InfoHub Logo

قازاقستان رەسپۋبليكاسىنىڭ  كلاسسيكالىق ۋنيۆەرسيتەتى،  86 جىلدىق تاريحى بار  ءال-فارابي اتىنداعى قازاق ۇلتتىق ۋنيۆەرسيتەتى بۇگىنگى تاڭدا الەمدەگى QS «World University Rankings» حالىقارالىق رەيتينگىسى بويىنشا  207 ورىندى يەلەنىپ،  الەمنىڭ جەتەكشى جوعارى وقۋ ورىندارىنىڭ قاتارىنا كىردى.

رەسپۋبليكامىزدا ارحيۆيست-قۇجاتتانۋشى  مامانداردى دايارلاۋدا ءال-فارابي اتىنداعى قازاق ۇلتتىق ۋنيۆەرسيتەتى بىرەگەي وقۋ ورنى بولىپ تابىلادى.  ارحيۆيست-قۇجاتتانۋشى مامانداردى دايارلاۋ ۋنيۆەرسيتەتتە  2010 جىلدان باستاپ ىسكە اسىرىلۋدا. ۋنيۆەرسيتەتتە  ءۇش ساتىلى ءبىلىم بەرۋ جۇيەسى، ياعني «باكالاۆر – ماگيستر – فيلوسوفيا دوكتورى» جۇيەسى تولىقتاي ەنگىزىلىپ، بۇكىل وقۋ ۇدەرىسى وسى جۇيە نەگىزىندە جۇرگىزىلەدى.

بيىلعى وقۋ جىلى وسى باعىتتا 5 ءبىلىم بەرۋ باعدارلامالارى دايارلانىپ، ىسكە اسىرىلدى: «6B03204-ارحيۆتانۋ، قۇجاتتانۋ جانە قۇجاتتامانى باسقارۋدى قامتاماسىز ەتۋ» (باكالاۆريات)؛ «7م03205-ارحيۆتانۋ، قۇجاتتانۋ جانە قۇجاتتامانى باسقارۋدى قامتاماسىز ەتۋ»، «7م03207-IT ارحيۆتانۋ جانە قۇجاتتانۋ»، «7م03208-ارحيۆتانۋ جانە قۇجاتتامانى باسقارۋدى قامتاماسىز ەتۋ» (قوس ديپلوم، ماگيستراتۋرا)، «8D03205-ارحيۆتانۋ، قۇجاتتانۋ جانە قۇجاتتامانى باسقارۋدى قامتاماسىز ەتۋ» (دوكتورانتۋرا).

ارحيۆيست-قۇجاتتانۋشى  ماماندىعىن دايارلاۋدا ۋنيۆەرسيتەتتە دۋالدى ءبىلىم بەرۋ جۇيەسى جولعا قويىلعان. ماماندىق ستۋدەنتتەرى ءدارىس جانە پراكتيكالىق ساباقتارىن ق ر پرەزيدەنت ءارحيۆى بازاسىندا وتەدى. ۋنيۆەرسيتەت جانە ق ر پرەزيدەنت ارحيۆىمەن الەۋمەتتىك سەرىكتەستىك تۋرالى  كەلىسىم-شارتقا 2014 جىلى قول قويىلدى. 2019 جىلى ق ر پرەزيدەنت ءارحيۆىنىڭ بازاسىندا «ارحيۆ ءىسى جانە قۇجاتتانۋ» وقۋ-ونىدىرىستىك كافەدراسى اشىلدى. ءوندىرىستىڭ بازاسىندا وسىنداي كافەدرانىڭ اشىلۋى بولاشاقتا ستۋدەنتتەر،  ماگيسترانتتار مەن دوكتورانتتاردىڭ تەوريالىق بىلىمدەرىن  ءىس جۇزىندە پراكتيكامەن ۇشتاستىرۋىمەن قاتار  ۇلكەن وقۋ – ادىستەمەلىك ورتالىعىنا اينالاتىنى ءسوزسىز. ستۋدەنتتەر مەن ماگيسترانتتار وندىرىستىك، ديپلوم الدى جانە عىلىمي-زەرتتەۋ تاجىريبەلەرىن ارحيۆ مەكەمەلەرىمەن قاتار،  مەملەكەتتىك جانە مەملەكەتتىك ەمەس ۇيىمداردىڭ (حابار» اگەنتتىلىگى، «قازسەلدەنقورعاۋ» مم، الماتى قالاسىنىڭ ءبىلىم بەرۋ باسقارماسى؛ «حوۋم» كرەديت بانكى؛ «Atasu» كومپانياسى جانە ت.ب.) بازاسىندا وتەدى. اتالعان مەكەمەلەرمەن كەلىسىم-شارت جاسالعان.

ۋنيۆەرسيتەتتىڭ حالىقارالىق بايلانىستار جۇيەسىندە ستۋدەنتتەر مەن ماگيسترانتتارعا ارنالعان اكادەميالىق ۇتقىرلىقتىڭ ماڭىزى زور. بۇگىنگى كۇنى ماماندىق بويىنشا ستۋدەنتتەر مەن ماگيسترانتتار پولشاداعى ماريا كيۋري-سكلودوۆسكايا  اتىنداعى  ۋنيۆەرسيتەتىندە، يتالياداعى لا ساپيەنسا، كا-فوسكاري ۋنيۆەرسيتەتتەرىندە، رەسەي مەملەكەتتىك گۋمانيتاردىق ۋنيۆەرسيتەتتىندە  اكادەميالىق ۇتقىرلىق شەڭبەرىندە وقىپ كەلدى. سونداي-اق، قازىرگى ۋاقىتتا رەسەي مەملەكەتتىك گۋمانيتارلىق  ۋنيۆەرسيتەتىمەن قوس ديپلومدىق وقۋ باعدارلاماسى ىسكە قوسىلۋدا.

جىل سايىن جاس ارحيۆشىلەردىڭ جازعى مەكتەبى ق ر پرەزيدەت ءارحيۆى، قازۇۋ مەن رەسەي مەملەكەتتىك گۋمانيتارلىق ۋنيۆەرسيتەتىنىڭ ۇيىمداستىرۋىمەن وتكىزىلەدى. جازعى مەكتەپ جۇمىسىنا  ارحيۆ  جانە قۇجاتتانۋ سالالارىنداعى شەتەلدىك سپيكەرلەر (اقش، پولشا، رەسەي) قاتىسۋدا. جازعى مەكتەپتى تابىستى اياقتاعان قاتىسۋشىلار ءوز سالاسىنداعى ءبىلىمى مەن تاجىريبەسىن  الماسىپ قانا قويماي، كاسىبي  قابىلەتتەرىن دە دامىتۋعا مۇمكىندىك الادى، سوڭىندا حالىقارالىق سەرتيفيكات بەرىلەدى. مۇنىڭ ءوزى جاستاردىڭ ماماندىققا دەگەن قىزىعۋشىلىقتارىن ارتتىرا تۇسەدى.

«ارحيۆتانۋ، قۇجاتتانۋ جانە قۇجاتتامانى باسقارۋدى قامتاماسىز ەتۋ» ماماندىعىن بىتىرۋشىلەر ارحيۆ مەكەمەلەرىندە، مەملەكەتتىك جانە مەملەكەتتىك ەمەس ۇيىمداردىڭ باسقارۋدى قۇجاتتامامەن قامتاماسىز ەتۋ بولىمدەرىندە (اكىمشىلىك، بانكتەر، حالىقارالىق كومپانيالار، حالىققا قىزمەت كورسەتۋ ورتالىقتارى، اقپاراتتىق اگەنتتىلىكتەر جانە ت.ب.)،  كوللەدجدەردە  ارحيۆيست، وفيس-مەنەدجەر، قۇجاتتانۋشى، ساراپشى بولىپ جۇمىس ىستەي الادى.

رەسپۋبليكادا 214 مەملەكەتتىك ارحيۆ مەكەمەلەرى ارەكەت ەتەدى، مەملەكەتتىك جانە مەملەكەتتىك ەمەس ۇيىمداردىڭ ارحيۆتەرىن ساناماعاندا. مەملەكەتتىك  ارحيۆتەردە ارنايى كاسىبي ارحيۆيست ءبىلىمى بار  قىزمەتكەرلەردىڭ سانى وتە از. بۇل ءبىر جاعىنان، ارحيۆيست ماماندىعىنا دەگەن قاجەتتىلىكتەردى  ارتتىرۋدا، ەكىنشى جاعىنان مەملەكەتتىك جانە مەملەكەتتىك ەمەس مەكەمەلەر مەن ۇيىمداردا قۇجاتاينالىمىن جەتىك مەڭگەرگەن قۇجاتتانۋشى مامانداردىڭ جوقتىڭ قاسى. ۇشىنشىدەن، قازىرگى اقپاراتتاندىرۋ قوعامىندا ءبىرىڭعاي ەلەكتروندى قۇجات اينالىم جۇيەسىن جانە  «سيفرلى قازاقستان»، «ارحيۆ 2025» باعدارلامالارىن ساپالى دەڭگەيدە جۇزەگە اسىراتىن دا وسى ماماندار بولماق.  سوندىقتان، ءىس جۇزىندە ارحيۆيست- قۇجاتتانۋ ماماندىعىنا دەگەن سۇرانىس جىل سايىن وسۋدە.

جاقىندا مەكتەپ ءبىتىرۋشى جاس تۇلەكتەردىڭ  ساپالى ءبىلىم بەرەتىن جوعارعى وقۋ ورنىن تاڭداۋدىڭ ۋاقىتى دا كەلىپ جەتتى. ماماندىقتى دۇرىس تاڭداۋ ادام ومىرىندەگى ەڭ ماڭىزدى ءىس. ەگەمەندى ەلىمىزدىڭ دامۋىنا ءوز بىلىمىمەن جانە بىلىكتىلىگىمەن ۇلەس قوسام دەگەن ءاربىر جاس تۇلەكتى رەسپۋبليكاداعى ەڭ الدىڭعى قاتارلى ۋنيۆەرسيتەت،  قاسيەتتى قارا شاڭىراقتا ءبىلىم الۋعا شاقىرامىز.

الپىسبايەۆا ن.ك.- ءال-فارابي ات. قازۇۋ-ڭ

پروف. م.ا.، تاريح عىلىمدارىنىڭ كانديداتى

---