ۇلى جەڭىسكە - 75 جىل
1941 جىلدىڭ ماۋسىمىندا باستالىپ، 5 جىلعا سوزىلعان سۇراپىل سوعىستىڭ اياقتالعانىنا تۋرا 75 جىل. جەڭىس تۋىن جەلبىرەتۋگە سول كەزدەگى كەڭەس وداعىنىڭ قۇرامىندا بولعان قازاقستان ازاماتتارى قوماقتى ۇلەس قوستى. قازاقستاننان ۇوس العاشقى كەزەڭىندە 14 اتقىشتار ديۆيزياسى مەن اتتى اسكەردەن التى بريگادا مايدانعا اتتاندى. قازاقستاننان 497 جاۋىنگەر اتاعىن الدى. كەڭەس وداعى ءۇشىن ەكىنشى دۇنيەجۇزىلىك سوعىستاعى جەڭىس وتە قىمباتقا ءتۇستى، جيىرما جەتى ميلليوننان استام جاۋىنگەر مايداننان ورالمادى، ونىڭ 603 مىڭى قازاقستاندىق مايدانگەرلەر ەدى.
قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازاربايەۆ ۇلى وتان سوعىسى تۋرالى جالپى تاريحي ەستەلىكتى ساقتاۋ مەن تاراتۋدى، سوعىس جانە تىل ارداگەرلەرىنە قامقورلىقتى ءاردايىم ءوزىنىڭ پارىزى دەپ ەسەپتەيدى. نۇرسۇلتان ءابىش ۇلى «جۇيتكىگەن ۋاقىت ءبىزدى سول كەزەڭنەن جىل وتكەن سايىن الىستاتۋدا. الايدا، بۇل وقيعانى ءتۇسىنۋ مەن ونىڭ ماڭىزدىلىعى ءبىزدىڭ ادامداردىڭ جادىنان ەشقاشان وشىرمەيدى. ءبىزدىڭ اتا-بابالارىمىز كەسكىلەسكەن شايقاستا وت كەشىپ، وكوپتاردان كەۋدەلەرىن وققا توسەگەنىن بىلەمىز. ولار وتانىمىزدى، ءبىزدىڭ تىنىشتىعىمىزدى، اشىق اسپانىمىزدى قورعادى. سوندىقتان دا ءبىز بۇل كۇندى بابالارىمىزدىڭ، اتالارىمىزدىڭ، اكەلەرىمىزدىڭ باتىرلىعى، قايسارلىعى ۇرپاقتاردىڭ جادىندا ساقتالۋى ءۇشىن اتاپ وتەمىز. ءبىر جاعىنان، بۇل بىرلىگى بەكەم حالىقتىڭ ءارقاشاندا جەڭىسكە جەتەتىنىن كورسەتەدى»، - دەپ اتاپ ءوتتى.
جەڭىس كۇنىنە وراي ءداستۇرلى تۇردە قازاقستاننىڭ بارلىق ءىرى قالالارىندا مەرەكەلىك ءىس-شارالار وتەدى. كوشەلەردە اسكەري تەحنيكالار، ات شەرۋى، ماڭگىلىك الاۋعا گۇل قويۋ ءراسىمى، مەرەيتويلىق وتشاشۋ وتەدى. كونسەرتتەر، مادەني-كوپشىلىك ءىس-شارالار، مەرەيتوي مەدالدارىن تاپسىرۋ، سۋرەتشىلەردىڭ، حالىق شىعارماشىلىعىنىڭ، ۇلى وتان سوعىسىنا ارنالعان كىتاپتاردىڭ كورمەسى جانە ت.ب. ۇيىمداستىرىلادى.
جاۋىنگەرلەردىڭ جانكەشتى ەرلىگى مەن «ءبارى جەڭىس ءۇشىن!» دەپ تىلدا ەڭبەكتەن حالىقتىڭ قايرات-جىگەرى مەن ءپارتريوتيزمى بۇگىنگى ۇرپاققا ۇلگى. – ۇلى وتان سوعىسىن ەسكە الۋ ءاربىر ازاماتتىڭ قاسيەتتى پارىزى! بۇل ۇرپاقتاردىڭ بىرلىگىن ارتتىرىپ، تاريحي ءداستۇر ساباقتاستىعىن قامتاماسىز ەتەدى. سوندىقتان 1945 جىلعى جەڭىس تۋرالى شىندىقتى زەردەلەۋ، ءبىز ءۇشىن بارلىق فاشيزم قۇرباندارىنىڭ الدىنداعى ەڭ ماڭىزدى مورالدىق مىندەت.
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
ن.م.تاستەيەۆ ءال-فارابي اتىنداعى ءقازۇۋ-نىڭ گەوگرافيا جانە تابيعاتتى پايدالانۋ فاكۋلتەتىنىڭ 1-كۋرس ستۋدەنتى
You Might Also Like
-
ەلباسىمىز ن.ءا.نازاربايەۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇستازدارى جانە ستۋدەنتتەرىمەن كەزدەسۋدە سويلەگەن سوزىندە: «ءححى عاسىردىڭ تابالدىرىعى الدىندا ءبىلىم بەرۋ كاپيتالعا اينالۋ...
