ءال-فارابي اتىنداعى قازۇۋ-دا «ەر ەدىگەنىڭ التىن وردا تاريحىنداعى ورنى» اتتى ونلاين فورماتتا رەسپۋبليكالىق عىلىمي-تاجىريبەلىك كونفەرەنسيا ءوتتى
2020 جىلى 3 جەلتوقساندا ءال-فارابي اتىنداعى قازاق ۇلتتىق ۋنيۆەرسيتەتى جانە «TILEU-QABAQ» قوعامدىق قورى بىرلەسە وتىرىپ قازاقستان تاريحى كافەدراسىنىڭ ۇيىمداستىرۋىمەن التىن وردانىڭ قۇرىلۋىنا 750 جىل تولۋىنا وراي «ەر ەدىگەنىڭ التىن وردا تاريحىنداعى ورنى» اتتى ونلاين فورماتتا رەسپۋبليكالىق عىلىمي-تاجىريبەلىك كونفەرەنسيا وتكىزدى.
كونفەرەنسيا اشىلۋىندا ءال-فارابي اتىنداعى قازۇۋ-نىڭ ءبىرىنشى پرورەكتورى، ق ر ۇعا اكادەميگى م.م. بۇركىتبايەۆ ءسوز باسىن الىپ، ايتۋلى ءىس شاراعا جىلى لەبىزىن ءبىلدىردى. ءارى قاراي ءماجىلىس قازاقستاننىڭ تۇپكىر-تۇكپىرىنەن كەلگەن تاريحشى عالىمدار مەن فيلوسوفتاردىڭ قىزۋ تالقىلاۋىنا ءتۇستى. سولاردىڭ ءبىرى س. بايىشيەۆ اتىنداعى اقتوبە ۋنيۆەرسيتەتىنىڭ پروفەسسورى اسان جۇمانازار مىرزا ەدىگە ءبيدىڭ تاريحي بەينەسى تۋرالى ماسەلەردى قوزعاي وتىرا، تۇلعانىڭ جەرلەنگەن جەرى تۋرالى تىڭ مالىمەتتەر بەرىپ ءوتتى. سونىمەن قاتار ت.ع.د.، پروفەسسور تالاس وماربەكوۆتە ەر ەدىگەنىڭ تاريحي ءرولى مەن التىن وردا تاريحىنا قوسقان ۇلەسىن قاراستىرىپ، تاقىرىپقا قاتىستى قازىرگى كەزدەگى كونسەپتۋالدىق كوزقاراستار مەن ايتىلماي جۇرگەن اۋقىمدى ماعلۇماتتار قورىمەن ءبولىستى.
عىلىمي كونفەرەنسيا جۇمىسى ءپانارالىق بايلانىس نەگىزىندە التىن ورداداعى ساياسي قارىم-قاتىناستار مەن ونداعى جەكەلەگەن تۇلعالاردىڭ قىزمەتىن قازاق مەملەكەتتىلىگىنىڭ قالىپتاسۋ تاريحىنا قوسقان ۇلەسى اسپەكتىسىندە قاراستىرۋعا ارنالدى. جانە دە ەۋرازيا قۇرلىعىنداعى ساياسي، مادەني جانە الەۋمەتتىك تاريحتى زەرتتەۋگە بايلانىستى جۇرگىزىلگەن ارحەولوگيالىق ىزدەنىستەر مەن جۇمىستار نەگىزىندە جاسالعان تىڭ تۇجىرىمدار مەن عىلىمي جاڭالىقتار ساراپتالدى.
كونفەرەنسيا سوڭىندا «TILEU-QABAQ» قوعامدىق قورىنىڭ ءتوراعاسى س.س. جانتورەنوۆ مىرزا قورىتىندى ءسوزىن سويلەي وتىرىپ، ۋنيۆەرسيتەتكە سونداي – اق كونفەرەنسيانى ۇيىمداستىرۋشىلارىنا العىس حات تاپسىرىپ، قازاقستان تاريحى كافەدراسىنىڭ مەڭگەرۋشىسى، ق ر ۇعا اكادەميگى، تاريح عىلىمدارىنىڭ دوكتورى، پروفەسسور ب.ب. كارىبايەۆتى كونفەرەنسيانىڭ جوعارى دەڭگەيدە وتۋىنە بايلانىستى العىس حات جاريالاي وتىرىپ، «ەر ەدىگە» مەدالىمەن ماراپاتتادى.
ت.ع.ك.، دوسەنت قوزعامبايەۆا گ.ب ، تاريح، ارحەولوگيا جانە ەتنولوگيا فاكۋلتەتىنىڭ 1 كۋرس ماگيسترانتى ءابدىنازار ا.ن
You Might Also Like
-
شەت ەلگە دەگەن قۇمارلىق ارتۋدا. حالقىمىزدىڭ تاعدىرى نە بولماق؟!
-
ءال-فارابي اتىنداعى قازاق ۇلتتىق ۋنيۆەرسيتەتى – قازاقستانداعى كوپسالالى ءبىلىم بەرەتىن الدىڭعى قاتارلى وقۋ ورنى. العاشىندا قازاق مەملەكەتتىك ۋنيۆەرسيتەتى دەپ اتالدى. ول ركفسر حالىق اعارتۋ كوميس...
