانيزىمىنە ز...
-
بۇگىن جانتۋار مەن شامشىگۇلدىڭ قۋانىشىندا شەك بولعان جوق. ەكەۋى باس قوسىپ، جۇبايلىق ءومىر سۇرگەلى ايتا جۇرەرلىك ەڭ زور قۋانىش. جۇبايلىق ءومىر دەمەكشى، بۇلار قوسىلعالى تابانى كۇرەكتەي ون ەكى جىل. ءاي-شا...
