قازۇۋ - جاستار ءۇشىن مۇمكىندىكتەر مەكەنى
ءال-فارابي اتىنداعى قازاق ۇلتتىق ۋنيۆەرسيتەتى – ەلىمىزدەگى، ءتىپتى الەمدىك ارەنادا قازاقستاندى لايىقتى تانىتاتىن ەلدىڭ الدىڭعى قاتارلى جوعارى وقۋ ورىندارىنىڭ ءبىرى. ءوزىنىڭ مارتەبەسى مەن اسەم كامپۋسى ارقىلى بەلگىلى ۋنيۆەرسيتەت جىل سايىن جاس تۇلەكتەردىڭ الما-ماتەرى اتانىپ، ءبىلىم الۋشىلار ءۇشىن كوپتەگەن مۇمكىندىكتەر جاساۋدا.
وقۋ ورنى قۇرامىنا 16 فاكۋلتەت، 67 كافەدرا، 82 ماماندىق، 32 عىلىمي-زەرتتەۋ ينستيتۋتى مەن ورتالىقتار، تەحنوپارك قىزمەتتەرىن قامتيدى. تاريحى تەرەڭ جوو-نىندا 2000-نان استام پروفەسسور، دوكتور، عىلىم كانديداتى مەن فيلوسوفيا دوكتورلارى، 100-دەن استام اكادەميالاردىڭ اكادەميكتەرى، 40-تان اسا قازاقستان رەسپۋبليكاسىنا ەڭبەك سىڭىرگەن قايراتكەرلەرى، 40-قا جۋىق قازاقستان رەسپۋبليكاسىنىڭ مەملەكەتتىك جانە اتاۋلى سىيلىعىنىڭ لاۋرەاتتارى، سونداي-اق، 40 جاس عالىمدار سىيلىعىنىڭ لاۋرەاتتارى مەن 47 مەملەكەتتىك عىلىمي ستيپەنديالاردىڭ ستيپەنديانتتارى ەڭبەك ەتەدى. ۋنيۆەرسيتەت قابىرعاسىندا 25 مىڭنان استام بىلىمگەر مەن ماگيسترانت ءبىلىم الۋدا جانە ولاردىڭ ءارقايسىسى ەڭ ءىرى 418 حالىقارالىق جوعارعى وقۋ ورنىمەن ورناتىلعان ىنتىماقتاستىق اياسىندا مۇحيت پەن ەل اسىپ، شەت ەلدەرگە شىعا الادى. بۇگىندە بۇل كورسەتكىشتەردى حالىقارالىق بەدەلدى رەيتينگ "QS World University Ranking 2020" بويىنشا 165 ورىنعا جىلجىپ، الەمنىڭ ۇزدىك 200 جوو-نىڭ قاتارىنا كىردى.
ءقازۇۋ-نىڭ باستى ماقساتى ەلىمىزدىڭ قوعامدىق ءومىرى مەن عىلىمىنا، ەكونوميكانىڭ ماڭىزدى باعىتتارىنىڭ قارقىندى دامۋ ماسەلەلەرىن شەشۋگە باعىتتالعان زاماناۋي، جوعارى ءبىلىمدى، باسەكەگە قابىلەتتى ماماندار بۋىنىن قالىپتاستىرۋ. قازۇۋ عىلىمي ينفراقۇرىلىمىنىڭ نەگىزى – رەسپۋبليكاداعى ىرگەلى زەرتتەۋ باعدارلامالارى جالپى مولشەرىنىڭ 50 پايىزى جۇرگىزىلەتىن 20 عىلىمي-زەرتتەۋ ينستيتۋتى مەن حالىقارالىق عىلىمي ورتالىق.
ءوزىنىڭ ەرەكشە اسەم كامپۋسىندا ستۋدەنتتەرگە قاجەتتى ءزاۋلىم كىتاپحانا، ستۋدەنتتەر مەن جاس عالىمدار ماگيسترانتتار، دوكتورانتتار جاتاقحاناسى، "كەرەمەت" ستۋدەنتتەرگە قىزمەت كورسەتۋ ورتالىعى، جەكە ۇزدىك تەحنولوگياداعى مەديسينا ورتالىعى، ءتىپتى شاشتاراز بەن سۋپەرماركەت ورىن العان. ستۋدەنتتەر ءۇشىن حالىقارالىق باعدارلامالار، ستيپەنديالار مەن وليمپيادالار ۋنيۆەرسيتەت تاراپىنان ۇسىنىلىپ، حالىقارالىق ارەناعا شىعۋعا مۇمكىندىك بەرەدى.
زۇلحارناي ۇلى شەرحان، قازۇۋ
You Might Also Like
-
جاباي قىزعالداقتى كوپ جۇلدى. بوركىنىڭ ماڭدايىنا دا، جاعاسىنا دا قىستىرىپ الدى. كوكتەمنىڭ تۇڭعىش گۇلىنە قۋاندى. جوڭكىلگەن ءمولدىر ساعىمنىڭ ارعى جاعىندا ورمان مۇنارتادى. ۋىسىنداعى ءبىر توپ سارعالداقتى ...
