راسىندا جاستار كىتاپ وقىمايدى ما؟
«قازىرگى جاستار كىتاپ وقىمايدى!»-بۇل ءبىزدىڭ قازىرگى جاس بۋىن كىتاپقا قىزىقپايدى دەپ ۇلكەندەردىڭ شورت كەسىپ ايتاتىن،ال جاستاردىڭ ءجيى ەستيتىن ءسوز تىركەسى.الايدا زەرتتەۋشىلەردىڭ پىكىرىن سۇراۋ باسقاشا ناتيجەلەرمەن تاڭقالدىردى.جالپى،قازاقستاندىقتار تۇتاستاي كىتاپتاردى قاعاز تۇرىندە دە، ەلەكتروندى نۇسقادا دا بەلسەندى وقي باستاعان. مۇنى كىتاپحاناشىلار دا، كىتاپ دۇكەندەرىنىڭ قىزمەتكەرلەرى دە راستايدى.«جۇمىس كۇندەرى كەشكە جانە دەمالىس كۇندەرى كىتاپ ساتىپ الۋشىلار وتە كوپ، كوبىنە جاستار مەن بالالار بىزگە ەرەسەكتەردىڭ ەرتۋىمەن كەلەدى. ولار اسىرەسە فەنتەزي،بەستسەللەرلىك جانە دەتەكتيۆتىك باعىتتاعى كىتاپتاردى تاڭدايدى. سونىمەن قاتار، جاقىندا ءبىزدىڭ وقىرماندارىمىز قازاق ادەبيەتىنە ءبىرشاما جاقىن بولا باستادى.قۋانىش شونبايدىڭ «Q پ يا» اتتى جاڭا كىتابى تيراجعا تۇسكەندە بىردەن ساتىپ الىندى، - دەيدى كىتاپ دۇكەندەرىنىڭ ساتۋشىلارىنىڭ ءبىرى.
ساراپشىلاردىڭ پىكىرىنشە، جاستاردىڭ وقۋعا دەگەن كوزقاراسى جاعىمدى باعىتتا وزگەرۋدە، ويتكەنى بۇگىنگى تاڭدا ولاردىڭ رۋحاني الەمىن بايىتۋدىڭ ءتۇرلى جولدارى مەن شارتتارى بار. بۇعان گادجەتتەردىڭ سوڭعى ۇلگىلەرى دە ىقپال ەتەدى. عالامتوردان كەز-كەلگەن كىتاپتى ونلاين تۇردە جۇكتەپ الىپ،وزىنە ىڭعايلى جەر مەن ۋاقىتتا اشىپ وقۋعا مۇمكىندىگى بار. مەنىڭ ويىمشا،قازىرگى زامان اعىمىنا بۇل وتتە ىڭعايلى قادام،سەبەبى قازىرگى تاڭدا جاستاردىڭ تاڭداۋىنداعى ەڭ ارزان دەگەن كىتاپ قۇنى 1500-2000 تەڭگەنى قۇرايدى. ال بۇنداي باعانى كىتاپ سۇيەر قاۋىمنىڭ بارلىعىنىڭ قالتاسى كوتەرە بەرمەيدى. وسى ورايدا ونلاين كىتاپتاردى وقۋ كوپتىڭ قول جەپتەس ارمانىن ىسكە اسىرادى.بۇعان دالەل رەتىندە «سىمبات» ديزاين جانە تەحنولوگيا كوللەدجىنىڭ 3 كۋرس ستۋدەنتى مادينا بىلاي دەدى: «بۇگىنگى تاڭدا كىتاپتاردىڭ قۇنى قىمبات.ەڭ ارزان دەگەنى 2000 تەڭگەدەن. مەن قاراپايىم ستۋدەنتپىن، ستيپەنديا المايمىن. سوندىقتان، مەن ءوزىم ءۇشىن ەڭ وڭتايلى نۇسقانى تاڭدايمىن،ياعني كىتاپتىڭ ەلەكتروندى نۇسقاسىن وقۋ.دەگەنىمەن،مۇنىڭ جاعىمدى جانە جاعىمسىز جاقتارى بار. ۇلكەن كەمشىلىگى - مونيتوردى ۇنەمى قاراعان كەزدە كورۋ قابىلەتىمىز ناشارلايدى. مىنە،بايقاعاندارىڭىزداي جوعارىدا اتاپ وتكەن ەلەكتروندى كىتاپتاردىڭ جاعىمسىز جاقتارى دا بولادى،سونداي-اق كىتاپتى ءوز قولىڭا الىپ،بار ىنتاڭمەن وقىعانعا نە جەتسىن؟!. قاعاز كىتاپتىڭ ەرەكشە ديزاينى بار - مۇقابا، شريفت، يلليۋستراسيالار. سونىمەن قاتار، ءسىز ءوزىڭىز قالاعان جولدى ءتۇرتىپ الىپ،ماڭىزدى جانە قاجەتتى نارسەلەردى اتاپ كورسەتە الاسىز. كىتاپقا تولى شكافتى قاراۋدىڭ ءوزى ۇلكەن قۋانىش دەپ سانايمىن.
شىنىندا دا، بۇگىنگى كۇنى ادامعا كىتاپ ساتىپ الۋ ءۇشىن، اسىرەسە كلاسسيكتەر مەن جاڭالىقتاردى ساتىپ الۋعا ورتاشا ەسەپپەن 4000-5000 تەڭگە قاجەت. بۇل قاراپايىم ستۋدەنتتەرگە قىمبات «راحات» بولىپ كورىنۋى مۇمكىن. وسىعان بايلانىستى سۇراق تۋىندايدى: ءبىزدىڭ قيىن نارىقتىق الەمدە كىتاپتاردى ارزانداتۋدىڭ جولدارى بار ما؟ مەنىڭ ويىمشا،قىمبات دۇكەندەردەن كىتاپ ساتىپ الۋدىڭ قاجەتى جوق - ونى ءبىر ايعا قالانىڭ كىتاپحانالارىنان ۋاقىتشا وقۋعا الۋعا نەمەسە كوشەدە وتىرعان اتا-اجەلەردەن كىتاپ ساتىپ الۋعا بولادى،كوشەدە ءوتىپ بارا جاتقان ادامدار مىندەتتى تۇردە ەسكى بولسا دا،وزىنە كەرەك كىتاپتى تابادى دەگەن ويدامىن. وسىلايشا ءسىز ءوزىڭىزدىڭ جەكە كىتاپحاناڭىزدى وتە وڭتايلى باعامەن - 500 تەڭگەدەن تولىقتىرا الاسىز.
جالپى، قازىرگى جاستار قانداي كىتاپتارعا كوز جۇگىرتۋدى ءجون كورەدى؟
«گارري پوتتەر»، «ىمىرت»، «كورىسكەنشە»، «الحيميك»، «شانتارام»، «تاقتار ويىنى». ءاربىر ستۋدەنتتىڭ جانە وقۋشىنىڭ دەربەس كىتاپحاناسىنان تابىلعان تانىمال كىتاپتار.اتالعان كىتاپتار شىققاننان بەرى ەڭ كوپ ساتىلعان كىتاپتاردىڭ قاتارىنا كىرەدى. ماسەلەن، «گارري پوتتەر جانە قارعىس اتقان بالا» كىتابىنىڭ سوڭعى سەرياسى ينتەرنەتتى عانا ەمەس، الەمنىڭ تۇكپىر-تۇكپىرىندەگى كىتاپ سورەلەرىن سوزبە-سوز «جارىپ جىبەردى». بۇل كىتاپ 2016 جىلعى بەستسەللەرلەر ءتىزىمىنىڭ كوشباسشىسى بولدى. پوتتەريان ەڭ تانىمال كىتاپ سەريالارىنىڭ ءبىرى بولىپ قالا بەرەدى. اعىلشىن جازۋشىسى دجودجو مويەستىڭ كىتاپتارى ساپالى جارنامالىق تريۋكتەرى مەن فيلمگە بەيىمدەلۋىمەن عانا ەمەس، ەرەكشە رومانتيكالىق رۋحىمەن دە تانىمال بولىپ كەلەدى جانە ونىڭ شىعارمالارى قازاقستاندىق وقىرمانداردىڭ جۇرەگىنەن قۇرمەتتى ورىن الدى.
مەن وسى ورايدا قىزىعۋشىلىق تانىتىپ،كىتاپ ىزدەپ جۇرگەن بىرنەشە ستۋدەنتتەن «قانداي كىتاپتار وقۋدى ءجون كورەسىز؟»-دەپ سۇرادىم. العان جاۋابىم مىناداي بولدى:
«مەن عىلىمي فانتاستيكا وقۋدى ۇناتامىن. اندا-ساندا كلاسسيكانى وقيمىن، الايدا ونداي باعىتتاعى تۋىندىلاردىڭ مازمۇنىنا تەرەڭ ۇڭىلە المادىم »، - دەيدى اباي اتىنداعى ورتا مەكتەبىنىڭ تاربيەلەنۋشىلەرىنىڭ ءبىرى تۇرعىنباي ايدانا.
قورىتىندىلاي كەلە، مەن وسكەلەڭ ۇرپاقتى بارىنشا كىتاپ وقۋعا شاقىرعىم كەلەدى.سەبەبى قاراپايىم كىتاپ وقۋ ادامنىڭ جان دۇنيەسىن 180°-قا وزگەرتىپ جىبەرە الادى،سەبەبى كەيبىر وقىلعان اڭگىمەلەر ءومىر بويى ەستە ساقتالىپ، ءتىپتى تاعدىرعا اسەر ەتەدى. كىتاپتار، ادال دوس سياقتى، ءوز تاجىريبەلەرىمەن بولىسەدى جانە قىزىقتى سۇراقتارعا جاۋاپ بەرەدى. ولار ءسىزدىڭ قانداي ادام ەكەنىڭىزدى، قانداي مىنەز ەرەكشەلىكتەرىڭىز بار ەكەنىن تۇسىنۋگە كومەكتەسەدى.ءتىپتى،بەلگىلى ءبىر ادامنان قانداي كىتاپتاردى وقىعاندى ۇناتاسىز دەپ سۇراۋ ارقىلى،سول ادامنىڭ ىشكى الەمى تۋرالى كوپ نارسە بىلۋگە بولادى.
سونداي-اق مەنىڭ بايقاۋىمشا،قازىرگى تاڭدا كوپتەگەن جاندار ومىرىندەگى اسا قۇندى دۇنيەنى-ۋاقىتىن راحات پەن كوڭىل كوتەرۋگە جۇمسايتىن بولعان، سودان كەيىن ولاردىڭ ومىردە جاساعانىنان گورى،جاسايتىنى كوپ بولاتىنىنا تاڭ قالۋدىڭ قاجەتى جوق.ءبۇيتىپ ۋاقىتىڭىزدى ىسىراپ ەتكەنشە، ۇلى ادامداردىڭ كىتاپتارىنداعى يدەيالاردىڭ وڭ اسەرىنە بوي الدىرعان دۇرىس پا دەگەن وي تۋىندايدى.
ابىلاي حان اتىنداعى قازاق حالىقارالىق قاتىناستار جانە الەم تىلدەر ۋنيۆەرسيتەتىنىڭ 2 كۋرس ستۋدەنتى ءابدۋراسىل جانەركە
You Might Also Like
-
ادام كوزىن كوركەم تابيعاتى مەن اسەم عيماراتى ارقىلى جاۋلايتىن، ادام ساناسىن ءبىلىمى مەن بىلىكتىلىگى ارقىلى نۇرلاندىراتىن قارا شىڭىراق قازۇۋ-دىڭ وزگەلەرگە ۇقساماس وزگەشەلىكتەرىن ايتىپ تاۋىسۋ مۇمكىن ە...
