حالىقارالىق وليمپيادالار رەيتينگى: قازاقستان ۇزدىك 30 ەلدىڭ قاتارىنا كىردى
حالىقارالىق وليمپيادالار رەيتينگى بويىنشا بەيرەسمي كوماندالىق جارىستا قازاقستان ۇزدىك 30 ەلدىڭ قاتارىنا ەنگەن.
«پاندەميا بۇكىل الەمدەگى ءبىلىم بەرۋ سالاسىنا ايتارلىقتاي اسەر ەتتى. ءبىلىم بەرۋ مەكەمەلەرى، مەكتەپ وقۋشىلارى مەن مۇعالىمدەر وقىتۋدىڭ جاڭا فورماتىنا بەيىمدەلۋگە ءماجبۇر بولدى. وسى جولدا قازاقستان رەسپۋبليكاسىنىڭ ءبىلىم جانە عىلىم مينيسترلىگىنە قاراستى «دارىن» رەسپۋبليكالىق ورتالىعى ينتەللەكتۋالدى ءىس-شارالاردى ونلاين رەجيمدە قايتا قۇرۋ بويىنشا اۋقىمدى جۇمىس جۇرگىزدى. مامانداندىرىلعان ءبىلىم بەرۋ ۇيىمدارىن قاشىقتىقتان وقىتۋ بويىنشا ادىستەمەلىك ۇسىنىمدار، سونداي-اق مەكتەپ وقۋشىلارىنىڭ وليمپيادالارعا جانە باسقا دا ينتەللەكتۋالدى جارىستارعا قاتىسۋ نۇسقاۋلىقتارىن ازىرلەدى»، - دەدى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى اقجول بورانباي.
اقجول بورانباي «دارىن» ورتالىعىنىڭ ءىس-شارالارىنا 1 ميلليوننان استام بالا تارتىلعانىن ايتادى.
«بيىل ءبىزدىڭ مەكتەپ وقۋشىلارى حالىقارالىق ارەنادا 67 التىن، 125 كۇمىس جانە 195 قولا مەدال جەڭىپ الدى. ولاردىڭ ىشىندەگى ەڭ بەدەلدى كونكۋرستاردىڭ، مىسالى، حيميادان حالىقارالىق وليمپيادا (IChO)، ماتەماتيكادان حالىقارالىق وليمپيادا (IMO)، فيزيكادان حالىقارالىق وليمپيادا (IPhO)، بيولوگيادان حالىقارالىق وليمپيادا (IBO)، ينفورماتيكادان حالىقارالىق وليمپيادانىڭ (IOI) (وتپەي قالعان وليمپيادالاردان باسقا) قورىتىندىسى بويىنشا قازاقستان بەيرەسمي كوماندالىق جارىستا ۇزدىك وتىزدىققا كىردى»، - دەيدى ورتالىق باسشىسى.
اقجول بورانباي پاندەميا كەزىندە سيفرلاندىرۋ سالاسى وقۋشىلاردى، سونىڭ ىشىندە شالعاي اۋىلداردان كەلگەن بالالاردى ينتەللەكتۋالدى قىزمەتپەن كوبىرەك قامتۋعا مۇمكىندىك بەرگەنىن جەتكىزدى. مىسالى، بيىل «دارىن» ورتالىعى وليمپيادالارعا دايىندالۋعا كومەكتەسەتىن ونلاين-مەكتەپ اشقان. وندا 5-11 سىنىپ وقۋشىلارى ۇيدەن شىقپاي-اق ۇزدىك جاتتىقتىرۋشىلار مەن مۇعالىمدەردەن ءبىلىم الادى.
«ساباقتارعا 12 000-نان استام بالا قاتىستى. سونىمەن قاتار، ءبىز بارلىق بالالارعا ونلاين وليمپيادالار مەن ينتەللەكتۋالدى جارىستارعا قاتىسۋعا مۇمكىندىك بەردىك. مۇندا اركىم ءوز ءبىلىمىن ۇيدەن شىقپاي-اق، كەزەڭدىك ىرىكتەۋدەن وتپەي-اق تەكسەرە الادى. شىعارماشىل بالالار دا ءوز تالانتتارىن ونلاين رەجيمدە كورسەتە الدى، ال ەرەكشە ءبىلىم بەرۋ قاجەتتىلىگى بار بالالار ءۇشىن «شەكسىز ءومىر» بايقاۋى وتكىزىلدى»، - دەپ تولىقتىردى ا.بورانباي.
You Might Also Like
-
قازاقستان رەسپۋبليكاسىندا، اسا كورنەكتى اعارتۋشى، اقىن، جازۋشى، قوعام قايراتكەرى ءمىرجاقىپ دۋلاتۇلىن بىلمەيتىن ازامات جوق. «1909 جىلى قازاق دالاسىن ءدۇر سىلكىندىرگەن ءۇش كىتاپ شىقتى. ونىڭ ءبىرى ا...
-
جينالىس تىم كەش اياقتالدى. ومىربەك ءارى شارشاپ، ءارى رەنجىپ شىقتى. «ءۇي ءىشىڭىز بولسا قالادا عوي، جالعىز نە بىتىرەسىز، بىزدىكىنە ءجۇرىڭىز» — دەۋشىلەر تابىلىپ تا ەدى، ءبىراق ول بارا الماد...
