InfoHub Logo

توكيو استانالىق ورتالىق كىتاپحاناسىندا قازاقستان ادەبيەتى جانە مادەنيەتى ورتالىعى اشىلدى، دەپ حابارلايدى ق ر اقپارات جانە كوممۋنيكاسيالار مينيسترلىگىنىڭ باسپا ءسوز قىزمەتى.

استانا قالاسىنداعى قازاقستان رەسپۋبليكاسى ۇلتتىق اكادەميالىق كىتاپحاناسى 2016 جىلدان باستاپ شەتەلدەردىڭ ۇلتتىق كىتاپحانالارىندا  قازاقستان ادەبيەتى مەن مادەنيەتى ورتالىعىن اشۋ حالىقارالىق جوباسىن ىسكە اسىرۋدا. قازىرگى كەزدە الەمنىڭ 11 ەلىندە: كورەيا، قىرعىستان رەسپۋبليكاسى، فينليانديا، ۆەنگريا، مالايزيا، تۇركيا، جۇڭگو حالىق رەسپۋبليكاسى، گرۋزيا، فرانسيادا ورتالىقتار اشىلىپ قىزمەت ەتىپ جاتىر.

ءىس-شاراعا قازاقستان رەسپۋبليكاسىنىڭ جاپونياداعى توتەنشە جانە وكىلەتتى ەلشىسى ەرلان باۋداربەك-قوجاتايەۆ، توكيو استانالىق ورتالىق كىتاپحاناسى ديرەكتورى، استانا قالاسىنداعى ۇلتتىق اكادەميالىق كىتاپحاناسىنىڭ باسشىسى ءۇمىتحان مۇڭالبايەۆا، عالىم، فيلوسوفيا عىلىمدارىنىڭ دوكتورى، اكادەميك عاريفوللا ەسىم، اقىن، «جۇلدىز» ادەبي-كوركەم جۋرنالىنىڭ باس رەداكتورى ۇلىقبەك ەسداۋلەت، جازۋشى، فيلولوگيا عىلىمدارىنىڭ دوكتورى تۇرسىن جۇرتباي، اقىن، فيلولوگيا عىلىمدارىنىڭ كانديداتى، ەۋرازيا ۇلتتىق ۋنيۆەرسيتەتىنىڭ دوسەنتى وڭايگۇل تۇرجان، جاپونياداعى شىعارماشىلىق زيالى قاۋىم، توكيوداعى قازاق دياسپوراسىنىڭ وكىلدەرى،  ستۋدەنتتەر مەن مەكتەپ وقۋشىلارى قاتىستى.

قازاقستان ادەبيەتى ورتالىعىنىڭ اشىلۋى توكيو استانالىق ورتالىق كىتاپحاناسى وقىرماندارىنا قازاق حالقىنىڭ ءسالت-داستۇرى، مادەنيەتى، ونەرىمەن جاقىن تانىسۋعا مۇمكىندىك بەرەدى. بۇل تاۋەلسىز قازاقستاننىڭ جەتىستىكتەرى مەن ونىڭ ەكونوميكا، ساياسات، الەۋمەتتىك سالالارداعى تابىستارىن كوپشىلىككە تانىستىرۋعا جول اشادى.

ورتالىقتا قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ، سونىڭ ىشىندە، ەلباسىنىڭ الەمدىك ساياسي ارەناداعى ورنى مەن رولىنە ارنالعان كىتاپتارى، تاريح، عىلىمي-كوپشىلىك جانە كوركەم ادەبيەتى بويىنشا تۋىندىلار ۇسىنىلادى. بارلىعى 200-گە جۋىق كىتاپ تاپسىرىلدى. بۇل كىتاپتار جاپون وقىرماندارى اراسىندا ۇلكەن قىزىعۋشىلىققا يە بولىپ، قازاقتىن باي مادەني مۇراسىن تانۋعا  مۇمكىندىك بەرەرى ءسوزسىز.

قازاقستان ادەبيەتى مەن مادەنيەتى  ورتالىعى قازاقستان رەسپۋبليكاسىنىڭ مادەنيەت جانە سپورت مينيسترلىگى، سىرتقى ىستەر مينيسترلىگى، قازاقستان رەسپۋبليكاسىنىڭ جاپونياداعى ەلشىلىگىنىڭ ىقپالداسۋىمەن اشىلدى.

توكيو استانالىق ورتالىق كىتاپحاناسى 1973 جىلى توكيو استانالىق كىتاپحاناسى رەتىندە قۇرىلدى. ونىڭ قورىندا 1،98 ميلليونعا جۋىق كىتاپ، 6000 جۋرنال مەن گازەت، ءارتۇرلى اۋديوۆيزۋالدى جانە سيرەك قۇجاتتار (Ukiyo-e مەن ەدو مۇناراسىنىڭ ارحيتەكتۋرالىق ەسكيزدەرى) بار. سونىمەن قاتار،  ورتالىق كىتاپحانا توكيوداعى قوعامدىق كىتاپحانالاردىڭ اراسىندا شەتەل ادەبيەتىنىڭ ايرىقشا كوللەكسيالارىن ساقتاعان. بۇل كوللەكسيا ورتالىق كىتاپحانادا بار جالپى قوردىڭ 1،71 ميلليون تومنىڭ وننان ءبىر بولىگىن قۇرايدى. 

---