InfoHub Logo

ەلباسىمىز ن.ءا.نازاربايەۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇستازدارى جانە ستۋدەنتتەرىمەن كەزدەسۋدە سويلەگەن سوزىندە: «ءححى عاسىردىڭ تابالدىرىعى الدىندا ءبىلىم بەرۋ كاپيتالعا اينالۋدا. ونىڭ ءوزى ماڭىزدىلىعى جاعىنان ستراتەگيالىق رەسۋرستارمەن باسەكەلەسە الادى، جانە سولاي بولۋى ءتيىس. ءبىلىم بەرۋ ءىسى ەلدىڭ دامۋ دەڭگەيى ارقىلى باعالاناتىن بولادى»-دەپ، وقۋ-اعارتۋ، ءبىلىم مەن عىلىمنان جاس قازاق ەلىنىڭ ورتالىق ازيا "بارىسىنا" اينالۋى  ماڭىزىنىڭ ەرەكشە زور ەكەنىن ايتىپ، جاستاردىڭ جان-جاقتى ءبىلىم الۋىنىڭ قاجەتتىلىگىنە كەڭىنەن توقتالدى.

ەلباسىنىڭ سويلەگەن سوزىنەن ءبىلىم بەرۋدىڭ مەملەكەت دامۋىنىڭ اسا ماڭىزدى فاكتورى ەكەندىگىنە كوز جەتكىزۋ قيىن ەمەس. وسىلايشا ءار ۋاقىتتىڭ، ءار زاماننىڭ ۇرپاقتارى الدىندا بەلگىلى ءبىر جوسپارلار، مىندەتتەر تۇراتىنىن ايتپاسا دا بەلگىلى.

قازىرگى تاڭدا ەلىمىزدەگى جوعارى وقۋ ورىندارىنىڭ باستى ەرەكشەلىكتەرىنىڭ ءبىرى – ءبىلىم بەرۋ كەڭىستىگىندە باسەكەگە قابىلەتتى ماماننىڭ ينتەللەكتۋالدىق الەۋەتىن دامىتۋ بولىپ وتىر. وسىعان بايلانىستى بولاشاق مامانداردى كاسىبي جانە تۇلعالىق دامىتۋ ءۇردىسى اقپاراتتى جوعارعى دەڭگەيدە يگەرەتىن جانە پراكتيكادا بەكىتە الاتىن ادىستەردى قولدانۋدى تالاپ ەتەدى. بۇل تالاپ – ءبىلىم بەرۋ سالاسىندا يننوۆاسيالىق وزگەرىستەردىڭ تۋىنداۋىنا ىقپال ەتە وتىرىپ، وقىتۋدىڭ نەگىزى رەتىندە تۇلعالىق دامۋدى قاراستىرادى. ويتكەنى، اقپاراتتىق ءداۋىر ەكونوميكاسى بولاشاق ماماننىڭ ءبىلىمدى، ءارى بىلىكتى تۇلعاسىنا تاۋەلدى بولىپ وتىر.

1934 جىلى نەگىزى قالانعان قازۇۋ-دە قازىرگى تاڭدا 7 عىلىمي-زەرتتەۋ ينستيتۋتى، 1 عىلىمي-تەحنولوگيالىق پارك، 5 ينستيتۋت، 30 الەۋمەتتىك-گۋمانيتارلىق باعىتتاعى عىلىمي ورتالىق، 14 فاكۋلتەت، 62 كافەدرا جانە 7 دەپارتامەنت جۇمىسىن اتقارىپ، اتالمىش تالاپتاردى ورىنداۋعا بارلىق جاعداي جاساۋدا.

قازۇۋ، تاريح، ارحەولوگيا جانە ەتنولوگيا فاكۋلتەتى، تاريح جانە گەوگرافيا ماماندىعىنىڭ 1 كۋرس ماگيسترانتى جانعالي شىڭعىس. عىلىمي جەتەكشى: كارتابايەۆا ە.ت.

---