InfoHub Logo

قازىرگى قوعامداعى ادامداردىڭ كوزقاراستارى بۇل تاقىرىپقا بايلانىستى ەكى تۇرگە بولىنەدى. بىرىنشىلەرىنە، كىتاپ وقۋدى ەسكىرگەن جانە كەرەكتى كەز-كەلگەن اقپاراتتى ينتەرنەت جەلىسى ارقىلى الۋعا بولادى دەپ سانايتىندار جاتادى. ەكىنشى تۇرگە جاتاتىن ادامدار مۇلدەم قاراما-قارسى پىكىرگە يە. ولاردىڭ پىكىرىنشە، كىتاپ - بۇل ۇلكەن بىلىمگە قول جەتكىزۋگە مۇمكۇندىك بەرەتىن اقپارات جولى جانە ونى ەشبىر ۆيرتۋالدى جەلى الماستىرا المايدى.

كىتاپتاردى وقۋدىڭ شىنىندادا كوپتەگەن سەبەپتەرى بار. نەگىزىنەن بۇل الۋان ءتۇرلى اقپاراتتار الۋ، دەمالۋ جانە ءوي-ورىستى كەڭەيتۋى ءۇشىن. قازىرگى تاڭدا كىتاپ وقۋدىڭ، سونىمەن قاتار ءبىر پايداسى، ول ومىردە كوپ كەزدەسەتىن سترەسستىك جاعدايلارمەن كۇرەسۋى. ۇلى جازۋشى ۋيليام ستايرون ايتقانداي: «كىتاپ وقىي وتىرا، سەن بىرنەشە ءومىر سۇرەسىڭ»، جانە وقۋ بارىسىندا ءبىزدى باسقا الەمدەرگە، داۋىرلەرگە الىپ كەتتىپ، پروبلەمالار مەن ۋايىمداردان الشاقتايمىز. مەنىڭ ويىمشا، كىتاپ بۇل ءومىر بۇلاعى، دەپ سەنىمدى تۇردە ايتۋعا بولادى. سەبەبى، ءدال كىتاپتان ءبىز ءوزىمىزدىڭ جانىمىزدى قىينايتىن سۇراقتارىمىزعا ءجيى جاۋاپ ىزدەيمىز.

ەگەر سىزگە «نەگە كىتاپ وقۋى كەرەك؟»، دەگەن قاراپايىم سۇراق قويىلسا، نە دەپ جاۋاپ بەرەر ەدىڭىز؟ شىندىعىندا، بۇل سۇراقتىڭ جاۋابى وتە قاراپايىم - اقىلدى، ءبىلىمدى جانە تابىستى بولۋ ءۇشىن. ارينە، مۇنى ءبارى بىلەدى، ءبىراق ءىس جۇزىندە كىتاپى تەك بىرنەشە عانا ادام قولىنا الادى. ءبىز بالا كەزىمىزدەن بۇل بەلسەندىلىكتىڭ وتە پايدالى ەكەنىن بىلەمىز، ءبىراق سوڭعى ۋاقىتتاردا بۇل ماسەلەنى قايتا-قايتا كوتەرۋگە تۋرا كەلەدى. 
سونىمەن، كىتاپ وقۋعا كوڭىل ءبولۋ كەرەك پە؟ جاۋابى مىندەتتى تۇردە كەرەك. كىتاپتار ءبىزدىڭ ميىمىزدى الەمدە بولىپ جاتقان كەلەڭسىز وقيعالارمەن بىتەلمەي، «تازا» قالدىرۋعا مۇمكىندىك بەرەدى. سونداي-اق ولار ءسىزدى ويلاندىرادى، تالداۋعا جانە بولجاۋعا يتەرەدى. بۇل قاسيەتتەر ومىرلىك ۋايىمداردى جەڭۋ مەن ءتىپتى قيىن ماسەلەلەردىڭ شەشىمىن تابۋ ءۇشىن ماڭىزدى بولىپ كەلەدى.

وكىنىشكە وراي، ادامدار وتە قىزىق جاندار، سەبەبى بۇعان دەيىن كىتاپحانالارداعى سورەلەر بوس بولىپ، كىتاپتار تاپشى بولعان كەزدە ولاردى ىزدەپ، كۇنى بويى كوزدەرىن الماي وقىيتىن. ال، قازىرگى تاڭدا ءسىز كەز-كەلگەن كىتاپتى وڭاي ساتىپ الا الاسىز نەمەسە ينتەرنەتتەن جەلىسىنەن ەكى مينۋت ىشىندە ەشبىر قىيىندىقسىز جۇكتەي الامىز، ءبىراق ەندىگى بۇعان قىزىعۋشىلىق تانىتاتىندار وتە از.

قورىتىندىلاي كەلە، كىتاپتاردى وقۋ ينتەللەكت، شىعارماشىلىق ويلاۋ جانە ءسىزدىڭ جەكە تۇلعاڭىزدىڭ رۋحاني جاعىن دامىتۋ ءۇشىن قاجەت دەپ ايتا الامىن.

قۋتتىبەك جانەل سەرىكبول قىزى كازحقجاتۋ ۋنيۆەرسيتەتىنىڭ 2-كۋرس ستۋدەنتى

---