"قازازوت" زاۋىتىنداعى اپاتتان كەيىن ءتورت جۇمىسشى اۋرۋحاناعا ءتۇستى: ەكى ادام رەانيماسيادا
"قازازوت" زاۋىتىنداعى اپاتتان كەيىن ءتورت جۇمىسشى اۋرۋحاناعا ءتۇستى: ەكى ادام رەانيماسيادا
18 شىلدە كۇنى اقتاۋداعى «قازازوت» كاسىپورنىندا بولعان وندىرىستىك اپات سالدارىنان ءتورت ادام زارداپ شەكتى. ماڭعىستاۋ وبلىسى اكىمدىگىنىڭ حابارلاۋىنشا، ەكى جۇمىسشى اۋىر كۇيىكپەن رەانيماسيا بولىمىنە، قالعان ەكەۋى تراۆماتولوگياعا جاتقىزىلعان.
— "زارداپ شەككەندەرگە كومەكتەسۋ ءۇشىن ەلىمىزدىڭ باس رەانيماتولوگى مەن كۇيىك مەديسيناسىنىڭ جەتەكشى ماماندارىن جۇمىلدىردىق. جۇمىسشىلاردىڭ جاعدايى تۇراقتى، ولارعا قاجەتتى مەديسينالىق كومەك كورسەتىلىپ جاتىر،" — دەلىنگەن رەسمي حابارلامادا.
اپاتقا بايلانىستى ماڭعىستاۋ وبلىستىق ەڭبەك ينسپەكسياسى تەكسەرىس جۇرگىزىپ، وتپەن جۇمىس جۇرگىزۋگە رۇقسات قۇجاتتارى بولماعانىن انىقتاعان. وسىعان بايلانىستى قىلمىستىق كودەكستىڭ "ەڭبەكتى قورعاۋ ەرەجەسىن بۇزۋ" بابى بويىنشا ءىس قوزعالدى.
«قازازوت» كومپانياسى بۇل وقيعانى "ەرەكشە اۋىر وندىرىستىك اپات" دەپ باعالاپ، زارداپ شەككەن قىزمەتكەرلەر مەن ولاردىڭ وتباسىلارىنا قاجەتتى كومەك كورسەتەتىنىن مالىمدەدى.
كاسىپورىن 2005 جىلى اقتاۋدا قۇرىلعان. كومپانيا اممياك سەليتراسى، اممياك پەن ازوت قىشقىلىن وندىرۋمەن اينالىسادى. «قازازوتتىڭ» نەگىزگى يەسى – كاسىپكەر باحاريدين ابلازيموۆ، ونىڭ بايلىعى Forbes Kazakhstan مالىمەتى بويىنشا 295 ميلليون دوللارعا باعالانادى.
You Might Also Like
-
«قازاقستان تەمىر جولى» ۇلتتىق كومپانياسىندا باسشىلىق اۋىستى. بۇعان دەيىن باسقارما ءتوراعاسى بولعان نۇرلان ساۋرانبايەۆ كولىك ءمينيسترى قىزمەتىنە تاعايىندالۋىنا بايلانىستى ءوز ورنىن بوساتتى. ونىڭ ورنىنا ...
-
ترامپ ۋكرايناعا جاڭا قارجىلاي كومەك بەرۋى مۇمكىناقش-تىڭ قازىرگى پرەزيدەنتى ۋكراينانى قولداۋدىڭ جاڭا جولدارىن قاراستىرۋدا
