InfoHub Logo

تاراز قالاسى، ەرەكشە دارىندى بالالارعا ارنالعان «دارىن» مەكتەپ-ينتەرناتى
سابولوۆ ەرمان ەرجان ۇلى
جەتەكشىسى: سەيتجانوۆا گۋلافرەز باحيتوۆنا

                                                      

مىنە، قىركۇيەك تۋدى، كۇز كەلدى. كۇن قىسقارىپ، ءتۇن ۇزاردى. اقتامبەردى جىراۋدىڭ تولعاۋىندا «اسپاندى بۇلت قۇرسايدى، كۇن جاۋارعا ۇقسايدى» دەگەن تۇستارى بار عوي. مىنە، بۇگىن ءدال وسىنداي كورىنىس بايقالادى. سىركىرەپ جاڭبىر دا جاۋا باستادى. پا، شىركىن-اي، جاۋىننىڭ ءيىسىن-اي! بۇل ءيىس ماعان اۋىلدىڭ توپىراعىن ساعىنتادى. قۇستار دا جىلى جاققا ۇشىپ ۇلگەرگەن-اۋ، كورىنبەيدى. اسپاندا تىرنالار دا ءتىزىلىپ ۇشىپ بارادى. اعاشتاردىڭ جاپىراقتارى سارعايىپ ءتۇسىپ شوپتەر دە قۋراپ قالعان. اۋىلدا اۋىل ادامدارى باۋ-باقشاداعى، ەگىستىكتەگى استىعىن جيناپ العان شىعار. كۇز مەزگىلىنىڭ كورىنىسى باسقا مەزگىلدەرگە قاراعاندا مۇلدەم بولەك قوي. سۋرەتشىنىڭ سالىپ قويعان سۋرەتى ءتارىزدى. كۇزدى التىنعا تەڭەپ جاتۋىمىز تەگىن ەمەس بولار. وسى اسەرىمدى ولەڭمەن ورنەكتەگەن ەدىم.

كۇز كەلدى، جاپىراقتار سارعايدى،
مەنىڭ جانىم كەرەمەتتى قالايدى.
اسپاندا ادەمى ۇشقان قارا قۇس،
جىلى جاققا مەنى قيماي تارايدى.

كۇز كەلگەندە ءبىز قۋانامىز. مەكتەپكە بارىپ ءبىلىم الامىز، بويىمىز دا، ويىمىز دا وسەدى. «دارىنداعى» ۇستازدارىمدى، سىنىپتاستارىمدى قاتتى ساعىنىپ قالىپپىن. ءار ۇستازعا دالانىڭ بار گۇلىن جيناپ اكەلسەڭ دە جاراسادى دەپ ويلايمىن. جاز بويى قارىنداسىم ەكەۋمىز دالادا گۇل ەكتىك. ءقازىر كەرەمەتتەي جايناپ تۇر. ارينە، قالاعا، مەكتەپكە كەلەرىمدە ەڭ ادەمىلەرىن سىنىپ جەتەكشىلىك ەتەتىن ۇستازىما اكەلدىم. ءوزىمنىڭ ەككەنىمدى ايتتىم. مەنى ماقتاپ، ارقامنان قاقتى. ۇستازدىڭ جانارىنان ەرەكشە قۋانىشتى بايقادىم. مەنىڭ بۇل تىرناقالدى ەڭبەگىم ونىڭ مەن ءۇشىن توككەن تەرىسىنىڭ ورنىندا تۇك تە ەمەس عوي. «ۇستازدىق ەتكەن جالىقپاس، ۇيرەتۋدەن بالاعا» دەپ - اباي كەرەمەت ايتقان ەكەن.

مەن ءۇشىن، كۇز بەن ۇستاز ەگىز ۇعىم ءتارىزدى. نەگە دەيسىز عوي، كۇز مەزگىلى التىن ۇيا مەكتەبىمەن، اياۋلى ۇستازىممەن قاۋىشتىراتىن كەزەڭ. سوندىقتان دا كۇز مەزگىلىن ەرەكشە جاقسى كورەمىن.   

---