InfoHub Logo

قازاق حالقى بىلەكتىڭ كۇشىمەن، نايزانىڭ ۇشىمەن تاۋەلىزدىككە قول جەتكىزگەن ساتتەن بەرى كوپتەگەن تاريحي وقيعالاردى باستان كەشىردى. جاس مەملەكەتىمىز قىسىلتاياڭ كەزەڭدەردەن تايسالماي ءوتىپ، ساياسي، ەكونوميكالىق تۇرعىدان كوپتەگەن جەتىستىكتەرگە جەتىپ، قازىرگى تاڭدا الەمدىك ساحنادان ويىپ الارلىقتاي بەدەلدى ورىنعا يە.  بۇل، ارينە، پرەزيدەنتىمىز - ن. نازاربايەۆتىڭ كورەگەن ساياساتىنىڭ ارقاسى دەپ بىلەمىن. ءوز ەلىن جارقىن بولاشاققا باستاپ كەلە جاتقان ەلباسىنىڭ عالامدىق ماڭىزى زور باستامالارى مەملەكەتىمىزدىڭ دامۋىنا ۇلكەن ىقپالىن تيگىزىپ، حالىقارالىق كەڭ جاڭعىرىق تاپتى ءارى مويىندالدى.

Cولاردىڭ ءبىرى دە بىرەگەيى، 1991 جىلى ق ر پرەزيدەنتىنىڭ جارلىعىمەن سەمەي پوليگونى جابىلىپ، قازاقستان  ءوز ەركىمەن يادرولىق قارۋدان باس تارتقان العاشقى مەملەكەت رەتىندە تاريحتا قالدى. مىسالى، الەمدە يادرولىق قارۋسىزدانعان تەك 5 ايماق بار. سولاردىڭ قاتارىندا «ورتالىق ازياداعى يادرولىق قارۋدان ازات ايماق» كەلىسىمشارتى وسىدان ون جىل بۇرىن قابىلدانعان ەدى. سەمەي پوليگونى الەم بويىنشا 4 ورىن يەلەنگەنىنە قاراماستان، مۇنداي شەشىم قابىلداۋ اركىمنىڭ قولىنان كەلە بەرمەيتىنى  ءسوزسىز.

نۇرسۇلتان ءابىش ۇلى 1994 جىلى ەۋرازيا وداعى سياقتى حالىقارالىق قۇرىلىمدى دۇنيەگە اكەلۋدىڭ باستاماشىسى. سونىمەن قاتار، ونىڭ باستاماسىمەن شانحاي ىنتىماقتاستىق ۇيىمى (شىۇ)،  — 1996 جىلى «شانحاي بەستىگى» دەگەن اتاۋمەن حالىقارالىق ۇيىم قۇرىلدى. كورشىلەس مەملەكەتتەر اراسىندا ءوزارا سەنىم، دوستىق، تاتۋلىق قارىم-قاتىناستاردى نىعايتۋدا، ساياسي، ساۋدا-ەكونوميكالىق، عىلىمي-تەحنيكالىق، ءبىلىم بەرۋ، قۋات كوزى، كولىك، ەكولوگيالىق جانە وزگە دە سالالاردا ءتيىمدى ارىپتەستىك شارالارىن دامىتۋدا، ورتاق كۇش جۇمساپ ايماقتىق بەيبىت ءومىردى، قاۋىپسىزدىكتى جانە تۇراقتىلىقتى قامتاماسىز ەتۋدە بۇل ۇيىمنىڭ ماڭىزى زور. ودان بولەك، مەملەكەت باسشىسى  بۇۇ باس اسسامبلەياسىنىڭ 47-سەسسياسىندا قۇرۋدى ۇسىنعان ازياداعى ءوزارا ىقپالداستىق پەن سەنىم شارالارى جونىندەگى كەڭەس (اوسشك) ءىس جۇزىندە جۇمىس ىستەي باستادى. قازاقستان باسشىسى باستامانىڭ نەگىزگى ءمانى الەمنىڭ وزگە وڭىرلەرىنە قاراعاندا ءالى ءتيىستى تەتىگى قالىپتاسىپ بولماعان ازيا قۇرلىعىندا قاۋىپسىزدىكتى قامتاماسىز ەتۋدىڭ ىقپالدى ءارى امبەباپ قۇرىلىمىن قايتا قۇرۋعا دەگەن ۇمتىلىس ەكەنىن اتاپ كورسەتتى. باستاپقى كەزەڭنىڭ وزىندە اوسشك يدەياسى قۇرلىقتاعى ساياسي احۋالعا ىقپال ەتە الاتىن حالىقارالىق ۇيىمدار مەن ءبىرقاتار ازيالىق مەملەكەتتەر تاراپىنان قولداۋ تاپتى.

ن.  نازاربايەۆ مادەنيەتتەردىڭ، دىندەردىڭ، وركەنيەتتەردىڭ جۇيەلى سۇحباتتاسۋىن جولعا قويۋعا كوپ كوڭىل بولەدى. 2003، 2006، 2009 جىلدارى استانادا الەمدىك جانە ءداستۇرلى دىندەر كوشباسشىلارىنىڭ سەزدەرى تابىستى ءوتتى. قازاقستان پرەزيدەنتىنىڭ ويى بويىنشا ءبىر ءبىرى تۋرالى جالپى اسپەكتىلەر مەن ءدال مالىمەتتەر نەگىزىندە قۇرىلعان الەم جانە ءداستۇرلى ءدىن ليدەرلەرى اراسىنداعى كەلىسسوز ءوزارا ىنتىماقتاستىق ءۇشىن كەڭ بولاشاققا جول اشىپ ءبىزدىڭ زامانىمىزدىڭ زومبىلىق، فاناتيزم، ەكسترەميزم جانە تەرروريزم سياقتى تەرىس كورىنىستەردى بولدىرماۋعا سەپتىگىن تيگىزەدى.

سونداي-اق، بىرنەشە اي بۇرىن عانا ءساتتى اياقتالعان ەكسپو – 2017 حالىقارالىق مامانداندىرىلعان كورمەسى دە ەلىمىزدىڭ ابىرويىن ءبىراز اسقاقتاتتى. بۇل كورمەنى ەلوردامىز – استانادا وتكىزۋ – قازاقستاننىڭ نەگىزگى ءىرى جوبالارىنىڭ ءبىرى بولىپ تابىلادى. كورمەنىڭ  «بولاشاق ەنەرگياسى» اتتى تاقىرىبى ەڭ ۇزدىك  الەمدىك ەنەرگيا ساقتاۋ تەحنولوگياسىن، بۇگىندە بار بالامالى ەنەرگيا كوزدەرىن پايدالانۋدا جاڭا ازىرلەمەلەر مەن تەحنولوگيانى پايدالانۋعا، ەلدىڭ وندىرىستىك قۋاتى مەن عىلىمي بازاسىن زاماناۋي تەحنولوگيالىق جاڭعىرتۋعا مۇمكىندىك بەردى.

ەلباسىنىڭ سىندارلى ساياساتى  - ەلىمىزدىڭ ۇيلەسىمدى جانە قارقىندى دامۋىنىڭ مىزعىماس تەمىرقازىعى. «بولاشاق – جاستاردىڭ قولىندا» دەمەكشى، ءاربىر قازاق بالاسى ءوزىن  ۇلتجاندىمىن دەپ ۇعىنىپ،  تاۋەلسىز ەلدىڭ  ايقىن  ماقساتتارىمەن جىگەرلەنىپ، تەك قانا العا ۇمتىلۋى قاجەت. وتانىمىزدىڭ دامۋ جولىندا ايانباي ەڭبەك ەتسەك، الدا تالاي بەلەستەردى باعىندىرىپ، قازاقستاننىڭ جاھاندىق باستامالارداعى ءرولى ودان سايىن ارتا تۇسەتىنىنە كامىل سەنەمىن!

جاقان ءمولدىر نۇرلان قىزى، قارمۋ 2 كۋرس ستۋدەنتى 

---