قىزىلوردا كوللەدجدەرىنىڭ ۇستازدارى ەۋروپا مەن شىعىس ازيادا تاعلىمدامادان وتەدى
ەلباسى تاپسىرماسىنا سايكەس بيىلعى جىلدان باستاپ جاستاردىڭ ءبىرىنشى جۇمىسشى ماماندىعىن الۋىنا مۇمكىندىك بەرەتىن «بارشاعا ارنالعان تەگىن كاسىبي-تەحنيكالىق ءبىلىم» جاڭا جوباسى جۇزەگە اسىرىلۋدا.
جوبا شەڭبەرىندەگى جاڭالىقتاردىڭ ءبىرى - ارنايى پاندەردى كوللەدجدەردە اعىلشىن تىلىندە وقىتۋ. بۇل تۋرالى وبلىستىق ءبىلىم بەرۋ باسقارماسى حابارلايدى.
وسى باعىتتا بيىل وبلىستىڭ 3 كوللەدجى 7 ارنايى پاندەردى اعىلشىن تىلىندە وقىتۋدى باستادى.
جوبانى جۇزەگە اسىرۋ ءۇشىن «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسى قابىلداندى.
سونداي-اق، «ينفورماتيكا» ءپانىن كەزەڭ-كەزەڭىمەن اعىلشىن تىلىندە وقىتۋعا كوشىرۋ قولعا الىنۋدا. وعان «كاسىپقور» حولدينگىنىڭ اعىلشىن تىلىندەگى 5 وقۋلىعى پايلانىلۋدا. وسى رەتتە، جىل سايىن ءاربىر كوللەدج كەم دەگەندە ەكى ارنايى پاندەردى اعىلشىن تىلىندە وقىتۋعا كوشۋ جونىندە تۇپكىلىكتى شارالار قابىلدايدى.
سونىمەن بىرگە، بيىلدان باستاپ كاسىپتىك ءبىلىم بەرۋ سالاسىنداعى وزەكتى ماسەلە - ءبىلىم الۋشىلاردىڭ جۇمىسشى ماماندىعى بويىنشا بىرنەشە بىلىكتىلىكتەردى قاتار الىپ شىعۋى ماڭىزدى.
وسى ماقساتتا، بۇگىنگى كۇندە، 11 كوللەدجدە 18 ماماندىق بويىنشا ستۋدەنتتەر بىرنەشە، ياعني 38 بىلىكتىلىك بويىنشا ءبىلىم الۋدا. وسىعان وراي، ءاربىر كوللەدج جىل سايىن كەم دەگەندە ءبىر ماماندىق بويىنشا بىرنەشە بىلىكتىلىكتەردى قاتار بەرۋدى قامتاماسىز ەتەدى.
كوللەدج ستۋدەنتتەرىن كاسىپكەرلىكپەن اينالىسۋعا قۇزىرەتتىلىكتەرىن قالىپتاستىرۋ ماقساتىندا «كاسىپكەرلىك نەگىزدەرى» ءپانىن 36 ساعاتتىق فاكۋلتاتيۆتىك كۋرس رەتىندە كوللەدجدەردە بيىلعى جىلدان باستاپ ەنگىزىلدى. فاكۋلتاتيۆتىك كۋرستى ەنگىزۋ ارقىلى وبلىستىق كاسىپكەرلەر پالاتاسىنىڭ سۇرانىسىن تولىق جۇزەگە اسىرىلدى. ەندىگى كەزەك وسى جاڭالىقتاردى جۇيەلى تۇردە وقۋ ۇدەرىسىنە قوسۋ ءۇشىن كوللەدجدەردىڭ كادرلىق قۇرامىنىڭ ساپاسىن ارتتىرۋ مىندەتى تۇر.
وسى ماقساتتا، 2017 جىلى «كاسىپقور» حولدينگىنىڭ ۇيىمداستىرۋمەن مودۋلدىك ءبىلىم باعدارلامالارى بويىنشا 240 ينجەنەر-پەداگوگ جانە 11 كوللەدج ديرەكتورى حالىقارالىق مەنەدجمەنت 3 دەڭگەيلى بىلىكتىلىك ارتتىرۋ كۋرستارىنان ءوتتى. كەلەسى جىلى بۇل ساندى 310-عا دەيىن ارتتىرۋ (240-تان) جونىندە «كاسىپقور» حولدينگىمەن كەلىسسوزدەر جۇرگىزىلۋدە، ونىڭ ىشىندە اعىلشىن تىلىندە وقىتىلاتىن CLIL باعدارلاماسىنا قاتىسۋشىلاردىڭ سانى ارتادى.
قىزىلوردا كوللەدجدەرىنىڭ ينجەنەر-پەداگوگ كادرلارىن اعىلشىن تىلىندە وتەتىن تاعىلىمدامالارعا ەۋروپالىق جانە شىعىس ازيا مەملەكەتتەرىنە جىبەرۋ جوسپارلانعان. بۇل بۇرىن-سوڭدى بولماعان تاجىريبە. وسىلايشا، ءقازىر كوللەدجدەردىڭ 15 پەداگوگى ۇلىبريتانيا، فينليانديا، چەحيا جانە مالايزيا مەملەكەتتەرىنە تاعىلىمدامادان ءوتۋ ءۇشىن باراتىن بولادى. بۇل جۇمىس ق ر پرەزيدەنتىنىڭ «بولاشاق» باعدارلاماسىنىڭ تاجىريبەسى نەگىزىندە جۇرگىزىلۋدە جانە كەلەر جىلى دا جالعاسادى.
توقتالىپ وتەر جايت، «بارشاعا ارنالعان تەگىن كاسىبي-تەحنيكالىق ءبىلىم» ماسەلەلەرى ەلباسىنىڭ ۇلت جوسپارى - بەس ينستيتۋسيونالدىق رەفورمانى جۇزەگە اسىرۋ جونىندەگى 100 ناقتى قادام ەڭبەگىنىڭ 77-قادامىندا ناقتى ايتىلعان. وندا ەكونوميكانىڭ التى نەگىزگى سالاسى ءۇشىن ون الدىڭعى قاتارلى كوللەدج بەن ون جوعارى وقۋ ورنىندا بىلىكتى كادرلاردى ازىرلەۋ، كەيىننەن بۇل تاجىريبەنى ەلىمىزدىڭ باسقا وقۋ ورىندارىنا تاراتۋ ماسەلەسى مىندەتتەلگەن بولاتىن.
You Might Also Like
-
قازاق حالقى بىلەكتىڭ كۇشىمەن، نايزانىڭ ۇشىمەن تاۋەلىزدىككە قول جەتكىزگەن ساتتەن بەرى كوپتەگەن تاريحي وقيعالاردى باستان كەشىردى. جاس مەملەكەتىمىز قىسىلتاياڭ كەزەڭدەردەن تايسالماي ءوتىپ، ساياسي، ەكونومي...
