قازۇۋ - ءبىلىم مەن عىلىم ورداسى
ماماندىق تاڭداۋ ءسوزىنىڭ ماعىناسىن ءاربىر مەكتەپ تۇلەگى تەرەڭىنەن ۇعىنارى ءسوزسىز. سەبەبى، بولاشاعىن ويلاعان كەز-كەلگەن ازامات ماماندىق تاڭداۋدا ۇزاق تولعاناتىنى انىق. دەگەنمەن، كوپ جاعدايدا جاستار كوپتەگەن كريتەرييلەرگە سۇيەنىپ، قانداي ماماندىق تاڭداۋ كەرەك ەكەندىگى تۇرعىسىنان جاڭىلىسىپ جاتادى. «اتا-انامنىڭ قالاۋى ورىندالسا بولدى»، «ديپلوم السام بولدى» دەگەن ويلار باسىمدىق كورسەتەتىن تۇستار دا كەزدەسەدى.
ال قازىرگى تاڭدا ءار جەكە تۇلعا ءوز ءومىر جولىن ءوزى تاڭداۋعا قۇقىلى. دانا قازاعىمىز «ەكى نارسەدەن جاڭىلىسپاۋ كەرەك، سونىڭ ءبىرى: ماماندىق تاڭداۋ» - دەپ بەكەر ايتپاسا كەرەك. ارينە، بۇل ويلار كوپ جاستاردى تولعاندىرعانى انىق. ەڭ الدىمەن، «مەن كىممىن؟»، «مەنىڭ كىم بولعىم كەلەدى؟» دەگەن ساۋالدارعا جاۋاپ ىزدەيدى. قازىرگى كەزدە كوپتەگەن اتا-انانىڭ بالاسىنىڭ تاڭداۋىممەن كەلىسىپ، ەركىندىك بەرۋى دە ءجيى كەزدەسەتىنى قۋانتادى. بۇگىنگى ستۋدەنتتەردىڭ اڭگىمەسىنەن قالاعان جوعارى وقۋ ورنىنا وقۋعا تۇسۋگە ءوز قالاۋلارىمەن كەلگەنىن بايقايمىز. ۋنيۆەرسيتەتتىڭ 1-كۋرس ستۋدەنتى اتانعان جاستاردىڭ دەنى وسى پىكىرگە سۇيەنەتىنى بەلگىلى. سونىڭ ءبىرى – اسقاربەك انەل دە: «مەن ۋاقىت وتە كەلە تابيعاتپەن بايلانىسى بار ءارى بۇگىنگى ادامزاتقا ەڭ وزەكتى بولىپ تابىلاتىن تىرشىلىك قاۋىپسىزدىگى مەن قورشاعان ورتانى قورعاۋعا جاقىن ماماندىقتاردى زەرتتەي باستادىم، ءارى وسى ماماندىقتى تاڭدادىم. بولاشاق تۇلەكتەرگە ايتار باستى كەڭەسىم: جوعارعى وقۋ ورنىن تاڭداۋدا ونىڭ اتاعىنا ەمەس، تاڭداعان ماماندىقتىڭ وقۋ ورنىندا وقىتىلۋ دەڭگەيىنە نازار اۋدارۋ كەرەك. مەنىڭ تاڭداۋىم - ءال-فارابي اتىنداعى قازاق ۇلتتىق ۋنيۆەرسيتەتىنە ءتۇستى. مەن ۇبت-نى ءساتتى تاپسىرىپ، قازۇۋ-دىڭ ستۋدەنتى اتاندىم. مەن وسى تاڭداۋىممەن ماقتانامىن، سەبەبى، بۇگىندە قازۇۋ - ءبىلىمدى جاستاردى دايارلاۋعا زور ۇلەس قوسىپ وتىرعان قارا شاڭىراق. وسىنداي قۋانىشتى ساتىمدە ءوز اقىلى مەن پاراساتتىلىعىمەن قارسى العان ۋنيۆەرسيتەت دوسەنتتەرى ك.ە.ابيكەنوۆا مەن ۋ.م. دجولدىبايەۆاعا ەرەكشە العىسىمدى بىلدىرگىم كەلەدىى» - دەگەن پىكىر ايتتى.
بولاشاققا تالپىنىپ ستۋدەنت اتانعان جاستار ءۇشىن وزدەرى ۇناتاتىن ءارى قوعامعا قاجەت ماماندىق يەسى اتانۋ – ومىرىندەگى ەڭ ماڭىزدى قادام بولارى انىق. بۇگىندە قازۇۋ ستۋدەنتتەرىنىڭ جەتىستىكتەرگە جەتۋ جولىندا مۇمكىندىكتەرى دە زور. وقۋعا قۇشتار جاستاردىڭ قاتارىنىڭ كوبەيۋى ۇلتىمىزدىڭ بولاشاعى جارقىن ەكەندىگىنىڭ دالەلى بولا الارى ءسوزسىز.
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
ءا.ب.اسقاربەك ءال-فارابي اتىنداعى ءقازۇۋ-نىڭ گەوگرافيا جانە تابيعاتتى پايدالانۋ فاكۋلتەتىنىڭ 1 كۋرس ستۋدەنتى
You Might Also Like
-
COVID-19 پاندەمياسى ادام ءومىرىنىڭ ءبىرىنشى ورىندا ەكەندىگىن قايتا دالەلدەپ بەرگەندەي. ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميك-عالىمدارى پاندەميا باستالۋىمەن ءتيىستى عىلىمي-زەرتتەۋ جۇمىس...
