InfoHub Logo

قوس ديپلوم باعدارلامالارى حالىقارالىق ىنتىماقتاستىقتىڭ ماڭىزدى باعىتتارىنىڭ ءبىرى بولىپ تابىلادى. ءبىر مەزگىلدە ەكى ديپلوم الۋ ارقىلى ستۋدەنتتەردىڭ ءوز اكادەميالىق ءبىلىمىن تەرەڭدەتىپ، مادەنيەتارالىق الماسۋعا قاتىسىپ، كاسىبي مانساپ جولىندا كەڭ مۇمكىندىكتەر اشىلادى.

قوس ديپلومدى ءبىلىم بەرۋ ەكى وقۋ باعدارلاماسىن قاتار مەڭگەرتۋدى كوزدەيدى. جالپى ستۋدەنت ءبىر مەزگىلدە ەكى باعدارلامانى مەڭگەرە وتىرىپ، ءبىلىم تۋرالى ەكى تەڭ قۇندى ديپلوم نەمەسە نەگىزگى ءبىلىمىن راستايتىن ءبىر ديپلوم جانە قوسىمشا العان ءبىلىم تۋرالى ەكىنشى ديپلوم الۋى.

ياعني قوس ديپلومدى ءبىلىم الۋ ءبىر جوعارعى وقۋ ورنىندا وقىپ ءجۇرىپ، سونداي-اق بەلگىلى ءبىر كەزەڭ ىشىندە سەرىكتەس شەت ەلدىڭ جوعارعى وقۋ ورنىنا وقۋعا بارۋ مۇمكىندىگىن ايتامىز.

قوس ديپلومدى وقۋ باعدارلامالارىن جۇزەگە اسىرۋ ءۇشىن سەرىكتەس – جوعارعى وقۋ ورىندارى تىعىز ىنتىماقتاستىقتا جۇمىس ىستەيدى:

كەلىسىلگەن ءبىلىم بەرۋ باعدارلامالارى مەن وقۋ جوسپارلارىن بىرلەسىپ ازىرلەيدى جانە بەكىتەدى؛

ستۋدەنتتەر ەكى ديپلومدى ءبىلىم الۋعا قوسىلعان ءبىلىم بەرۋ باعدارلاماسىنىڭ ءبىر بولىگىن ەۋروپادا ءبىلىم الۋ ارقىلى سەرىكتەس جوو -دا مەڭگەرەدى؛

سەرىكتەس جوعارى وقۋ ورىندارى اراسىندا ءبىلىم بەرۋدىڭ جوعارى ساپاسىنىڭ جالپى قاعيداتتارى مەن ستاندارتتارىن جانە وقۋ ۇدەرىسىن ۇيىمداستىرۋدىڭ بارلىق پۋنكتتەرىن ەسكەرە وتىرىپ، كەلىسىم جاسالادى؛

سەرىكتەس - جوو وقىتۋشىلارى جالپى قابىلداۋ جانە اتتەستاتتاۋ كوميسسيالارىنا قاتىسادى؛

قوس ديپلومدى ءبىلىم بەرۋ باعدارلاماسىن تابىستى مەڭگەرگەن ستۋدەنتتەر ءار سەرىكتەس جوعارى وقۋ ورنىنىڭ دارەجەسىن نەمەسە سەرىكتەس جوعارى وقۋ ورىندارىنىڭ اراسىنداعى كەلىسىم نەگىزىندە ءبىر بىرلەسكەن دارەجەنى الادى.

قوسديپلومدى باعدارلامانىڭ ارتىقشىلىقتارى مەن كەمشىلىك تۇستارى

قوس ديپلوم باعدارلامالارى – بۇل ستۋدەنتتىڭ 4 جىل ىشىندە ەكى ديپلوم الۋعا جانە تابىستى مانساپ قۇرۋعا ۇلكەن مۇمكىندىگى، ويتكەنى شەتەلدە وقۋ تاجىريبەسى جۇمىس بەرۋشىدەن سۇحبات العان كەزدە باسەكەگە قابىلەتتى مامان بولۋعا مۇمكىندىك بەرەدى. قوس ديپلومنىڭ بىرنەشە ارتىقشىلىعى بار:

- ستۋدەنت ۋاقىتىن شىعىنىنسىز جۇمساپ، ەكى ۋنيۆەرسيتەتتىڭ ديپلومدى مامانى بولادى؛

- ستۋدەنتتىڭ شەتەلدىك جوعارى وقۋ ورىندارىنىڭ ماگيستراتۋراسىنا، اسىرەسە ستۋدەنت ديپلوم العان جوعارى وقۋ ورنىنا تۇسۋگە ارتىقشىلىقتارى بار؛

- ستۋدەنت باسقا ەلدەردىڭ ستۋدەنتتەرىمەن قارىم-قاتىناس جاساي الادى؛

- تىلدىك تاجىريبە جانە تىلدىك ورتا ستۋدەنتتىڭ تىلدىك داعدىلارىن جاقسارتۋعا مۇمكىندىك بەرەدى؛

- ارى قاراي جۇمىسقا ورنالاسا وتىرىپ، شەتەلدىك كومپانيادا تاجىريبەدەن ءوتۋ مۇمكىندىگى كوپ.

دەگەنمەن، قوس ديپلوم باعدارلامالارىنىڭ كەمشىلىكتەرى دە بار. ەڭ الدىمەن، بىردەن ەكى جوعارعى وقۋ ورىندارىندا وقۋدى جوسپارلاپ وتىرعان ستۋدەنت قيىن بولاتىنىن ءتۇسىنۋى كەرەك. ەكى ديپلوم الۋ ءۇشىن كوپ كۇش جۇمساۋعا تۋرا كەلەدى، ويتكەنى حالىقارالىق باعدارلامالار باسەكەگە قابىلەتتى مىقتى مامانداردى شىعارۋعا باعىتتالعان. ستۋدەنتتەرگە قويىلاتىن تالاپتار جوعارى. كوپتەگەن سەرىكتەس جوعارعى وقۋ ورىندارى تىلدىك دايىندىقتىڭ جوعارى دەڭگەيىن، سونداي-اق وقۋ پروسەسىنە تولىق ەنۋدى تالاپ ەتەدى. بۇل تالاپتاردى سەرىكتەس- جوعارعى وقۋ ورىندارىنىڭ ەلىنە كەلگەن ستۋدەنتتەر ءمىنسىز ورىنداۋى ءتيىس.

بۇگىندە قوس ديپلومدى ءبىلىم بەرۋ ستۋدەنتتەر مەن جوعارى وقۋ ورىندارىنىڭ الدىندا اشىلعان ۇلكەن مۇمكىندىكتەرىنىڭ ارقاسىندا ەرەكشە وزەكتىلىككە يە بولدى.

وقۋ ورىندارى شەتەلدىك ارىپتەستەرمەن تاجىريبە الماسۋ، بىرلەسكەن عىلىمي زەرتتەۋلەر جۇرگىزۋ بويىنشا ءوزارا ءىس-قيمىل جاساۋعا مۇمكىندىك الادى، ال ستۋدەنتتەر حالىقارالىق ءبىلىم بەرۋ باعدارلامالارى بويىنشا ءبىلىم الا وتىرىپ، وتاندىق جانە ەۋروپالىق جوعارى وقۋ ورىندارىنىڭ الدىڭعى قاتارلى وقىتۋشىلارىنان جوعارى ساپالى ءبىلىم بەرۋ قىزمەتتەرىن الادى.

قوس ديپلومدى ءبىلىم بەرۋ ستۋدەنتتەردىڭ، وقىتۋشىلاردىڭ، زەرتتەۋشى-سەرىكتەستەردىڭ حالىقارالىق جەكە قارىم-قاتىناسىنىڭ بىرەگەي ورتاسىندا ءبىلىم الۋدىڭ تاماشا مۇمكىندىگى بولىپ تابىلادى. وقىتۋ ارنايى ازىرلەنگەن باعدارلامالار بويىنشا جۇرگىزىلەدى. ءبىلىم تۋرالى بەرىلەتىن قۇجاتتار ەلىمىزدە عانا ەمەس، شەتەلدە دە جارامدى بولىپ تابىلادى.

ءال-فارابي اتىنداعى قازۇۋ تاريح، ارحەولوگيا جانە ەتنولوگيا فاكۋلتەتى

ت.ع.ك.، دوسەنت ل.م. حاسانايەۆا 2ء-شى كۋرس ماگيسترانتى دايروۆا گۇلدانا

---