InfoHub Logo

— شىلدە-تامىز ايلارىندا تاڭەرتەڭ ەرتە الۋان ءتۇرلى گۇل اشاتىن مىڭباس شىرماۋىقتى بىلمەيتىن كىم بار دەيسىڭ؟ ونى كەيبىرەۋلەر كولەڭكە ءۇشىن ءجىپ كەرىپ، ۇيىستىرا وسىرسە، ەندى بىرەۋلەر تەمىر توردان قۇرىلعان قورشاۋدىڭ تۇبىنە ەگىپ وسىرەدى. بۇل گۇلدىڭ ءبىر عاجابى كۇننىڭ نۇرىن بويىنا ءسىڭىرىپ الادى دا كۇن كوتەرىلە كەلە قايتا جابىلىپ قالادى. جابىلاردان ءسال بۇرىن الىپ، مىجىپ، اينالعان تىك ىشەكتىڭ اۋزىنا جاپسىرىپ قويسا اۋرۋدىڭ جىلدام وڭالا باستاعانىن بەس-التى كۇننىڭ ىشىندە اڭعارۋعا بولادى. ءبىر ەمدەۋ مەرزىمى 7 كۇن. كۇن سايىن جاڭالاپ تارتىپ قويادى.

— كادىمگى جىلقىنىڭ تۇياعىن بالتامەن جاڭقالاپ شاۋىپ، اعاش وتىنمەن جاعادى. ارينە، تۇياق بىردەن لاپىلداپ جانىپ كەتپەيدى. اعاشتىڭ جالىنىنا ابدەن قىزىپ العان سوڭ بىقسىپ جانا باستايدى. وسى كەزدە وتتىڭ اراسىنان تۇياقتى الىپ بوس شەلەككە سالادى دا قۇيرىقتى جالاڭاشتاپ ءتۇتىننىڭ ۇستىنە وتىرادى. مۇنى اپتاسىنا ءۇش رەت جاساسا جەتەدى.

— ەمەن اعاشىنىڭ جاڭعاعىن جيناپ الىپ، سۋعا 15-20 مينۋتتاي قايناتىپ، جالىنى قايتقان بۋىنا وتىرىپ، سۋى جىلىعان سوڭ تۇسكەن تىك ىشەكتىڭ اۋزىن اسىقپاي وتىرىپ، جايلاپ جۋادى. كۇن سايىن جاتاردا وسىنداي ادىسپەن 10 كۇن جاساسا، تىك ىشەك اۋەلگى قالپىنا كەلەدى.

— ەر ادامدار ءۇشىن كۇن سايىن بەس مينۋت سۋىق سۋ قۇيىلعان ىدىسقا قۇيرىقتى باسىپ وتىرۋدىڭ دا پايداسى بار ەكەنىن تاجىريبە كورسەتكەن. مۇنداي ءادىستى قولدانۋ ءۇش اپتاعا سوزىلادى. ايەلدەر ءۇشىن ءتيىمسىز.

— وتقا جاقسى قىزدىرىلعان قىزىل كىرپىشتى جيناقىلاۋ ىدىستىڭ ىشىنە سالىپ، ۇستىنە ۇساقتاپ تۋرالعان ۋسارىمساقتى جايمالاپ قويادى دا بۋىنا قۇيرىقتى توسەپ وتىرادى. وعان قانشا قاجەت بولسا، سونشا وتىرۋعا بولادى.

— سىبىرلىكتەر ەجەلدەن شەتەن اعاشىنىڭ جەمىسىنەن جاسالعان شىرىندى ءىشۋ ارقىلى تىك ىشەكتىڭ ىشكى، سىرتقى اينالۋىن بىردەي جازىپ الاتىن بولعان. شەتەننىڭ جەمىسىن كۇزدە پىسكەن كەزدە جيناپ الىپ، شىرىنعا بەلگىلى مولشەردە قانت قوسىپ ازىرلەيدى. ءار جولى 200 مل-نان كۇنىنە ءۇش رەت ىشەدى. ارتىنان تازا سۋ ىشۋگە بولادى.

— كۇنباعىس ساباعىنىڭ وزەگىن الىپ، ورتەپ، كۇلىنە قارا شەكەر ارالاستىرىپ، تاڭەرتەڭ، كەشكە اس الدىندا ءبىر اس قاسىقتان ىشەدى. بۇل ءادىس ءۇش كۇننىڭ ىشىندە ءوز ناتيجەسىن كورسەتۋگە ءتيىس.

— راۋعاش تامىرىنان 30-40 گرامم الىپ، 300 مل سۋدا 6-7 مينۋت قايناتادى. ءبىر ساعات تۇندىرىپ، تاڭەرتەڭ، كەشتە اس الدىندا ءبولىپ ىشەدى. ءبىر ەمدەۋ مەرزىمى 7 كۇن.

— بيدايدىڭ ۇلكەندىگىندەي 7 ءتۇيىر اشۋداستى شيكى جۇمىرتقانى ەپپەن تەسىپ، ىشىنە تىعادى دا تەسىلگەن جەرىن سۋ وتپەيتىندەي ەتىپ بىتەپ، سۋدا قايناتىپ پىسىرەدى. كۇن سايىن اش قارىنعا بىردەن جەيدى. ءبىر ەمدەۋ مەرزىمى 7 كۇن. وسى ۋاقىت ىشىندە كوتەۋ وڭالا باستاعان بەلگى بەرۋى ءتيىس.

— اۋىلدىڭ ماڭايىندا كولشىكتەردە، سۋلاردا جۇرەتىن كادىمگى شۇبار باقانى ۇستاپ سويىپ، ىشەك-قارنىن الىپ تاستايدى. قالعان ەتىن، تەرىسىن تۋراپ، قويدىڭ بۇيرەك مايىمەن قوسىپ قۋىرىپ پىسىرەدى. وسى مايدان جىلىلاي تىك ىشەك اۋزىنداعى جاراعا جاعادى. نەمەسە تازا داكەگە مايدى قالىڭداۋ ەتىپ جاعىپ، جارانىڭ اۋزىنا تارتادى. ءبىر ەمدەۋ مەرزىمى 5 كۇن. كۇن سايىن جاڭالاپ وتىرادى.

كاسىبي حالىق ەمشىسى سەيىتقامزا قالييەۆتىڭ ەمشىلىك كەڭەستەرىنەن

---